Ibrani 2:16 - Alkitab Duri

¹⁶ Manassamo kumua tangngiara malaeka' to natulung, apa kita'ri bati'na Nabi Ibrahim.

Ibrani 2:16 ပူးပေါင်းရင်းမြစ်များ

Roma 2:25

Ia ke mituru'i to atoranna Nabi Musa, ia to sunna'mi den too bua'na. Apa ia ke te'da mituru' tonganni, te'da lalo bua'na tuu sunna'mi.

Galatia 3:16

Susi toomi to basse-Na Puang Allataala sola Nabi Ibrahim na bati'na. (Issen meloi, te'da nadiuki' lan Sura' Allataala kumua, “na sininna bati'na”, battuananna buda tau. Diuki' ia kumua, “na bati'na”, battuananna mesa'ra tau, iamo to Almaseh.)

Galatia 3:29

Na ia ke taun-Namo kamu' Almaseh, bati'na toomo kamu' Nabi Ibrahim to la ntarimai to barakka' mangka nabasseanni Puang Allataala.

Ibrani 12:10

Ia to ambe'ta' lan lino cingga'tu'ra nanii mpabalahhiki', situru' to apa nasanga melo. Apa la tapumelona kita' to pangpabalah-Na Puang Allataala, dikua antawa'ding messipa' melo takaba'ci too kagajatan susi to nakaba'ci Puang Allataala.

Ibrani 2:15

Susimi joo nawa'ding Puang Isa lla'paranki' jio mai kuasa kamatean. Dipukaunan tarruhki' jolona, sanga malaja'ki' lako kamatean.

Ibrani 2:17

Jaji, mentolinomo to Puang Isa namenjaji susi tolino, anna wa'ding menjaji Imang Lompo mangpakamoja', to njama tarruh jaman-Na Puang Allataala. Na ia ke susii joo, wa'dingngi mpasikalino Puang Allataala na tolino na ndampangan too tolino.

Ibrani 6:16

Ianna massapah to tau, biasa mpau sanganna tau to la'bih makuasa na kalena. Iamo ntongananni joo kadanna anna te'damo tau mpebalii.

1 Petrus 1:20

Ia tonna te'dapa nadipaden tee lino napattantu jolomo Puang Allataala kumua Puang Isa Almaseh menjaji Tomangpasalama', na ia tee wattu la tampakkanami lino ratumi la mpasalama' kamu'.