Ibrani 6:4 - Alkitab Duri

^4-6 Ia ke denni tomatappa'mo lako Puang Isa anna cia' pole' omo matappa', te'damo nadikulle mpupengkatoba' pole'i. Naperasaimo to barakka'-Na Puang Allataala, naperasai toomo to kuasan-Na Roh Allataala, naissenmo to kumua melo to kadan-Na Puang Allataala, naperasai toomo to kuasan-Na to la napake jio ahera'. Apa ia ke susii joo, nacia'mo ia matappa' lako Puang Isa, te'damo nadikulle mpupengkatoba' pole'i, sanga padami to mpampang pole' Anak Allataala jao kaju sitamben. Iamo joo napusaba' nate'damo nakasiri'i tobuda to Puang Isa.

Ibrani 6:4 ပူးပေါင်းရင်းမြစ်များ

Matius 12:45

Malemi ntambai pitu setang laenna to la'bih masa'ga' pole' opa na ia. Napentamaimi joo tau, natorro lan. Mangkatampakanna la'bih masussa pole' opa joo tau na ia tonna jolona. Susi toomi joo to la jaji lako to togaja' to tuo tee wattu.”

Matius 5:13

Mangngajahhimi Puang Isa nakua, “Dipasangrapang kamu' ce'la! Ia ke tangmeloi penawammi, susi kamu' ce'la tangbuaci' to te'damo nadikulle mpebuaci'i pole'i, anna te'da bua'na lako padammi tolino. Ia ke te'damo bua'na to ce'la, la dica'beanmira, nasilese-lesei tau.

Yahya 15:6

Ia to tote'da namemmesa' sola Aku', la dica'bean lako salean, namerrangko susi rangko anggoro' to disembangngi. Ia joo rangko dirempun nadisumpun.

Yahya 3:27

Mebalimi Nabi Yahya nakua, “Moi mesa' apa te'da naampui tau, ke te'da na Puang Allataala mbenni jao mai suruga.

Yahya 4:10

Mebalimi Puang Isa nakua, “Te'da muissenni to barakka'-Na Puang Allataala na te'da too muissen kumua indara' tee mpeta'daiko wai diiso'. Ia ke la muissenni, iko pole'ra la mpeta'da wai lako Aku', angkubenko wai mangpatuo.”

Yahya 6:32

Nakua Puang Isa ngkuanni, “La miingaran tee kadang-Ku' kumua, tangngia Nabi Musa tonna anu' to mben kamu' kande jao mai suruga, apa Ambe'-Ku' Ia to mben kamu' kande tongan jao mai suruga.

Jamanna Rasulu' 10:45

Jangngah ngasanmi to to-Yahudi to matappa'mo lako Puang Isa nasiturusan Petrus jio mai kota Yope, ngkitai to bangsa tangngia to-Yahudi diben too Roh Allataala.

Jamanna Rasulu' 11:17

Jaji manassa naben too Puang Allataala Roh Allataala to bangsa tangngia to-Yahudi, susi to nabenki' tontamatappa' lako Puang Isa Almaseh. Iamo joo naumbo la kukua hhalangngii to Puang?”

Jamanna Rasulu' 15:8

Natarruh Puang Allataala to penawanna tau. Namangkamo napamanassa kumua natarimamo to bangsa tangngia to-Yahudi. Iamo napamanassa tonna benni Roh Allataala susi to mangka nabenki'.

Jamanna Rasulu' 8:20

Apa napebalii Petrus nakua, “Ee, masolangko sola tuu doi'mu! Sanga musangai iko wa'ding dialli doi' to pangkamasean-Na Puang Allataala.

Roma 1:11

nasaba' mamali'na' la ssitammuan kamu', angkuwa'ding mben kamu' to barakka' nabenna' Roh Allataala, to la mpamawatang kamatapparanmi.

2 Korintus 4:4

Ia to Ballisi', to ngkuasaii tee lino, iamo ssamboii tangngahna tuu lako tote'da namatappa', anna te'da nakitai to arrangna Kareba Kasalamatan to napupangngarrang kamala'biran-Na Almaseh to sangrupa bang una Puang Allataala.

2 Korintus 4:6

Ia tonna padenni Puang Allataala tee lino mangkadai nakua, “La ollong to arrang lan kamalillinan.” Ia toomo nnarrangngii to penawanta', antakullei nnissenni to kamala'biran-Na Puang Allataala to mangngarrang jio lindo-Na Almaseh.

Galatia 3:2

Ia mandara tee kupangngingaranan kamu' kumua, te'da mitarima Roh Allataala, sanga mpugauk kamu' atoran agama, apa iara to ssa'ding kamu' Kareba Kasalamatan jio mai Puang Allataala, ammimatappa' lako Puang Isa Almaseh.

Galatia 3:5

Na ia to Puang Allataala naben tarruh kamu' Roh Allataala, sola napakitan tarruh kamu' tanda mejangngaran. Tangngiara sanga mpugauk kamu' atoran agama, apa iara to ssa'ding kamu' Kareba Kasalamatan ammimatappa' lako Puang Isa Almaseh.

Efesus 1:18

Kupassambajangan too kamu', napapahangngi kamu' Puang Allataala, ammiwa'ding nnissenni to apa mirannuan jio mai Puang Allataala to mangka mpilei kamu' menjaji umma'-Na. Ammiissenni kumua liwa' melo to apa nabasse Puang Allataala lako umma'-Na.

Efesus 2:8

Dipasalama' kamu', nasaba' kameloan penawan-Na Puang Allataala, sanga matappa' kamu' lako Puang Isa. Na ia joo tangngia kamu' nnangahhi, apa barakka'-Nara Puang Allataala.

Efesus 3:7

Napabarakkannina' Puang Allataala tee jaman mpangpeissenan Kareba Kasalamatan anna kuasan-Na Puang Allataala mbenna' kapakullean mpugaukki.

Efesus 4:7

Pada ntarimamiki' barakka' jio mai Almaseh situru' pakkaeloran-Na.

1 Timotius 4:14

La tatta'ko mpakkegunai to barakka' mangka nabenko Roh Allataala. Ia joo wattu den nabi mpaui to apa la jaji lako kalemu sola napalullungngiko pala'na pekaamberan jamaa.

2 Timotius 2:25

na mpangkadai rampa' tobatta'. Dennaa upa' naben unapi wattu Puang Allataala to tau susi joo namengkatoba' jio mai dosana anna issenni to pangngajaran tongan.

2 Timotius 4:14

Aleksander, to pande tambaga, mangka mpugaukki to liwa' ganjang lako aku'. Na Puang Allataalamora mpabalahhii to sipato'na panggaukanna.

Ibrani 10:32

Ee, tomala'bihku'! Ingaranni umbo mikua tommimane' matappa'. Ia joo wattu pembudamo kamu' mperasai pa'dik, apa moi nasusi joo da'tan kamu' mawatang matappa'.

Ibrani 2:4

Te'da na ia manda joo, apa Puang Allataala Ia ntongananni to kadanna tuu lako tau, anna benni kuasa mpugauk mangrupa-rupa tanda mejangngaran, naben tooi barakka' Roh Allataala situru' pakkaeloran-Na.

1 Yahya 5:16

Ia ke mikitai to padammi tomatappa' mpugauk dosa, la massambajang kamu' lako Puang Allataala, anna benni katuoan melo te'da cappa'na. Ia tee, ia mandara kupau to dosa te'da namparatu pangsessa te'da cappa'na. Apa den dosa to mparatu pangsessa te'da cappa'na. Na ia joo te'da kusua kamu' mpassambajanganni lako Puang Allataala.