Ibrani 5:2 - Alkitab Duri

² Tau biasa joo Imang Lompo na buda caccana ba'tu kakuranganna. Iamora joo nawa'ding nnissen apara naperasai to tompugauk dosa nasaba' te'dapa naissenni to pangngajaran tongan.

Ibrani 5:2 ပူးပေါင်းရင်းမြစ်များ

Lukas 22:32

Apa mangkamo' mpassambajanganko ammuda'tan matappa'. Na ia mumengkatoba'mo, la mupamawatang kamatapparanna to padammu tomatappa'.”

2 Korintus 11:30

Ia ke la paralluna' mpuji kaleku', mpujina' kaleku' sanga te'da kapakulleanku'.

2 Korintus 12:5

Iara joo tau la kupuji, apa te'da kulampuji kaleku'. Ia manda la kunii mpuji kaleku' to katangpakulleanku'.

Galatia 4:13

Miissen kumua pamulanna kupangpeissenanni tee Kareba Kasalamatan lako kamu', sanga masakina' joo wattu.

Efesus 4:18

na te'da namapahang. Te'da naampa' katuoan baru to nabenni Puang Allataala, sanga te'da naissenni to pangngajaran tongan na tangmangpesa'ding tooi.

1 Timotius 1:13

moi kupau gaja'i tonna jolona angkupakario-rioi to tonturu'i. Apa nakamaseina' Puang Allataala, sanga ia joo wattu te'da kuissenni to apa kupugauk, nasaba' te'dapa kumatappa'.

Ibrani 12:13

Maruruh kamu' nturu' Puang, anna te'da naden tau cia'mo matappa', apa mawatangngi matappa'.

Ibrani 2:17

Jaji, mentolinomo to Puang Isa namenjaji susi tolino, anna wa'ding menjaji Imang Lompo mangpakamoja', to njama tarruh jaman-Na Puang Allataala. Na ia ke susii joo, wa'dingngi mpasikalino Puang Allataala na tolino na ndampangan too tolino.

Ibrani 2:18

Na Ia una nadenmo namaparri', nadipengkulle-kullei ssedei mpugauk dosa. Iamo joo nakullei ntulungngi to todipengkulle-kullei toda disede danggi' na mpugauk dosa.

Ibrani 4:15

Ia joo Imang Lompota' naissen to katangpakulleanta', sanga mangkami dipengkulle-kullei disede mpugauk dosa susi kita', apa te'da napugauk dosa.

Ibrani 7:28

Situru' atoranna Nabi Musa ia to tolino biasa diangka' menjaji Imang Lompo moi naden caccana ba'tu kakuranganna. Apa ia to sapah-Na Puang Allataala, to dipau undi na ia to atoranna Nabi Musa, nnangka'i joo Anak to te'da caccana ba'tu te'da kakuranganna menjaji Imang Lompo. Ia joo Anak mangkamo napupenjaji Tomangpasalama' te'da cappa'na.

Ibrani 9:7

Imang Lompo manda to mentama Ngenan Kaminang Macero, na sipissen toori sangtaun napugauk. Ianna mentama, mbawai rara karoba napassompan lako Puang Allataala, meta'da anna didampangan ke den dosa te'da nadianggai'i moi to napugauk imang iarika tobuda.

Yakub 5:19

Ee, tomala'bihku'! Ingaranni tee kada kumua, ia ke den tau membalik jio mai pangngajaran-Na Puang Allataala, la mipangngingaranni namengkatoba' pole', na ia to tompangngingaranni joo tomadosa namengkatoba', iamo joo tau napusaba' nadipasalama' to sunga'na jio mai kamatean jio ahera', na didampangan, moi buda dosana. Padamo jolo' too. Sallangki' mati', Yakub.

1 Petrus 2:25

Ia tonna jolona susi kamu' to bembala' lewa', apa ia tee too dipapolemo kamu' lako Tomangrewa to mpuinawa kamu'.