Ibrani 3:6 - Alkitab Duri

⁶ Apa Anak to Almaseh to dipabarakkanni jaman ntulung sininna taun-Na Puang Allataala. Na kita'mo tee to taun-Na, ke da'tanki' matappa' sola da'tanki' mangrannuan lako manda Puang Isa.

Ibrani 3:6 ပူးပေါင်းရင်းမြစ်များ

Matius 16:18

Iamo joo, kusangai tooko Petrus, battuananna batu mawatang. Susi batu ariri dinii mpake'deh bola namawatang, susi toomi kusuako la mpemawatangngi tomatappa' lako Aku' na moi kamatean te'da nalantaloii.

Matius 24:13

Apa ia to tomatappa' tarruh ratu lako ssalainna lino, iamo la salama'.

Roma 11:22

Iamo joo nanii butti kumua liwa' buda kameloan penawan-Na Puang Allataala, apa liwa' buda too makarrahna. Makarrah lako to nasembangngi, totangmatappa', apa melo penawan-Na lako kamu', assalan da'tan bang kamu' matappa' lako Puang Allataala. Ia ke te'da mituru' pakkaeloran-Na Puang Allataala, la nasembangngi toda kamu'.

Roma 12:12

Pesannangngii penawammi nasaba' tomangrannuan kamu' lako Puang Allataala. Sabbara' kamu', ke nakanna kamu' kamasussan, ammimassambajang tarruh bang.

Roma 15:13

Puang Allataala Iamo rannummi. Dennaa upa' naben kamu' kamarioan sola kamasannangan, nasaba' mikatappa'i, na ia to Roh Allataala mpamawatang kaparannuanmi lako Puang Allataala.

Roma 5:2

Iamo nneloranki' mperasai kameloan penawan-Na Puang Allataala to taperasai tee too, nasaba' kamatapparanta'. Jaji la marioki' sanga den kaparannuanta' mputawa kamala'biran-Na Puang Allataala jao suruga.

1 Korintus 3:16

Ee, tomala'bihku' sola ngasan! Manassa miissen kumua kamu'mo bola-Na Puang Allataala, sanga torromi to Roh Allataala lan kalemi.

1 Korintus 6:19

Tantu miissenmo kumua ia to batang kalemi bola-Na Roh Allataala, to naben kamu' Puang Allataala torro lan kalemi. Jaji, ia tee batang kalemi tangngiamo apammi, apa apannamo ia Puang Allataala.

2 Korintus 6:16

Te'da kasiumputanna Bola Puang Allataala na bolana dewata! Na kita'mo Bola Puang Allataala to tuo, susi to napau Puang Allataala kumua, “La mari'pihna' sola tuu lako tau, na la torrona' lan tangnga-tangngana. La menjajina' Puang Allataala to nasompa, na ia tuu lako tau la menjaji umma'-Ku'.

Galatia 6:10

Iamo joo ia naden unapa wattu dibenki', tamanggauk melo lako padanta' rupa tau, la'bih pole'pa lako sile'to padanta' to matappa'.

Galatia 6:9

Danggi' tamarosso mpugauk kameloan, nasaba' ia ke te'da tamarosso, nang la den pissen talolonganni to assele'na.

Efesus 3:12

Kamatapparanta'mora lako Almaseh sola kamangmesan penawanta'mora sola Ia, antabarani mangngolo lako Puang Allataala.

Kolose 1:23

Apa la tatta' kamu' matappa', danggi' nasitawa-tawa to penawammi. La mirannuan tarruhhi to Puang Allataala kumua la napugaukki to apa nabassean kamu' lan Kareba Kasalamatan to mangka misa'ding. Ia joo Kareba dipangpeissenanmo lako issinna lino. Na ia tee aku' Paulus menjajimo' tompangpeissenanni.

1 Tesalonika 5:16

La da'tan bang kamu' mario.

2 Tesalonika 2:16

Napakamoja'ki' Puangta' Puang Isa Almaseh sola Ambe'ta' Puang Allataala. Napamasumanga' tarruh to penawanta', naben tooki' kasabbarasan ntajanni to melona, nasaba' kameloan penawan-Na.

1 Timotius 3:15

nasaba' ia angkumela' ratu, muissenmo to sipa' sipato'na lako tonapuanak Puang Allataala to tuo tarruh. Kita' sola ngasan to matappa' lako Puang Allataala mpangngewai pangngajaran tongan, susi pangrante iarika batu ariri mpemawatangngi bola.

Ibrani 1:2

Apa ia tee wattu tampakkana lino nasuai to Anak mpaui lako kita'. Ia joo Anak mangkamo napattantu Puang Allataala to sipato' mpuapai to sininna apa, nasaba' Iamo napake Puang Allataala mpadenni tee lino.

