Ibrani 12:1 - Alkitab Duri

¹ Ee, tomala'bihku'! Wa'ding dikua kumua, sininna joo tomatappa' tonna anu' susi saleu' mbombonniki'. Na ia joo kasa'bianna mpamawatang penawanta'. Iamo joo melo ke tapatorro ngasanni to apa mabanda', la'bih-la'bih dosa to tuli ssedeki'. Ia ke tapatorro ngasanmi, wa'dingmiki' mpugaukki to pakkaeloran-Na Puang Allataala ratu lako cappa'na.

Ibrani 12:1 ပူးပေါင်းရင်းမြစ်များ

Matius 24:13

Apa ia to tomatappa' tarruh ratu lako ssalainna lino, iamo la salama'.

Markus 10:50

Naalaimi to baju landona napatorroi, nata'pa ke'deh, namale lako Puang Isa.

Lukas 12:15

Mpatarruhhi kadan-Na Puang Isa lako tobuda ntuu jio nakua, “Majaga kamu', miingaran meloi, danggi' mimadoang nnassang sininna apa lan tee lino. Nasaba' ia to katuoanna tau te'da napole jio mai kasugiran, moi nasugih lallang.”

Lukas 16:28

naajahhi to sile'toku' lima, napangngingaranni anna danggi' namentama ntee ngenan kamaparrisan.’

Lukas 21:34

Mangkai joo too nakuamo Puang Isa, “Majaga kamu'! Danggi' nakatuoan linomi mandamo minawa-nawa, mangmaroah-roah, iarika mangngiso'-iso' samalangommi, anna te'damo misadia, ke nadete'mi to allo karatuan-Ku' to tangdikalannai,

Yahya 3:32

Napamanassamo to apa mangka nakita sola nasa'ding, apa moi mesa' tau cia' ntarimai to kadan-Na.

Yahya 4:39

Buda to-Samaria lan joo kota memmatappa' lako Puang Isa, nasaba' kadanna joo baine kumua, “Napauan ngasanna' sininna to apa mangkamo kupugauk.”

Yahya 4:44

Den ia napaui Puang Isa nakua, “Te'dapa ia naden nabi dikasiri' jio kampongna.”

Roma 12:12

Pesannangngii penawammi nasaba' tomangrannuan kamu' lako Puang Allataala. Sabbara' kamu', ke nakanna kamu' kamasussan, ammimassambajang tarruh bang.

Roma 2:7

Ia to toda'tan bang mpugauk kameloan, nakua anna nnampa' kamala'biran, kadipujian na katangmasolangan, la naben Puang Allataala katuoan melo te'da cappa'na.

2 Korintus 7:1

Ee, tomala'bihku' to kupakamoja'! Ia joo basse-Na Puang dipatujui ngasanki'. Iamo joo danggi'mo tapugauk sininna panggaukan sola pikkirisan tangmelo. La takalaja' takasiri' to Puang Allataala, anna te'da caccata' naputau mesaki'.

Galatia 2:2

Malena' lako kota Yerusalem, nasaba' nasuana' Puang Allataala. Kusitammu pekaamberan jamaa jio, la mpamanassai apa issinna to Kareba Kasalamatan to mangkamo kupangpeissenan lako bangsa tangngia to-Yahudi, dikua nadanggi' nalao sala to kupugaukkuna too allo ba'tu ia to mangkannamo.

Galatia 5:7

Melomo to kamenturusanmi lako Puang Allataala tonna tee. Indamora mangka ssede kamu', na te'damo mituru'i to pangngajaran tongan?

Efesus 4:25

Ee, tomala'bihku'! Danggi' mimangkada tangtongan lako padammi rupa tau, apa maruruh kamu' mpaui to tonganna, nasaba' umma'-Namo kamu' Almaseh.

Filipi 1:30

Jaji, ianna susi joo turu' todamo kamu' mpamanassai kumua tongan joo Kareba Kasalamatan, susi to mikita mangka kupugauk na misa'ding unapa tee too.

