Ibrani 13:8 - Alkitab Duri

⁸ Te'da namembali to Puang Isa Almaseh, la jolona, la ia tee too na te'da cappa'na.

Ibrani 13:8 ပူးပေါင်းရင်းမြစ်များ

2 Korintus 1:19

Susi too Puang Isa Almaseh, Anak Allataala, to kipangpeissenan lako kamu' sola Silas na Timotius, te'da namembalik to kadan-Na kumua “Io” menjaji “Te'da”. Apa sibalikanna, tatta' napau “Io”.

2 Korintus 1:20

Puang Isa mpekaioii ba'tu mpugaukki to sininna basse-Na Puang Allataala. Iamo joo tamangkada lako Puang Allataala kumua, “Amin”, battuananna tongan, anna dipakala'bih to Puang Allataala.

Ibrani 1:12

Ia tee lino sola langi' la mulu'pi'i susi baju lando, ammusulleii leko'na. Apa ia to Iko tanglamembaliko na tanglamangnganggean to katuoan-Mu.”

Yakub 1:17

Sininna to apa melo na te'da caccana pole jao mai suruga, nabenki' Puang Allataala, to mpaden allo, bulan sola bintuin jao langi'. Te'da natibalik to sipa'-Na Puang Allataala na tatta' too to akkatta-Na.

Yudas 1:25

Ia manda mesa-mesanna Puang Allataala, to mpasalama'ki' nasaba' kamatean-Na Puangta' Puang Isa Almaseh. Iamo Puang Allataala to mala'bih, matongko, mawatang na makuasa mammula jiona mai, tee too, na te'da cappa'na! Amin.

Pengkitanna Yahya 1:11

Mangkadami nakua, “Uki'i lan sura' to apa mukita, ammukiringanni lako tee pitu jamaa, iamo to jamaa jio kota Efesus, Smirna, Pergamus, Tiatira, Sardis, Filadelfia, na Laodikia.”

Pengkitanna Yahya 1:4

Tomala'bihku' sola ngasan jio pitu jamaa inde' propinsi Asia! Dennaa upa' nabarakka'i kamu' Puang Allataala to den tee too, denmo tonna jolona, na den tarruh too, sola pitu roh jio olona cadokkoan mala'bih-Na Puang Allataala, na Puang Isa Almaseh, anna ben kamu' kamasannangan sola ngasan.

Pengkitanna Yahya 1:8

Nakua Puang Allataala, “Aku'mo pamulanna, Aku' toomo cappa'na.” Tomakuasa to Puang Allataala, to den tee too, denmo tonna jolona, na den tarruh too.