Ibrani 13:3 - Alkitab Duri

³ Ingaranni to tau lan pangtarungkuan ammipumasussai. Na ia to tau tangngia bang gauk to digaukanni, la miingaran too butung to kamu' dipasusi joo.

Ibrani 13:3 ပူးပေါင်းရင်းမြစ်များ

Matius 25:36

Ia tongkutangmebaju, mibenna' baju. Ia tongkumasaki, mijaranaina'. Ia tongkuditarungku, ratu kamu' ngkitana'.’

Matius 25:43

Ia tongkumentoratu, te'da mikambaroina'. Ia tongkutangmebaju, te'da mibenna' pakean. Ia tongkumasaki sola ditarungku, te'da mijaranaina'.’

Jamanna Rasulu' 24:23

Nasuami to komandan mpatorro tarruhpi to Paulus, apa la napemaringngannimo ci'di', nawa'ding toomo nabawan solana to apa naparallui.

Jamanna Rasulu' 27:3

Masawanna ratukan lako kota Sidon. Mabassa joo Kamandang Yulius lako Paulus, jaji naeloranni male lako ba'tu pira-pira solana, to mbenni apa naparallui.

Roma 12:15

La pada parannu kamu' sola to toparannu, pada kamu' kumarrak ke denni to tokumarrak.

1 Korintus 12:26

Susimi joo, ianna den mesa' tomatappa' maparri', la mperasai ngasan too kamaparrisan to laenna. Na ia ke denni mesa' tomatappa' dipakala'bih, la turu' ngasan masannang to laenna.

Efesus 4:1

Ia tee aku', to ditarungku nasaba' mpangjamanna' Puang, meta'dana' lako kamu' kumua ia to sipa'mi la sipato' susi sipa'na umma'-Na Puang Allataala, nasaba' mangkamo kamu' dipilei menjaji umma'-Na.

Kolose 4:18

Sallangku' Paulus. Aku' nnuki'i tee passallang. Danggi' mikalupaii kumua lan unapa' pangtarungkuan! Dennaa upa' nabarakka'i kamu' Puang Allataala. Padamo jolo' too. Sallangki' mati', Paulus.

Ibrani 10:34

Na turu' kamu' mpumasussai to toditarungku. Ia tonna rampai kamu' tau to apammi, micanninganni ati, sanga miissen kumua den unapa to apa miampui, iamo to nabassean kamu' Puang Allataala. La'bih melo ia joo, sanga te'da nalata'de.

Ibrani 11:37

Den to dirura batu samatena, den digaragaji, na den too dibuno pa'dang. Liu lako liu jio bang mai mangpakean balulang bembala' ba'tu beke, kaasi-asii, dipakario-rioi nadisessa.

1 Petrus 3:8

Ee, tomala'bihku'! Katampakanna, la mesa' kada sola mesa' penawa kamu'. La sipakamoja' kamu' padammi tomatappa', la sikamasean too kamu', nadanggi' mimatampo.