Ibrani 11:8 - Alkitab Duri

⁸ Naturu'i Nabi Ibrahim to apa nasuanni Puang Allataala, sanga matappa'i. Nasuai Puang Allataala male lako tondok mambela to la nabenni napumanah. Malemi Nabi Ibrahim, moi na te'da naissenni umbo nanii mangnguju.

Ibrani 11:8 ပူးပေါင်းရင်းမြစ်များ

Matius 2:21

Mi'cokmi, namale ssolanni to Puang Isa sola indona lako tana Israel.

Roma 1:5

Nabenna' barakka' Puang Allataala menjaji rasulu' nasaba' Puang Isa Almaseh, angkuwa'ding la mpatuju sininna bangsa kumua namatappa' sola menturu' lako Almaseh.

Roma 10:16

Apa te'da na ia ngasan tau ntarimai joo Kareba Kasalamatan. Nakua Nabi Yesaya, “Oo Puang! Ci'di'ra tau ngkatappa'ii to kareba kipangpeissenan!”

Roma 6:17

Apa kurru sumanga' lako Puang Allataala, nasaba' jolona napukaunan kamu' kuasa dosa, apa ia tee too tatta' kamu' nturu' pangngajaran tongan to mangka diben kamu'.

2 Korintus 10:5

tomatampo, na tohhalangngi tau nnissen Puang Allataala. Na ia joo kuasan-Na kipake too mpabalik pangtangngaranna tau, anna menturu' lako Almaseh.

Ibrani 11:33

Ia to tau susi joo budamo raja natalo, sanga matappa'i. Napugaukki to pakkaeloran-Na Puang Allataala, anna tulungngi Puang Allataala susi to napauanni. Napasitutu'i to kasongo singa,

Ibrani 5:9

Susimi joo nadipupenjaji Tomangpasalama' te'da caccana ba'tu kakuranganna to mben katuoan melo te'da cappa'na lako tomengkaturu' lako Ia.

Yosua 24:3

Apa Kutambaii to Ibrahim, tojolomi, jio mai joo kampong, Kusuai male llingkaii tee sininna tana Kanaan. Kubenni buda bati', Kubenni anak, iamo to Ishak.

1 Petrus 1:22

Mangkamo mipemeloi to sipa'mi, sanga nturu'mo kamu' pangngajaran tongan jio mai Puang Allataala na danggi' mianggai'-gai' bangri mpakamoja' padammi tomatappa'. Iamo joo la sipakamoja' tongan kamu'.

1 Petrus 3:1

Ee, kamu' to baine kebalimo! Susi todami, la mengkaturu' lako kamu' balimmi. Na ia ke denni balimmi to te'dapa nakatappa'i kadan-Na Puang Allataala, ia to sipa' melomi la nakita, namenjaji matappa'. Te'damo miparallu mpauanni apa,

1 Petrus 4:17

La nadete'mi wattunna Puang Allataala la rra'tah kara-karana tolino. Ia to kita' umma'-Na Puang Allataala la nara'tah jolo to kara-karata'. Ia ke susimi joo, apa pole'pa la naperasai tuu lako tau to cia' ngkatappa'i to Kareba Kasalamatan jio mai Puang Allataala.