Ibrani 12:3 - Alkitab Duri

³ Pikkiri'i maka matumba pa'dikki-Na Puang Isa nnoloi tomadosa to gaja parrang nnewai anna danggi' mika'tu rannu ba'tu cia'mo matappa'.

Ibrani 12:3 ပူးပေါင်းရင်းမြစ်များ

Kada Bulawan 24:10

Ia ke ka'tu rannuko ke mperasaiko parri', battuananna tomalammako.

Matius 11:19

Na ratu omo' Aku', Anak Mentolino, kukumande sola mangngiso', nakua omo tau kumua, ‘Kitai joo tomaullak, pangngiso', soba'na passassung sola togaja' sipa'na.’ Apa moi na susi joo, mandalan tangngah to Puang Allataala, na ia to kamandalanan tangngah-Na pajan lan panggaukan-Na.”

Matius 12:24

Ia tonna sa'dingngi to-Farisi susi joo mangkadami nakua, “Kuasanna Beelzebul, iamo to puanggawana setang, napake nnula'i setang.”

Matius 15:2

“Ciapari na te'da naturu'i anak gurun-Ta' to ada' tojolota'? Te'da nabasei limanna jolo', namane' kumande.”

Matius 21:23

Male pole' omi Puang Isa lako rante Bola Puang Allataala, namangngajahhi. Ia tonna mangngajahhimo, ratumi to kapala imang sola pekaamberan to-Yahudi, namekutana nakua, “Apara napenggaronto'i mupugauk ngasanni joo? Indara mbenko kuasa?”

Matius 21:46

Iamo joo napangngattaimi la njokkoi, apa malaja'i lako tobuda, nasaba' nasanga ia tobuda kumua nabi to Puang Isa.

Matius 22:15

Malemi sipangkada-kada tuu lako to-Farisi umbo nakua la nnakkalannii to Puang Isa, naden lalan nanii mpasalai.

Lukas 14:1

Den pissen simata Allo Katorroan, namale Puang Isa kumande jio bolana mesa' kapala to-Farisi. Padami to tau ntuu jio ssikita-kitai to Puang Isa.

Lukas 15:2

Mangnuku-nukui to to-Farisi sola guru agama nakua, “Wah, nasiama' ora Ia togaja' nakumande sola!”

Lukas 16:14

Den to-Farisi ssa'dingngi apa to napau Puang Isa, napetawai-tawaii, nasaba' gaja pangdoi' ngasanni.

Lukas 2:34

Nabarakka'imi Simeon sola tallu, namangkada lako Maryam indona joo pea nakua, “Napileimo Puang Allataala tee pea la ssabu'i sola la mpasalama' buda to-Israel. Iamo la menjaji tanda jio mai Puang Allataala to la naewa buda tau,

Lukas 5:21

Pada mangkada lanni penawanna joo guru agama sola to-Farisi nakua, “Indara ia tee tau? Gaja barani Ia mpapada Puang Allataala kale-Na! Te'da tau wa'ding ndampangan tomadosa, saliwanna Puang Allataala.”

Yahya 10:20

Budai to kumua, “Natamaii setang na mamemi. Ammipesa'dingngi ori kamu'?”

Yahya 18:22

Ia tonna mangkada Puang Isa susi joo, denmi mesa' pangjaga jio ntampelengngi, nakua ngkuan Puang Isa, “Liwa' baranimmu mangkada susi tuu lako Imang Lompo!”

Yahya 5:16

Iamo joo na ia to pekaamberan to-Yahudi nnangah lalan la mpakario-rio Puang Isa, nasaba' napugaukki joo tonna Allo Katorroan.

Yahya 7:12

Buda tau ncurita buni bangngi. Den to mpau meloi nakua, “Tomelo Ia.” Den too to mpau tangmeloi nakua, “Te'da na tomelo, tompalao sala tobuda.”

Yahya 8:13

Nakua to to-Farisi ngkuanni, “Te'da natongan to kadan-Ta', sanga ssa'biki' kale-Ta'.”

Yahya 8:52

Nakua to to-Yahudi ngkuan Puang Isa, “Oh, kiissenmi tee too kumua natamai tonganmiki' setang, nasaba' mangkami mate Nabi Ibrahim, mate toomi to sininna nabi, antakumua, ‘Ia to tonturu' kadang-Ku', te'da tarruhmo nalasikita kamatean.’

Yahya 8:59

Ia tonna sa'dingngi to-Yahudi joo kadan-Na, pada nnalai batu la nalekkosanni samate-Na, apa membunii Puang Isa, namane' male ssalai Bola Puang Allataala.

Yahya 9:40

Ba'tu pira-pira to to-Farisi jio ssa'dingngi joo kadan-Na Puang Isa namekutana nakua, “Iaraka to battuananna tuu kadan-Ta' kumua buta todakan?”

1 Korintus 15:58

Ee, tomala'bihku' to kupakamoja'! Iamo joo la mpemawatangngi kamu' kamatapparanmi, danggi' nasitawa-tawa to penawammi. La mpangjaman tarruh kamu' Puang Allataala, nasaba' miissen kumua, sininna to apa mijaman Puang Allataala, den ngasan bua'na.

2 Korintus 4:1

Kiissen kumua Puang Allataala mpabarakkannikan tee jaman, nasaba' melo penawan-Na lako kami'. Iamo joo na te'da kika'tu rannu.

2 Korintus 4:16

Iamo joo kupaui nena' kumua te'da kika'tu rannu. Moi na ia tee batang kaleki' disolangngi, apa ia to penawangki' allo-allo tuli dibarui.

Galatia 6:9

Danggi' tamarosso mpugauk kameloan, nasaba' ia ke te'da tamarosso, nang la den pissen talolonganni to assele'na.

2 Tesalonika 3:13

Apa kamu' tomala'bihku', danggi' mimarosso mpugauk kameloan.

Ibrani 12:2

La tapugaukmi tapatuju lakoi Puang Isa to penawanta', to mpadenni to kamatapparanta', napupenjajiki' masaranian. Gaja mesirisan joo kamatean jao kaju sitamben. Apa moi nasusi joo te'da nasipattekanni, sanga ia manda naingaran to kamasannangan la naperasai undinna. Na ia tee too cumadokkomi jio kananna cadokkoan mala'bih-Na Puang Allataala namangparenta sola.

Ibrani 12:5

Na danggi' mitangnningaranni to kadan-Na Puang Allataala to mpangkadai kamu' susi ambe' lako anakkana, “Ee, anak-Ku'! Tarima meloi ke napabalahhiko Puang situru' dosamu, na danggi' muka'tu rannu ke napangngingaranko.

Ibrani 3:1

Ee, todipusile'to padangku' tomatappa' to mangkamo napilei Puang Allataala la mentama suruga! Ingaran meloi to sipa'-Na Puang Isa to takatappa'i, to napattantu Puang Allataala menjaji Rasulu' na Imang Lompo lan agamanta'.

1 Petrus 2:23

Ia tonna kada-kadaii tau, te'da too napebalii. Ia tonna pa'dikkii tau, te'da too nagarra'i kumua la napabalahhii, apa sande' lako bangngi Puang Allataala, Tomangra'tah maruruh.

Pengkitanna Yahya 2:3

Ia tommidipakario-rio nasaba' Aku', sabbara' kamu' na te'da mika'tu rannu.