Ibrani 4:1 - Alkitab Duri

¹ Tatta' bang unapa to basse-Na Puang Allataala kumua wa'dingki' mentama tondok to tanii kenden tarruhmo mangjama sola Ia. Iamo joo taingaran meloi danggi' naden tau tanglamentama ntuu joo tondok kakendenan to dibasseanki'.

Ibrani 4:1 ပူးပေါင်းရင်းမြစ်များ

Kada Bulawan 14:16

Ia to tomacca ngkarewai kalena, na mpamambela kalena jio mai panggaukan gaja', apa ia to tobattuk madoi' magalli, na mpattuan kalena.

Kada Bulawan 28:14

Masannang to toda'tan ngkalaja' ngkasiri' Puang Allataala, apa la macilaka to tomatojo.

Matius 24:48

Apa ia ke masa'ga'i joo kaunan, la mangkadai lan penawanna,

Jamanna Rasulu' 3:19

Ee todipusile'to! Iamo joo la mpenassanni kamu' dosami mimengkatoba', mimenturu' lako Puang Allataala anna dita'dei to dosami,

Roma 11:20

Tongan tuu mipaunna. Apa iara nadisembangngi nasaba' te'da namatappa', na ditarima kamu' nasaba' matappa' kamu'. Iamo joo danggi' mimajao penawa, apa la malaja' kamu' lako Puang Allataala.

Roma 3:23

nasaba' sininna tolino mpugauk dosa na te'da nasipato' ntarima kasalamatan.

1 Korintus 10:12

Jaji, ia to tossanga kalena matappa' tongan, la majagai nadanggi' namenjaji tomadosa susi tuu lako tau tonna anu'.

2 Korintus 6:1

Ia tee kami', mpangjamankan Puang Allataala. Iamo joo kimeta'da tongan-tongan lako kalemi, nadanggi' mitangmpuinawai to barakka' kasalamatan mangka mitarima anna membua melo.

Galatia 5:4

Ia ke la mipengkulle-kullei nturu' atoran agama dikua napupenjaji tomelo kamu' Puang Allataala, te'damo milasipusola Almaseh, na te'da toomo milamperasai kameloan-Na Puang Allataala.

2 Timotius 2:13

Ia ke tapaboko'i penawa, tatta' Ia nningaranki', nasaba' nang susimi Ia.”

Ibrani 12:15

Ingaranni danggi' naden moi mesa' tau cia'mo ntarimai to barakka'-Na Puang Allataala. Ingaranni danggi' naden tau susi to waka' mapai' mpaden kamaba'cian lako padanna rupa tau anna situmang-tumang.

Ibrani 12:25

Danggi' mitangmpesa'dingngii joo tomangkada jao mai suruga, sanga ia to to-Israel tonna anu' to cia' mpesa'dingngii to kada pole jao mai Buntu Sinai, te'da nakullei la'pah jio mai pangsessa-Na Puang Allataala. Apa pole'raka tee kita' to ssa'dingngi joo tomangkada jao mai suruga ke cia'ki' mpesa'dingngii.

Ibrani 13:7

Ingaranni to pekaamberan jamaa to mangkamo mpangpeissenan kadan-Na Puang Allataala lako kamu'. Ingaran tooi matumba to sipa'na ratu lako matena, ammialai palelean mata to kamatapparanna.

Ibrani 3:11

Angkumagalli kumassapah kukua: Nang la te'damo namentama ntuu joo tondok, to nanii kenden tarruhmo sola Aku'.’ ”

Ibrani 4:11

Iamo joo melo ke tapengkulle-kullei mentama ntuu joo tondok kakendenan to nabasse Puang Allataala, dikua danggi' naden tau tangmentama, susi to-Yahudi tonna anu', sanga cia'i matappa' lako Puang Allataala.

Ibrani 4:9

Jaji, tatta' bang unapa to basse-Na Puang Allataala lako umma'-Na, iamo to kakendenan susi kakendenan-Na Puang Allataala ke allo mangpempitui.