Ibrani 2:14 - Alkitab Duri

¹⁴ Ia tuu lako to nasanga anak, tolino ia. Iamo namentolino Puang Isa, anna menjaji susi tuu lako anak. Napugaukki susi joo, dikua anna ia to kamatean-Na wa'dingngi ntaloi Ballisi' to ngkuasai kamatean.

Ibrani 2:14 ပူးပေါင်းရင်းမြစ်များ

Matius 16:17

Nakuamo Puang Isa, “Simon anakkana Yona. Masannangko, nasaba' tangngia tolino mpauanko to ianna tuu, apa pole jio mai Ambe'-Ku' jao suruga.

Matius 25:41

Mangkai joo too kukuamo lako to to jio sa'de kairing-Ku' kumua, ‘Ee, kamu' to ditampakki ropu, palai kamu' ntee! Mentama kamu' api naraka dukku te'da cappa'na, to dipasadianmo Ballisi' sola tuu lako malaeka'na.

Yahya 1:14

Ia joo Kada mentolinomi namari'pihmi lan tangnga-tangngata'. Takitamo to kamala'biran-Na, to natarima jio mai Ambe' sanga Ia Anak tungga'-Na. Iamo joo Anak mpamanassa tonganni to Puang Allataala sola pangpakamoja'-Na.

Yahya 12:24

La miingaran tee kadang-Ku' kumua, wa'dingna' dipasangrapang banne. Ia ke te'da naditanan do' litak namate, la da'tan bangngi sanglise'. Apa ia joo sanglise' banne ke ditananni namate, mane'ri membuda buanna.

Roma 14:9

Mangkamo mate to Almaseh, natuo pole'. Iamo pole' joo, Iamo Puangna to tuo, na Puangna to mangkamo mate.

Roma 8:3

Ia to atoran agama te'da nakullei lla'paranki' jio mai kuasa dosa, nasaba' tangtakulle nturu' atoran agama. Apa ia to tangnakulle atoran agama mpugaukki, mangkami napugauk Puang Allataala. Nasuai to Anak mentolino. Na ia to batang kale-Na susi bang batang kale tolino biasa. Na ia tee Anak matei dikua anna ia to dosana tolino dipabalahhi lakoi batang kale-Na Anak.

1 Korintus 1:28

Napilei Puang Allataala to nasanga tolino tomajiong torroanna ba'tu tote'da bua'na iarika totangdikasiri', anna lanynyasan ngasanni Puang Allataala to nasanga tolino parallu.

1 Korintus 15:50

Ee, tomala'bihku' sola ngasan! Ia to kusanga, iamo to kumua, ia tee batang kaleta' to la mate naburuk, te'da nakullei mentama Lino Barun-Na Puang Allataala, sanga te'da nakullei torro jio to te'da nanii kamatean.

Galatia 4:4

Apa ia tonna dete'mi to wattu napattantu Ambe' Puang Allataala, nasuami to Anak Allataala mentama lino. Najajianni mesa' baine, na nturu' atoran agama,

Kolose 2:15

Nataloi Almaseh jao kaju sitamben to sininna tomakuasa ba'tu tomangparenta jao langi' anna te'damo nakullei mangpanggaukan. Napugaukki Puang Allataala susi joo nanii mpakasiri'i to tomakuasa ba'tu tomangparenta jao langi' anna pasusii to toditalo lumingka jio boko'-Na Almaseh na jolo to Almaseh susi topatalo.

1 Timotius 3:16

Te'da mesa' tau tanglantongananni kumua liwa' ia mala'bihna to pangngajaran kasaranian, to tangkaissenanpa tonna anu', apa ia tee too napangpeissenanmo Puang Allataala. Susi tee joo pangngajaran kasaranian, “Mentolinomo Puang Isa Almaseh. Napabuttii Roh Allataala kumua Iamo napusannang Puang Allataala. Nakita sininna malaeka', napangpeissenanni tau lako sininna bangsa. Nakatappa'i tolino, naangka'i Puang Allataala tama suruga.”

2 Timotius 1:10

Na ia tee too mentolinomi to Puang Isa Almaseh, Tomangpasalama'ta', napakitan tonganmiki' to kameloan penawan-Na Puang. Iamo mangka ntaloi kuasa kamatean, anna pamanassai lako kita' to katuoan melo te'da cappa'na, ke ngkatappa'iki' Kareba Kasalamatan.

Ibrani 10:10

Mangkami Puang Isa Almaseh mpugauk pakkaeloran-Na Puang Allataala. Pissenra mpassompan kalena na te'damo nadadu'i. Susimi joo napupenjajimiki' taun-Na Puang Allataala.

Ibrani 10:5

Iamo joo ia tonna mentolinomo Almaseh, nakua mangkada lako Puang Allataala, “Te'da mukadoangngi karoba sola passompan, apa mangkamo' mupadenan batang kale.

Ibrani 2:17

Jaji, mentolinomo to Puang Isa namenjaji susi tolino, anna wa'ding menjaji Imang Lompo mangpakamoja', to njama tarruh jaman-Na Puang Allataala. Na ia ke susii joo, wa'dingngi mpasikalino Puang Allataala na tolino na ndampangan too tolino.

Ibrani 2:18

Na Ia una nadenmo namaparri', nadipengkulle-kullei ssedei mpugauk dosa. Iamo joo nakullei ntulungngi to todipengkulle-kullei toda disede danggi' na mpugauk dosa.

Ibrani 4:15

Ia joo Imang Lompota' naissen to katangpakulleanta', sanga mangkami dipengkulle-kullei disede mpugauk dosa susi kita', apa te'da napugauk dosa.

Ibrani 9:15

Napasijajianni Almaseh to basse baru, dikua na ia to kamatean-Na la lla'bak tau jio mai kasalanna to napugauk tonna atoran basse jolo, na ia to tomangkamo napilei Puang Allataala la nnampa' barakka' te'da cappa'na to mangka nabasseanni.

1 Petrus 1:20

Ia tonna te'dapa nadipaden tee lino napattantu jolomo Puang Allataala kumua Puang Isa Almaseh menjaji Tomangpasalama', na ia tee wattu la tampakkanami lino ratumi la mpasalama' kamu'.

Pengkitanna Yahya 1:18

Aku'mo to tuo! Mangkamo' mate, apa tuo pole'mo' te'da cappa'na. Ngkuasaina' kamatean sola lino tomate.

Pengkitanna Yahya 12:9

nadipenca'bean tama lino sola sininna malaeka'na. Ia to naga, iamo to ulah tua disanga Ballisi' ba'tu puanggawana setang to mpalao sala sininna tau lan lino.

Pengkitanna Yahya 2:10

Apa danggi' mimalaja' to kamaparrisan to la mioloi. Matappa' kamu', sanga sitonganna den ba'tu pira-pira tau lan tangnga-tangngami la napembuangan Ballisi' tama pangtarungkuan, napengkulle-kullei mpalao sala kamu' nate'damo mimatappa'. La mperasai kamu' pa'dik sangpulo allona. Apa la matappa' kamu' lako Aku' ratu lako matemi na la kuben kamu' pahala, iamo to katuoan melo te'da cappa'na.

Pengkitanna Yahya 20:2

Najokkoi joo naga, iamo to ulah tua disanga Ballisi' ba'tu puanggawana setang napumpungngi sangsa'bu taunna.