Ibrani 2:9 - Alkitab Duri

⁹ Apa takitamo to Puang Isa to mangka dipamajiong cingga'tu' na ia to malaeka', kumua dipupenjajimo tomala'bih na todikasiri', tonna mangkamo mperasai parri' ratu lako mate-Na. Napattantui Puang Allataala kumua la mate to Puang Isa ssullei to sininna tolino, sanga kameloan penawan-Na.

Ibrani 2:9 ပူးပေါင်းရင်းမြစ်များ

Matius 16:28

La miingaran tee kadang-Ku' kumua, sitonganna den kamu' to ntee, te'dapa namate ke te'dapi nakitana' tee Aku', Anak Mentolino, mangparenta susi Raja!”

Matius 6:28

Danggi' mipuselangngi to la mipake! Kitari to bunga bakung umbo nakua tuona jio padang. Te'da namangjama, te'da too namangngunu.’

Markus 9:1

La miingaran tee kadang-Ku' kumua, sitonganna den kamu' to ntee, te'dapa namate ke te'dapi nakitai to Puang Allataala mangparenta susi Raja mpake kuasan-Na!”

Lukas 9:27

La miingaran! Sitonganna den kamu' to ntee, te'dapa namate ke te'dapi nakitai to Puang Allataala mangparenta susi Raja.”

Yahya 1:29

Masawanna malemi Puang Isa lako Nabi Yahya. Ia tonna kitai Nabi Yahya to Puang Isa mangkadami nakua, “Iamo joo Anak Bembala'-Na Puang Allataala ratu la ndampangan tolino.

Yahya 10:17

Napakamoja'na' Ambe', sanga la mpangbenna' sunga'-Ku', angkutuo pole'.

Yahya 12:32

Apa ia tee Aku', la dipamajaona' lan lino, na la kuparatu to sininna tau lako Aku'.”

Yahya 3:16

Liwa' napakamoja' Puang Allataala to tolino. Iamo joo nasuai to Anak tungga'-Na mpangben sunga'-Na naputuoi tolino. Na ia to tomatappa' lako, te'da nalamasolang, apa la nnampa' katuoan melo te'da cappa'na.

Yahya 8:51

La mikatappa'i kumua, ia to tonturu' kadang-Ku', te'da tarruhmo nalasikita kamatean.”

Yahya 8:52

Nakua to to-Yahudi ngkuan Puang Isa, “Oh, kiissenmi tee too kumua natamai tonganmiki' setang, nasaba' mangkami mate Nabi Ibrahim, mate toomi to sininna nabi, antakumua, ‘Ia to tonturu' kadang-Ku', te'da tarruhmo nalasikita kamatean.’

Jamanna Rasulu' 2:33

Ia tonna pamatandei Puang Allataala napajioi sa'de kanan-Na, nabenni Roh Allataala to Puang Isa susi to dipau jolo, na Iamo mparatuankan joo Roh, susi tee misa'ding sola mikita too.

Jamanna Rasulu' 3:13

Ia to Puang Allataala nasompa tojolota' Nabi Ibrahim, Ishak na Yakub, Iamo mangka mpakala'bih Puang Isa, kaunan-Na. Iamo joo Puang Isa to mipangngolo lako tomangparenta, micia' too ntarimai tonna la lla'paranni Pilatus.

Roma 5:18

Jaji, nang la dicallai to sininna tolino, nasaba' panggaukan gaja'na mesa' tau, iamo to Nabi Adam. Susi unai joo la dila'paran to tolino jio mai pangcalla na diben katuoan, nasaba' panggaukan melo-Na mesa' tau, iamo to Almaseh.

Roma 5:8

Apa napakitanmiki' Puang Allataala to pangpakamoja'-Na, nasaba' ia tonna taloi unapiki' kuasa dosa, matei to Almaseh mpangngewanki'.

Roma 8:3

Ia to atoran agama te'da nakullei lla'paranki' jio mai kuasa dosa, nasaba' tangtakulle nturu' atoran agama. Apa ia to tangnakulle atoran agama mpugaukki, mangkami napugauk Puang Allataala. Nasuai to Anak mentolino. Na ia to batang kale-Na susi bang batang kale tolino biasa. Na ia tee Anak matei dikua anna ia to dosana tolino dipabalahhi lakoi batang kale-Na Anak.

