Ibrani 13:5 - Alkitab Duri

⁵ Danggi' napukaunan kamu' doi', apa pumasannang bangmi to apa miampui, sanga mangkamo napau Puang Allataala kumua, “La kupuinawa tarruhko, te'da kulassalaiko.”

Ibrani 13:5 ပူးပေါင်းရင်းမြစ်များ

Kada Bulawan 23:4

Danggi' muparukui la messugih. Pajaii joo akkatta susi joo.

Matius 6:19

Mangngajahhimi Puang Isa nakua, “Danggi' murempunan kalemu ewanan lan lino, to wa'ding nakande ane, ta'garan, ba'tu naboko tau.

Matius 6:25

Iamo joo, la miingaran! ‘Danggi' mipuselangngi to katuoanmi, to kumua apara la mikande, ba'tu la miiso', ba'tu apara to la miputamangkale. Nasaba' la'bih parallu ia to katuoan na ia to kande, na ia to batang kale la'bih parallu na ia to pakean!

Matius 6:34

Iamo joo danggi' mipuselangngi to la miputuona masawa. Ganna'mo ke mipikkiri'i to la miputuona tee allo, nasaba' masawanna, laen o ia to napuselangna.”

Markus 7:22

ncarepai tananan dapohna tau, madoang nnassang sininna apa, menjaji sala sipa', mangnguraga, tangmessipa', masere ati, mpau gaja' tau, matampo na manggauk susi totangmalilingan.

Lukas 3:14

Den too ba'tu pira-pira surudadu mekutana toda nakua, “Na ia tee kami', umbomo nakua, apara la kipugauk?” Mebalimi nakua, “Danggi' mipakario-rio tau, ba'tu miparukui mben kamu' doi'. Sukkuru'i bangmi to gajimmi!”

Lukas 8:14

Ia to banne ta'pah lan tangnga duri dipasangrapangngi to tossa'ding kadan-Na Puang Allataala, apa mpuselangngi katuoanna. Madoang bangri la sugih mpusannang katuoan lan lino, to nni'pinni joo kada lan penawanna, anna te'da namembua melo.

Roma 1:29

Kagajatan mandamo lan penawanna na apa tangtongan, madoang nnassang sininna apa, tangngah gaja' na masere ati, madoang bang mangbuno, sibobo', mangnguraga, na malla' parru. Nakabudai ncurita tangtongan tau laen,

1 Korintus 5:11

Apa ia to kusanga, iara to tossangamo kalena matappa', anna manggauk sala unapa, ngkake'lapa ewanan, ssompa unapa dewata, mpau gaja' tau, pangmalangoanpa, kalasi unapa. Moi cumadokko kamu' kumande sola to tosusi joo, danggi' lalo ia.

1 Korintus 6:10

taboko, tomangkake'la, topangmalangoan, tompau gaja' tau, tokalasi, ia ngasanmo to tosusi joo te'da namenjaji umma'-Na Puang Allataala.

2 Korintus 4:9

Liwa' buda tonnewalikan, apa te'da lalo nasalaikan Puang Allataala. Moi angkipembudamo disessa, apa te'da kimate.

Efesus 5:3

Jagai sangammi, danggi' naden tau mpaui kumua manggauk sala kamu', madoang kamu' nnassang sininna apa iarika mpugauk kamu' panggaukan tangsipato' laenna. Te'da nasipato' joo, nasaba' umma'-Na kamu' Puang Allataala.

Efesus 5:5

Nasaba' miissen kumua te'da nawa'ding menjaji umma'-Na Almaseh sola Puang Allataala lan kaparentan-Na to tomanggauk sala, tomangkedo tangsipato'na, ba'tu tomadoang bang nnassang sininna apa, nasaba' ia to tomangngassang dipapadai tossompa dewata.

Kolose 3:5

Iamo joo ca'beanni to sininna kamadoangan gaja'mi, susinna manggauk sala, panggaukan laen to tangsipato', nturu' bang pakkaeloran penawa, mangpanggaukan tangmelo na madoang nnassang sininna apa, nasaba' ia to tomangngassang dipapadai tossompa dewata.

1 Timotius 3:3

danggi' napangngiso' ba'tu passiboboran, apa mabassa, te'da napassite'geran. Te'da napangdoi'.

Yosua 1:5

Moi mesa' tau te'da ngkullei ntaloko angge tuomu, nasaba' Aku' tatta' ssolanko, susi Nabi Musa tonna tee tatta' Kusolan. La Kuampai tarruhko, te'da Kulassalaiko.”

Yosua 7:21

Ia to ewanan dirampa, den baju lando liwa' melo panggaraganna to-Babilonia, den too pera' agi-agi dua kilo na sangbatang bulawan la'bih sitangnga kilo. Gaja kukadoangngii, angkualai, kukalii to litak llan tendaku' kunii mbunii. Kupajiong laloi liu to pera'.”

2 Petrus 2:14

Te'da nacau' mpugauk dosa. Mpenunu bang baine bandarang, nasaba' pangkabudaianna manggauk sala. Nasede tooi to tote'dapa namasaranian anna manggauk sala toda. Napubiasan bangmo to sipa' gaja'na ngkadoangngi apanna tau. Apa ia tuu lako tau, natampakki ropu Puang Allataala.

2 Petrus 2:3

Ia joo guru tangtongan madoang bang doi'. Iamo joo nagaraga bang curita tangtongan nacuritan kamu' la nanii mpesaroi kamu'. Apa ia to pangsessa masaimo napasadia Puang Allataala cingga'tu'mora naratu la ssolanganni.

Yudas 1:11

Macilaka ngasanni! Mpugaukki kagajatan susi to napugauk Kain. Mpugauk tooi dosa susi to napugauk Bileam, nasaba' madoang bangri kesaro. Dirabunnii nasaba' nnewai Puang Allataala susi to napugauk Korah tonna anu'.