Ibrani 5:12 - Alkitab Duri

¹² Masaimo mituru' to Puang Isa. Sitonganna wattunnamo kamu' mpangpangngajaran kadan-Na Puang Allataala. Apa ianna dikita, parallupa kamu' diajahhi pole' to pangngajaran jio mai kadan-Na Puang Allataala to biasa diben tau mane' matappa' lako Puang Isa. Susipa kamu' pea biccu', tangmitamapangkande kande makarrah, tollo' bang unapa la mikande.

Ibrani 5:12 ပူးပေါင်းရင်းမြစ်များ

Matius 17:17

Mebalimi nakua, “Takkaliwa' ngasan kamu' tee! Tangmatappa' sola sala lalan to tau too allo! Piranpara masainna la kunii torro, to la minii mpa'dikki penawang-Ku'. Bawai mai tuu pea.”

Markus 9:19

Mebalimi Puang Isa nakua, “Takkaliwa' ngasan kamu' tee! Tangmatappa' to tau too allo! Piranpara masainna la kunii torro, to la minii mpa'dikki penawang-Ku'. Bawai mai tuu pea.”

Jamanna Rasulu' 7:38

Nabi Musamo to lan tangnga-tangngana to-Israel jio padang pallawangan mpangpeissenanni lako tojolota' to apa napauanni malaeka' jao Buntu Sinai. Iamo ntarimai to kada diputuo pole jio mai Puang Allataala to disimanahhi ratu lako kita'.

Roma 3:2

Tantu bangmo buda bua'na! Nasaba' sininna kadan-Na Puang Allataala to-Yahudimo jolo dipauan.

1 Korintus 14:19

Apa moi nasusi joo, ia angkulan jamaa, moi limang bukura kada kupake mangngajahhi apa napahangngi tau, na ia ke massa'bu-sa'bu kada lan basa mejangngaran kupau apa te'da napahangngi.

1 Korintus 14:20

Ee, tomala'bihku' sola ngasan! Danggi' mimangtangngah susi tote'da apa naissen. Sibalikanna la mangtangngah susira kamu' tomasaranianmo. Apa ianna kagajatan, la da'tan kamu' susi tote'dapa apa naissen.

Galatia 4:3

Susi toomi kita', ia tonna jolona susipiki' pea napukaunan dewata lan tee lino.

Filipi 3:1

Ee, tomala'bihku'! Mangkatampakanna, la masannang kamu' sanga mesa' penawamo kamu' sola Puang Allataala. Ia ke kudadu'i nnukiran kamu' to apa mangka kupauan kamu' mati', te'dara namatumba, na la mipumelona ia.

Kolose 3:16

La mipallan penawa tarruhhi to pangngajaran-Na Almaseh ammituru'i. La da'tan bang kamu' siajaran misipakainga' too mpake sininna kapaissenanmi. La macanning atimmi mangkurru sumanga' lako Puang Allataala mimakkelong Zabur, kelong pangpujian ba'tu kelong laen.

Ibrani 10:32

Ee, tomala'bihku'! Ingaranni umbo mikua tommimane' matappa'. Ia joo wattu pembudamo kamu' mperasai pa'dik, apa moi nasusi joo da'tan kamu' mawatang matappa'.

Ibrani 5:11

Budapa to parallu la kiajaran kamu' to kadiangkasan-Na Puang Isa menjaji Imang Lompo, apa masussa kamu' la diajahhi sanga makuttu kamu' mangpesa'ding.

Ibrani 5:13

Ia to tongkandepa tollo', battuananna pea biccu'pa ia, te'dapa naissenni to disanga melo na gaja'.

Ibrani 6:1

Iamo joo melo ke mipamulai mpelajahhii to pangngajaran kasaranian to sipato' dipangngajaran lako to masaranianmo, danggi' na ia manda mipelajahhi to bungah pangngajaran. Danggi' omo na ia midadu'-dadu' bang to bungah pangngajaran to kumua la tatorroimi mpugaukki to apa te'da bua'na, na la matappa' lako Puang Allataala,

1 Petrus 2:2

Apa la susira kamu' topea'-pea' mane' jaji to tuli mawakke bang madoang nniso' dadik massang, iamo to kadan-Na Puang Allataala. Na ia ke mipesa' tonganni to kadan-Na Puang Allataala, la masaranianmo kamu' ammisalama'.

1 Petrus 4:11

Ia to tomangngajah la mangngajahhi susi tonasuanni Puang Allataala. Na ia to tontulung padanna rupa tau, la mangtulung situru' kapakullean to nabenni Puang Allataala. Ia ke susimi joo la napakala'bih tau to Puang Allataala sanga Puang Isa Almaseh. Tomakuasa to Puang Allataala na sipato' dipakala'bih tarruh te'da cappa'na. Amin.