Filipi 2:16

ke mipangpeissenanni to Kareba Kasalamatan. Na ia ke susii joo, wa'dingna' mpumasannangngi ke ratu pole'mi Almaseh, sanga te'da nalao sala to jamanku'.

2 Timotius 2:4

Ia to mesa' surudadu male parari te'da naurusu'i to laenna, nasaba' madoangri mpugaukki to apa la napumasannang komandanna.

2 Timotius 4:7

Mangka kupengkulle-kullei mpangpeissenanni to Kareba Kasalamatan susi to massiewa watang na kudete'mi to kupangngujuinna. Matappa' tarruhna' lako Puang Isa angge cappa'na.

Ibrani 6:15

Sabbara'i to Nabi Ibrahim ntajanni to janjinna, sanggenna naampa' to apa nabasseanni Puang Allataala.

Yakub 1:3

Sanga miissen kumua la sabbara' kamu', ke da'tan kamu' matappa' lako Puang moi nakanna kamu' pecoba.

1 Petrus 2:1

Iamo joo danggi'mo mipugauk bangngi to panggaukan gaja', danggi' mimangnguraga, danggi' mianggai'-gai'ri messipa' melo. Danggi' mimasere ati sola mpau gaja' tau.

1 Petrus 4:2

Jaji, ia mituo unapa lan tee lino la nturu' kamu' pakkaeloran-Na Puang Allataala, danggi' mituru' pakkaeloran penawammi.

1 Petrus 5:1

Kupakainga'i to pekaamberan jamaa lan tangnga-tangngami. Kupauan kamu' tee sanga mesa' todana' pekaamberan jamaa susi kamu', na mangkamo kukita to kamaparrisan-Na Almaseh, na la kuperasai too to kamala'biran-Na Almaseh to la napangpekitan Puang Allataala lako sininna tau keanu'. Kupakainga' tongan kamu',

1 Petrus 5:12

Bondi'ra tee sura' kukiringan kamu', kiuki' sola Silas padanta' tomatappa' to wa'ding dikatappa'i. Kuuki'i tee sura' la mpamasumanga' kamu' na mpamanassan too kamu' kumua ia to kupauan kamu' lan tee sura' tonganna pangpakamoja'-Na Puang Allataala. Tatta' kamu' mparannuanni joo pangpakamoja'.

2 Petrus 1:6

Na te'da na ia manda joo kapaissenan miangah, apa la mipengkulle-kullei too ngkuasai kalemi. Na te'da na ia manda joo, apa la mawatang kamu' nnoloi kamaparrisan sola nturu' pakkaeloran-Na Puang Allataala.

Pengkitanna Yahya 1:9

Ia tee aku', Yahya, padammi tomatappa'. Dipakario-rio todana' susi kamu', sanga umma'-Na todana' Puang Allataala. Iami joo napasabbara' todana' Puang Isa susi kamu'. Dipali'na' ntee pulau Patmos, sanga mpangpeissenanna' kadan-Na Puang Allataala sola mpauna' kasa'bianku' to curitanna Puang Isa.

Pengkitanna Yahya 13:10

“Ia to tau la ditarungku, nang la ditarungku ia. Na ia to tau la dibuno mpake pa'dang, nang la dibuno ia. Jaji la sabbara'i namatappa' to umma'-Na Puang Allataala.”

Pengkitanna Yahya 22:16

Mangkadai Puang Isa nakua, “Aku' Puang Isa, mangkamo kusua to malaeka'-Ku' la mpamanassai to sininna tee lako jamaa. Aku'mo bati'na Raja Daud. Aku'mo susi bintuin sulo bai to mangngarrang ke melambi'.”

Pengkitanna Yahya 3:10

Apa ianna dete'mi to wattu kamasussan nakanna ngasan pecoba to sininna tau lan lino la kupasalama' kamu', sanga mituru'mo to pangngajaran-Ku' mitatta' ntajanna'.