Roma 8:32

Na ia to Puang Allataala te'da napangnganggai to Anak mperasai parri', kannori napangben menjaji karoba lako kita' sola ngasan. Umbora nakua tanglambenki' to laenna?

2 Korintus 5:15

Matemi Almaseh ssulle sininna tau, dikua anna ia to kita' to tuo unapa te'damo taturu' pakkaeloranta', apa nturu'ki' pakkaeloran-Na Almaseh, to mangkamo mate natuo pole' ssulleki'.

2 Korintus 5:21

Puang Allataala mpabalahhi Almaseh moi na te'da namadosa. Ia ssulleki', nasaba' dosata', anna pupenjaji tomeloki' nasaba' memmesa' penawaki' sola Almaseh.

Galatia 4:4

Apa ia tonna dete'mi to wattu napattantu Ambe' Puang Allataala, nasuami to Anak Allataala mentama lino. Najajianni mesa' baine, na nturu' atoran agama,

1 Timotius 2:6

to mangka mpangben kalena dipampang la lla'bak ngasan tolino jio mai kuasa dosa. Susimi joo to wattu pura napattantu napabuttii Puang Allataala kumua madoangngi mpasalama' ngasan tau.

Ibrani 1:9

Mukabudai to kamarurusan na mukaba'cii to kamajekkongan. Iamo joo Aku' Puang-Mu ntokkoko, kuminynyakkii to ulummu menjaji tanda mala'bihmu na kubenko kamarioan la'bih na ia to sola-Mu.”

Ibrani 10:5

Iamo joo ia tonna mentolinomo Almaseh, nakua mangkada lako Puang Allataala, “Te'da mukadoangngi karoba sola passompan, apa mangkamo' mupadenan batang kale.

Ibrani 11:5

Te'da namate to Henokh, apa diangka'i de' suruga lako Puang Allataala, sanga matappa'i. Jaji, moi mesa' tau te'damo nnampa'i, sanga mangkami naangka' Puang Allataala. Diuki' lan Sura' Allataala kumua, ia tonna te'dapa nadiangka' to Henokh napumasannang Puang Allataala.

Ibrani 12:2

La tapugaukmi tapatuju lakoi Puang Isa to penawanta', to mpadenni to kamatapparanta', napupenjajiki' masaranian. Gaja mesirisan joo kamatean jao kaju sitamben. Apa moi nasusi joo te'da nasipattekanni, sanga ia manda naingaran to kamasannangan la naperasai undinna. Na ia tee too cumadokkomi jio kananna cadokkoan mala'bih-Na Puang Allataala namangparenta sola.

Ibrani 2:7

Mangka mipamajiong to tolino cingga'tu' na ia to malaeka'. Mimane' mpupenjaji tomala'bih, todikasiri',

Ibrani 7:25

Iamo joo na te'da lalo natorroii mpasalama' tau to mangngolo lako Puang Allataala mpau sangan-Na, sanga tuo tarruhhi la mpangkadananni lako Puang Allataala.

Ibrani 8:3

Sininna Imang Lompo diangka' la mpugauk mpassompan sola karoba lako Puang Allataala. Susi toomi Puang Isa to Imang Lompota' parallu den apa napassompan.

1 Petrus 1:21

Almasehmora ammimatappa' lako Puang Allataala, to mangka mpatuo pole'i jio mai kamatean, na mpakala'bih tooi. Jaji, Puang Allataalara mikatappa'i, na Ia manda toora miparannuan.

1 Yahya 2:2

Iamo karoba to mpasikalinoki' Puang Allataala anna wa'ding ndampanganki' to tomadosa. Na te'da na kita' manda, apa moi sininna tolino.

Pengkitanna Yahya 19:12

Ia to matanna dukku susi api na ia to ulunna mpake buda mahkota. Den sanga diuki' jio kalena, apa ia manda nnissenni battuananna.

Pengkitanna Yahya 5:9

Makkelongngi mpukelong kelong baru: “Sipato'ki' nnalai tapiak tooi to segelna tuu sura' tilulun, sanga mangkamiki' digere' anna ia to rara kamatean-Ta' tapake nnallian tau Puang Allataala jio mai sininna rapu tau, tondok, basa na bangsa.