Ibrani 2:2 - Alkitab Duri

² Tongan to atoran agama naparatu malaeka' lako tojolota', na ia tocia' mpesa'dingngii ba'tu nturu'i, disessai situru' panggaukanna.

Ibrani 2:2 ပူးပေါင်းရင်းမြစ်များ

Jamanna Rasulu' 7:53

Mangka toomiki' naparatuan malaeka' to atoranna Nabi Musa apa te'da taturu'i!”

Galatia 3:19

Na ia ke susii joo apara patunna nadipaden to atoran agama? Ia una nadipaden undi ia na basse, dikua anna pajan dosana to tolino. Ia to atoran agama dipake angge ratunna bati'na Nabi Ibrahim to mangka nabasse Puang Allataala lako Nabi Ibrahim. Ia to atoran agama naparatu malaeka' lako mesa' passumbungan kada.

Ibrani 1:1

Ia tonna anu' buda cara tuli napake Puang Allataala ssua nabi mparatuanni kadan-Na lako tojolota'.

Ibrani 10:28

Ia tonna jolona ke denni tau cia' nturu' atoranna Nabi Musa, la dibuno na te'da nadidampangan, ke nasa'bimi dua ba'tu tallu tau kumua madosa tonganni.

Ibrani 10:35

Danggi' mika'tu rannu, sanga ia ammitatta' matappa', la buda to poleanna.

Ibrani 11:26

Nasangai Nabi Musa kumua la'bih keangga' ke dikita majiongngi sanga matappa'i lako Raja Mangpasalama' to nabasse Puang Allataala la ratu na ia ke namesaii to sininna ewanan jio tana Mesir, sanga rrannuanni pahalana jio ahera'.

Ibrani 11:6

Moi mesa' tau te'da napumasannang Puang Allataala ke tangmatappa'i. Ia ke den tau madoang mangngolo lako Puang Allataala, la nakatappa'i kumua den to Puang Allataala, na la nakatappa'i too kumua melo penawan-Na to Puang Allataala lako to tonnangahhi.

Ibrani 12:25

Danggi' mitangmpesa'dingngii joo tomangkada jao mai suruga, sanga ia to to-Israel tonna anu' to cia' mpesa'dingngii to kada pole jao mai Buntu Sinai, te'da nakullei la'pah jio mai pangsessa-Na Puang Allataala. Apa pole'raka tee kita' to ssa'dingngi joo tomangkada jao mai suruga ke cia'ki' mpesa'dingngii.

2 Petrus 1:19

Iamo joo angkila'bih pole' ngkanassaii to kadan-Na Puang Allataala to napangpeissenan tuu lako nabi tonna anu' nadiuki' lan Sura' Allataala. Melo ke miingaranni, nasaba' ia joo kadan-Na susi palita mangngarrang lan kamalillinan. La miingaranni saratun-Na pole' Puang Isa ammiissen tonganni. Ia joo karatuan-Na pole' susi tibangkahna mariwang ba'tu karatuanna bintuin sulo bai.

Yudas 1:5

Madoangra' mpangngingaran kamu', moi miissen ngasanmo tee, kumua nasessa Puang Allataala to tompugauk kagajatan. Ia tonna anu' napasalama' Puang Allataala to to-Yahudi jio mai tana Mesir. Apa undinna den to tau cia' matappa' anna rabunnii Puang Allataala jio padang pallawangan.