Ibrani 4:9 - Alkitab Duri

⁹ Jaji, tatta' bang unapa to basse-Na Puang Allataala lako umma'-Na, iamo to kakendenan susi kakendenan-Na Puang Allataala ke allo mangpempitui.

Ibrani 4:9 ပူးပေါင်းရင်းမြစ်များ

Matius 1:21

La njajianni mesa' pea muane na la musangai Isa (battuananna ‘Tomangpasalama'’), nasaba' iamo la mpasalama' umma'-Na jio mai pangpatumangna dosana.”

Titus 2:14

Mangkamo Ia mpangkaroban kalena la lla'bakki' jio mai sininna kagajatanta' napupenjajiki' umma'-Na to tangmadosa antatatta' too mpugauk kameloan.

Ibrani 11:25

La'bih nakabudai maparri' sola umma'-Na Puang Allataala na ia to mperasai kamasannangan cingga'tu'ra to napaden dosa.

Ibrani 3:11

Angkumagalli kumassapah kukua: Nang la te'damo namentama ntuu joo tondok, to nanii kenden tarruhmo sola Aku'.’ ”

Ibrani 4:1

Tatta' bang unapa to basse-Na Puang Allataala kumua wa'dingki' mentama tondok to tanii kenden tarruhmo mangjama sola Ia. Iamo joo taingaran meloi danggi' naden tau tanglamentama ntuu joo tondok kakendenan to dibasseanki'.

Ibrani 4:10

Sanga ia to tomentama ntuu joo tondok kakendenan la nakendenni tarruhhi to jamanna susi Puang Allataala.

Ibrani 4:3

Kita'mo tomatappa' la mentama ntuu joo tondok kakendenan nabasseanki' Puang Allataala. Apa ia to totangmatappa' te'da nalamentama, situru' kadan-Na Puang Allataala kumua, “Magallina' kumassapah kukua, ‘Nang la te'damo namentama ntuu joo tondok, to nanii kenden tarruhmo sola Aku'.’ ” Te'da namentama ntuu joo tondok kakendenan sola Puang Allataala moi namangkamo dipasadia mellao jio mai kajajianna tee lino.

Ibrani 4:8

Ia ke la nakullei Yosua ssolanni to to-Yahudi mentama ntuu joo tondok kakendenan to nabasse Puang Allataala, la te'damo napau pole'i Puang Allataala to mesa' wattu laen.

1 Petrus 2:10

Ia tonna jolona tangngiapa kamu' umma'-Na Puang Allataala, apa ia tee too menjaji umma'-Namo kamu'. Ia tonna jolona te'da miperasaii to kamamasean-Na Puang Allataala, apa miperasaimo tee too.

Pengkitanna Yahya 14:13

Ssa'ding pole' omo' gamara jao mai suruga nakua, “Uki'i tee, ‘Mammula tee too masannang to tau ke naalami bilangan taun-Na Puang Allataala, namate.’ ” Nakua Roh Allataala, “Tongan. Kendenmi mangjama mabanda', na ia to panggaukanna nabenmi Puang Allataala to pahalana.”

Pengkitanna Yahya 21:4

Puangmo la mpa'dii to wai matanna, na te'damo to disanga kamatean, asse penawa, killak, kamasakian, te'da lalomo ia. Ia to apa jolo ta'de ngasanmi.”