Ibrani 12:5 - Alkitab Duri

⁵ Na danggi' mitangnningaranni to kadan-Na Puang Allataala to mpangkadai kamu' susi ambe' lako anakkana, “Ee, anak-Ku'! Tarima meloi ke napabalahhiko Puang situru' dosamu, na danggi' muka'tu rannu ke napangngingaranko.

Ibrani 12:5 ပူးပေါင်းရင်းမြစ်များ

Kada Bulawan 3:1

Ee anakku', danggi' mukalupaii to kuajaranko. Tuli ingaranni to parentaku'

Kada Bulawan 4:5

Angahhi to kamaccan pengkulleii nnampa' kamapahangan, danggi' paboko'i penawa to kadangku'.

Lukas 24:6

Te'damo Ia ntee. Tuo pole'mi Ia! Ingaranni to apa mangka napauan kamu' tonna jiopa tana Galilea,

Lukas 24:8

Naingaranmi tuu lako baine to kadan-Na Puang Isa.

1 Korintus 11:32

Na ia ke nasessaki' Puang Allataala, naajahhiriki', nadanggi' tadisessa sola totangnturu' Puang.

Galatia 6:9

Danggi' tamarosso mpugauk kameloan, nasaba' ia ke te'da tamarosso, nang la den pissen talolonganni to assele'na.

1 Timotius 1:20

Susinna to Himeneus na Aleksander to kusorongmo sola dua lako kuasanna Ballisi', anna penassannii ncapa' Puang Allataala.

Ibrani 12:7

Sabbara' kamu' ke napabalahhi kamu' Puang Allataala, sanga napasusi kamu' anakka-Na. Na te'da naden anak tangnapabalahhi ambe'na.

Ibrani 13:22

Kupeta'dai misabbara' ntarimai tee pangpakainga'ku', sanga te'da namalando tee sura'ku'.

Yakub 1:12

Masannang to tatta' matappa', nasaba' te'da namadoang dipatuju sala mpugauk dosa. Sanga la ntarima pahalana, iamo to katuoan melo mangka napasadia Puang Allataala lako to tompakamoja'i.

Pengkitanna Yahya 3:19

Ia to tokupakamoja' kutarrusan bang kukuan ba'tu kupekaju. Iami joo pemaringngannimi penawammi mimengkatoba' jio mai dosami.