Ibrani 3:7 - Alkitab Duri

⁷ Iamo joo susi to napau Roh Allataala lan Sura' Allataala kumua, “Ia tee too, ke misa'dingngi to gamaran-Na Puang Allataala,

Ibrani 3:7 ပူးပေါင်းရင်းမြစ်များ

Kada Bulawan 27:1

Danggi' muborro ncurita joloi apa to la jaji masawa, nasaba' te'da muissenni apara la jaji to allo dioloi lako.

Matius 17:5

Ia tonna mangkada unapa Petrus, ratumi to saleu' macorrang mbombonnii sola ngasan na den gamara nasa'ding lan mai nakua, “Iamo tee to Anak kupakamoja' to mpamasannangna'. Pesa'dingngii!”

Matius 22:43

Mekutana unapi Puang Isa nakua, “Ia ke susii joo, ciapari na Raja Daud una mpekapuangngii, tonna patujui Roh Allataala, namangkada nakua:

Markus 12:36

Na pangpatujun-Na Roh Allataala na Raja Daud kalena mangkada nakua: Nakua Puang Allataala mangkada lako Puangku', ‘Cumadokkoko ntee sa'de kanan-Ku', angkupupentalo ngasanni to ewalim-Mu mukuasaii.’

Yahya 10:16

Den unapa bembala' laen, to bembala'-Ku' toda, apa te'da ia napole lan mai ntee bala. Na la kusolan toda, nasa'dingngi to gamarang-Ku', namangmesa sola ngasanni na mesa'ra tomangrewana.

Yahya 10:27

Nasa'ding bembala'-Ku' to gamarang-Ku'. Na kuissenni, naundi ngasanmi lako Aku'.

Yahya 10:3

Ia joo tomangngampa babangan natimbakanni, namentama joo tomangrewa. Ia to bembala'na mpesa'dingngi to gamaranna, ke natambai simesa'-mesa'i to sanganna, nasolanni messun.

Yahya 5:25

La miingaran kumua, la nadete'mi wattunna, na sitonganna wattunnami tee too, kumua ia to tomate la ssa'ding gamarang-Ku', tee Aku' Anak Allataala, na ia to tossa'dingngi la tuo pole'.

Jamanna Rasulu' 1:16

“Ee, todipusile'to! Ia to diuki' lan Sura' Allataala, nang la jajinna ia. Ia tonna anu' Raja Daud napake Roh Allataala mpaui to Yudas to male mpangpejillokan Puang Isa na dijokko.

Jamanna Rasulu' 28:25

Ia tonna sipekkamo to tau, nasisarak-sarak, nakuamo Paulus, “Liwa' tongan to apa napau Roh Allataala lako tojolomi, to napau Nabi Yesaya tonna anu'.

Jamanna Rasulu' 8:29

Mangkadami to Roh Allataala lako Filipus nakua, “Maleko ngkandoppi'i joo kareta.”

Ibrani 10:15

Pissenra napassompan Almaseh to kalena ndampangan tau. Na ia joo napamanassa tooi Roh Allataala tonna pauanki' kumua den nakua Puang,

Ibrani 3:13

Jaji, allo-allo kamu' la sipupangngingaran, danggi' naden tau nnuraga kalena mpugauk dosa, mimembattuk. La sipupangngingaran kamu' ke tuo unapa kamu' lan tee wattu to nasanga lan Sura' Allataala, “Ia tee too.”

Ibrani 3:15

Susi tee to diuki' lan Sura' Allataala kumua, “Ia tee too ke misa'dingngi to gamaran-Na Puang Allataala, danggi' mimembattuk, susi tojolomi to nasolan Nabi Musa jio mai tana Mesir, tonna mbali-bali Puang Allataala.”

Ibrani 4:7

Iamo joo napattantu pole' omi Puang Allataala to wattu laen nanii wa'ding to tolino mentama ntuu joo tondok kakendenan. Na ia joo wattu sitonganna iamo tee too. Buttinna kumua mangtaun-taun mangkanna Nabi Musa, nauki' pole'i Raja Daud kadan-Na Puang Allataala to mangka tasa'ding nena' kumua, “Ia tee too ke misa'dingngi to gamaran-Na Puang Allataala, danggi' mimembattuk!”

Ibrani 9:8

Susimi joo napamanassai Roh Allataala kumua ianna den unapa joo Ngenan Macero, te'dapa nawa'ding to tolino mentama Ngenan Kaminang Macero.

2 Petrus 1:21

Sanga ia to kadan-Na Puang Allataala naparatu nabi te'da napaui situru' pakkaeloranna, apa Roh Allataala mpatujui namangkada situru' pakkaeloran-Na Puang Allataala.

Pengkitanna Yahya 3:20

Pesa'dingngii tee! Ke'dehna' jio pelalan messa'da. Ianna den tau ssa'dingngi to gamarang-Ku' natimbakanni, mentamana' ssitammuanni angkikumande sola.