Ibrani 4:10 - Alkitab Duri

¹⁰ Sanga ia to tomentama ntuu joo tondok kakendenan la nakendenni tarruhhi to jamanna susi Puang Allataala.

Ibrani 4:10 ပူးပေါင်းရင်းမြစ်များ

Yahya 19:30

Nacuccu'i Puang Isa joo anggoro', namane' mangkada nakua, “Mangkami!” Namane' cukku, naka'tu sunga'-Na.

Ibrani 1:3

Iamo joo Anak to mpapajanni lako kita' to kamala'biran-Na Puang Allataala. Ia to sipa'-Na sola kuasan-Na susi una sipa'-Na sola kuasan-Na Puang Allataala. Ia toomo nnampaii tee lino mpake kada makuasan-Na na te'da natiseran. Ia tonna mangkamo mate la ndampangan tolino, cumadokkomi jao suruga jio sa'de kanan-Na Puang Allataala to kaminang makuasa namangparenta.

Ibrani 10:12

Apa ia to Almaseh pissenri mpassompan kalena la ndampangan tolino, na ia joo pangkaroban te'da naparallu didadu'. Mangkai joo too cumadokkomi jio sa'de kanan-Na Puang Allataala namangparenta sola.

Ibrani 4:9

Jaji, tatta' bang unapa to basse-Na Puang Allataala lako umma'-Na, iamo to kakendenan susi kakendenan-Na Puang Allataala ke allo mangpempitui.

Pengkitanna Yahya 14:13

Ssa'ding pole' omo' gamara jao mai suruga nakua, “Uki'i tee, ‘Mammula tee too masannang to tau ke naalami bilangan taun-Na Puang Allataala, namate.’ ” Nakua Roh Allataala, “Tongan. Kendenmi mangjama mabanda', na ia to panggaukanna nabenmi Puang Allataala to pahalana.”

Pengkitanna Yahya 6:11

Pada dibenni pakean malando mabusa, namane' disua kenden jolo' nasabbara' cingga'tu', anna dipaganna' bilanganna to padanna tomatappa' to la dibuno toda.