Ibrani 6:12 - Alkitab Duri

¹² Cia'kan ke memmakuttu kamu'. Apa madoangkan kumua miala palelean matai to tomatappa' lako Puang Allataala, anna sabbara' ntajanni sanaampa'na to apa nabasseanni Puang Allataala.

Ibrani 6:12 ပူးပေါင်းရင်းမြစ်များ

Kada Bulawan 12:24

Ia to tomarajin wa'ding mangparenta, apa ia to tomakuttu la dipupangjama tangdigaji.

Kada Bulawan 13:4

Ia to tomakuttu buda bang to apa nakadoangngi, apa moi mesa' te'da naampa', apa ia to tomarajin mengkaja, naampa' ngasan to apa nakadoangngi.

Kada Bulawan 15:19

Ia to katuoanna tomakuttu, butung nnolai tananan keduri, apa ia to katuoanna tomaruruh penawanna, butung nnola lalan melo te'da sakkalanganna.

Kada Bulawan 18:9

Ia to tomakuttu njama jamanna, pada bang sipa'na to tongkabudai makkasolang.

Kada Bulawan 2:20

Iamo joo, turu'i to panggaukanna tomelo penawa, mualai palelean mata to tomakassing.

Kada Bulawan 26:14

Susi salli' titimbak melako, susi toomi to tomakuttu, membaliang melako bang jao katindoanna.

Kada Bulawan 28:10

Ia to tossede tomaruruh penawanna la mangpanggaukan gaja', kannora ia naatta passedena. Apa ia to tote'da caccana la nduppa kamasannangan.

Matius 22:32

‘Aku'mo Puang Allataala to nasompa Nabi Ibrahim, Ishak, na Yakub.’ Totuora to ssompa Puang Allataala, tangngia tomate!”

Matius 25:26

Mebalimi joo puangna nakua, ‘Ee, ikomo kaunan ganjangna sipa'mu na kuttuan! Muissenmo kumua, mpeburai bangna' tangngia pantananku', nnala toona' assele' tangngia pangngambohku'.

Lukas 16:22

Matemi joo tokaasi-asi nabawai malaeka' lako ngenan mala'bih jio sa'dena Nabi Ibrahim. Mate todami joo tosugih nadilamun.

Lukas 8:15

Ia to banne tuo jio litak malompo dipasangrapangngi to tossa'ding kadan-Na Puang Allataala, napallan penawa meloi na maruruh penawanna, namatappa' tarruh sanggenna membua.”

Roma 12:11

Danggi' makuttu njamai to jaman-Na Puang Allataala situru' pangpatujun-Na Roh Allataala.

Roma 2:7

Ia to toda'tan bang mpugauk kameloan, nakua anna nnampa' kamala'biran, kadipujian na katangmasolangan, la naben Puang Allataala katuoan melo te'da cappa'na.

Roma 4:12

Susi too lako todisunna', napuambe' too to Nabi Ibrahim, ke matappa' tooi lako Puang Allataala susi kamatapparanna Nabi Ibrahim tonna te'dapa nadisunna'.

1 Tesalonika 1:3

Mangkurru sumanga'kan sanga kiingaran tarruhhi jio olo-Na Ambe'ta' Puang Allataala to panggaukan melo mipugauk nasaba' kamatapparanmi. Kiingaran too to pangtulungmi lako padammi rupa tau nasaba' pangpakamoja'mi. Kiingaran kumua da'tan kamu' mawatang nnoloi mangrupa-rupa pecoba nasaba' mangrannuan kamu' lako Puangta' Puang Isa Almaseh.

2 Tesalonika 1:4

Iamo joo, angkituli mpau kamu' umbo-umbo kinii male sitammu jamaa-Na Puang Allataala. Pa'jakkan ncuritai, matumba to kasabbarasanmi, ammida'tan matappa' lako Puang Isa Almaseh moi midipakario-rio sola dipa'dikki.

Ibrani 1:14

Ia to malaeka' mpangjaman Puang Allataala to nasua ntulungngi to tolantarima kasalamatan.

Ibrani 10:36

Parallu kamu' sabbara', ammikullei mpugaukki to pakkaeloran-Na Puang Allataala. Ia ke susii joo la mitarimai to apa nabassean kamu'.

Ibrani 11:33

Ia to tau susi joo budamo raja natalo, sanga matappa'i. Napugaukki to pakkaeloran-Na Puang Allataala, anna tulungngi Puang Allataala susi to napauanni. Napasitutu'i to kasongo singa,

Ibrani 12:1

Ee, tomala'bihku'! Wa'ding dikua kumua, sininna joo tomatappa' tonna anu' susi saleu' mbombonniki'. Na ia joo kasa'bianna mpamawatang penawanta'. Iamo joo melo ke tapatorro ngasanni to apa mabanda', la'bih-la'bih dosa to tuli ssedeki'. Ia ke tapatorro ngasanmi, wa'dingmiki' mpugaukki to pakkaeloran-Na Puang Allataala ratu lako cappa'na.

Ibrani 13:7

Ingaranni to pekaamberan jamaa to mangkamo mpangpeissenan kadan-Na Puang Allataala lako kamu'. Ingaran tooi matumba to sipa'na ratu lako matena, ammialai palelean mata to kamatapparanna.

Ibrani 5:11

Budapa to parallu la kiajaran kamu' to kadiangkasan-Na Puang Isa menjaji Imang Lompo, apa masussa kamu' la diajahhi sanga makuttu kamu' mangpesa'ding.

Ibrani 6:15

Sabbara'i to Nabi Ibrahim ntajanni to janjinna, sanggenna naampa' to apa nabasseanni Puang Allataala.

Yakub 1:3

Sanga miissen kumua la sabbara' kamu', ke da'tan kamu' matappa' lako Puang moi nakanna kamu' pecoba.

2 Petrus 1:10

Ee, tomala'bihku' sola ngasan! Napileimo kamu' Puang Allataala menjaji umma'-Na anna tambai kamu' nturu'i. Iamo joo la mipengkulle-kullei nturu' pakkaeloran-Na, anna manassa lako kalemi sola tolaen kumua tongannamo kamu' napilei Puang Allataala. Na ia ke mipugaukki susi joo, te'damo milampugauk pole'i to sipa' jolomi.

1 Yahya 2:25

sanga ia to nabasse Almaseh lako kita', iamo to katuoan melo te'da cappa'na.

Pengkitanna Yahya 13:10

“Ia to tau la ditarungku, nang la ditarungku ia. Na ia to tau la dibuno mpake pa'dang, nang la dibuno ia. Jaji la sabbara'i namatappa' to umma'-Na Puang Allataala.”