Ibrani 4:7 - Alkitab Duri

⁷ Iamo joo napattantu pole' omi Puang Allataala to wattu laen nanii wa'ding to tolino mentama ntuu joo tondok kakendenan. Na ia joo wattu sitonganna iamo tee too. Buttinna kumua mangtaun-taun mangkanna Nabi Musa, nauki' pole'i Raja Daud kadan-Na Puang Allataala to mangka tasa'ding nena' kumua, “Ia tee too ke misa'dingngi to gamaran-Na Puang Allataala, danggi' mimembattuk!”

Ibrani 4:7 ပူးပေါင်းရင်းမြစ်များ

Matius 22:43

Mekutana unapi Puang Isa nakua, “Ia ke susii joo, ciapari na Raja Daud una mpekapuangngii, tonna patujui Roh Allataala, namangkada nakua:

Markus 12:36

Na pangpatujun-Na Roh Allataala na Raja Daud kalena mangkada nakua: Nakua Puang Allataala mangkada lako Puangku', ‘Cumadokkoko ntee sa'de kanan-Ku', angkupupentalo ngasanni to ewalim-Mu mukuasaii.’

Lukas 20:42

Nasaba' lan Sura' pangpujianna Raja Daud, ia kalena mangkada nakua: Nakua Puang Allataala mangkada lako Puangku', ‘Cumadokkoko ntee sa'de kanan-Ku',

Jamanna Rasulu' 2:29

Mpatarruhpa kadanna Petrus nakua, “Ee, todipusile'to, baranina' mpau maruruh bangngi lako kamu' to Raja Daud tojolota', kumua mangkami mate na mangka toomi dilamun. Den unapa to lamunanna takita ratu lako too allo.

Jamanna Rasulu' 2:31

Iamo joo napau joloi Raja Daud kumua ia to Raja Mangpasalama' la tuo pole'. Nakua, ‘Te'da nadieloran torro lan lino tomate, na te'da too nalaburuk to batang kale-Na lan lamunan.’

Jamanna Rasulu' 28:25

Ia tonna sipekkamo to tau, nasisarak-sarak, nakuamo Paulus, “Liwa' tongan to apa napau Roh Allataala lako tojolomi, to napau Nabi Yesaya tonna anu'.

Ibrani 3:15

Susi tee to diuki' lan Sura' Allataala kumua, “Ia tee too ke misa'dingngi to gamaran-Na Puang Allataala, danggi' mimembattuk, susi tojolomi to nasolan Nabi Musa jio mai tana Mesir, tonna mbali-bali Puang Allataala.”