Ibrani 10:19

Ee, tomala'bihku'! Baranimiki' mentama Ngenan Kaminang Macero, sanga kamatean-Na Puang Isa.

Ibrani 10:21

Iamo Imang Lompota' to dipabarakkanni jaman lan Bola Puang Allataala jao suruga.

Ibrani 10:23

La mawatangki' mangrannuan lako to apa mangka diajaranki'. La dikatappa'i to Puang Allataala, sanga tuli napugauk to basse-Na.

Ibrani 10:35

Danggi' mika'tu rannu, sanga ia ammitatta' matappa', la buda to poleanna.

Ibrani 11:1

Ia to tau matappa' lako Puang Allataala, naissen tongan kumua la naben Puang Allataala to apa narannuan. Moi te'dapa nakitai matanna, nakanassai kumua la jajii.

Ibrani 3:14

Sanga kita' ngasanmo nnampa' barakka' jio mai Almaseh, ke matappa' tarruhki' susi tontamane' matappa' ratu lako ssalainta' lino.

Ibrani 4:11

Iamo joo melo ke tapengkulle-kullei mentama ntuu joo tondok kakendenan to nabasse Puang Allataala, dikua danggi' naden tau tangmentama, susi to-Yahudi tonna anu', sanga cia'i matappa' lako Puang Allataala.

Ibrani 4:14

Denmo Imang Lompo tomala'bihta' to malemo de' suruga mangngolo lako Puang Allataala, iamo to Puang Isa, Anak Allataala. Iamo joo la matappa' tarruhki' na danggi' tapessakkannii kumua tangngia Puangta' to Puang Isa.

Ibrani 4:16

Iamo joo tapada mbaranian kaleta' mangngolo lako Puang Allataala to mpakamoja'ki'. Ia ke tapugaukki susi joo, la taperasai to pangkamasean-Na sola kameloan penawan-Na, nasaba' te'da namela' ntulungki' tontaparalluii.

Ibrani 6:11

Gaja kirannuan kumua kemmipada masumanga' tarruh ratu lako cappa'na ammitarimai to apa mirannuan.

Ibrani 6:18

Ia joo dua, iamo to basse-Na sola sapah-Na te'da namembali, sanga te'da nakullei Puang Allataala mangnguraga. Susimi joo napamasumanga'ki' kita' to napasalama'mo Puang Allataala, antarannuan tarruh Puang Allataala kumua la napugaukki to apa nabasseanki'.

Ibrani 7:19

sanga ia to atoranna Nabi Musa te'da nakullei mpupenjaji melo tau, moi mesa'. Na ia to tarannuan tee too la'bih melo na ia to dirannuan jolona, antabarani mangngolo lako Puang Allataala.

1 Petrus 1:8

Moi na te'dapa mikitai to Puang Isa Almaseh tonna anu', apa mipakamoja'i. Na moi tee too te'da too mikitai, apa matappa' kamu' lako kale-Na. Iamo joo ammimario mperasaii to kamasannangan te'da susinna.

1 Petrus 2:5

ammimenjaji toda susi batu to napake Roh Allataala mpake'deh Bola Puang Allataala. Menjaji toomo kamu' susi imang to mpangjaman mandamo Puang Allataala. Na susi imang mangkaroba, la susi toda kamu' la mpangkaroban kalemi lako Puang Allataala susi to napatujuan kamu' Roh Allataala. Na ia joo karoba napumasannang Puang Allataala nasaba' Puang Isa Almaseh.

1 Petrus 4:17

La nadete'mi wattunna Puang Allataala la rra'tah kara-karana tolino. Ia to kita' umma'-Na Puang Allataala la nara'tah jolo to kara-karata'. Ia ke susimi joo, apa pole'pa la naperasai tuu lako tau to cia' ngkatappa'i to Kareba Kasalamatan jio mai Puang Allataala.

Pengkitanna Yahya 2:18

Nasuana' nakua, “Uki'i susi tee lako malaeka'na jamaa jio kota Tiatira: Ia tee pepasan pole jio mai Aku', Anak Allataala, to dukku matang-Ku' susi api na cumbia' aje-Ku' susi tambaga disa'po. Iamo tee pepasan-Ku':

Pengkitanna Yahya 2:25

La da'tan bang mituru' to pangngajah miissenmo saratung-Ku' mati'.

Pengkitanna Yahya 2:26

Na ia to topatalo, to da'tan bang mpugaukki to pakkaeloran-Ku' ratu lako cappa'na la kuben kuasa mparenta buda bangsa.

Pengkitanna Yahya 3:11

Na la ratuna' mati' madoi'! Kanana'i meloi to apa miampuimo. Danggi' naalai kamu' tau to paraseng kapataloanmi.