Ibrani 4:8 - Alkitab Duri

⁸ Ia ke la nakullei Yosua ssolanni to to-Yahudi mentama ntuu joo tondok kakendenan to nabasse Puang Allataala, la te'damo napau pole'i Puang Allataala to mesa' wattu laen.

Ibrani 4:8 ပူးပေါင်းရင်းမြစ်များ

Jamanna Rasulu' 7:45

Sitarruhna nabawa tooi, tonna solanni Yosua male parari mpassialaii tee tondokkota' jio mai kuasanna bangsa laen to naula'i Puang Allataala jio mai olona. Ia joo tenda jioi tangnga-tangngana to-Israel ratu lako kaparentanna Raja Daud.

Ibrani 1:1

Ia tonna anu' buda cara tuli napake Puang Allataala ssua nabi mparatuanni kadan-Na lako tojolota'.

Ibrani 4:9

Jaji, tatta' bang unapa to basse-Na Puang Allataala lako umma'-Na, iamo to kakendenan susi kakendenan-Na Puang Allataala ke allo mangpempitui.

Yosua 1:15

Mitulungngi narampai to tana la Nabenni PUANG Allataala llan kalambunanna Sa'dan Yordan, tana Kanaan to la napupadang. Ianna torro manyamanmo llan joo tana to Nabenni PUANG Allataala to misompa, mane'ra kamu' wa'ding pole pole' ntee tanami to miniimo torro manyaman inde' kadellekan Sa'dan Yordan to mangkamo naben kamu' Nabi Musa tompangjaman PUANG Allataala.”

Yosua 11:23

Susimi joo Yosua rrampa ngasanni joo kota, susi to Napangparentan PUANG Allataala lako Nabi Musa. Nabenni Yosua lako to-Israel joo kota, natawanni pantan suku napuapai. Mangkai joo too pajami to to-Israel massirari, te'damo nnapa-apai to kotana.

Yosua 22:4

Na ia too Nabenmi PUANG Allataala to tasompa kamanyamanan to sile'tomi, susi to mangka Nabasse. Iamo joo, wa'dingmo kamu' pole lako bolami jio tana manahmi, to mangka naben kamu' Nabi Musa, tompangjaman PUANG Allataala, jio kadellekanna Sa'dan Yordan.

Yosua 23:1

Masainmi Naben PUANG Allataala kamanyamanan to to-Israel, te'damo ewana barani nnewai. Ia joo wattu matuami to Yosua,