Ibrani 11:6 - Alkitab Duri

⁶ Moi mesa' tau te'da napumasannang Puang Allataala ke tangmatappa'i. Ia ke den tau madoang mangngolo lako Puang Allataala, la nakatappa'i kumua den to Puang Allataala, na la nakatappa'i too kumua melo penawan-Na to Puang Allataala lako to tonnangahhi.

Ibrani 11:6 ပူးပေါင်းရင်းမြစ်များ

Kada Bulawan 11:18

Ia to assele' napaden togaja' te'da bua'na, apa ia to assele' napaden tonturu' pakkaeloran-Na Puang Allataala den tarruh bua'na.

Kada Bulawan 8:17

Kupakamoja' to tompakamoja'na', na ia to tolantuk tongan penawanna nnangahna' nang la naampa'na'.

Matius 11:26

Oo Ambe', iamo tapumasannang.”

Matius 5:12

Parannu kamu' mimasannang, nasaba' buda pahalami jao suruga. Ia tee kadipakario-rioanmi tee too, susi bang una to pura digaukanni tuu lako nabi tonna anu'.”

Matius 6:16

Mangngajahhimi Puang Isa nakua, “Ia ammipuasa, danggi' mimenggamuru bang susi tomajekkong. Ia to tau susi joo naanggai' bang tangmendau', dikua naissenni tau kumua puasai. La miingaran tee kadang-Ku' kumua, mangkami ia ntarimai to pahalana!

Matius 6:33

La mipengkulle-kullei mpugaukki to pakkaeloran-Na Puang Allataala sola to apa nakabudai, na ia to laenna miparallui la naben too kamu'.

Matius 6:5

Mangngajahhimi Puang Isa nakua, “Ia ammimassambajang, danggi' misusi tomajekkong. Ia to tau susi tuu lako nakabudai massambajang lan bola passambajangan sola jio too pangpasitammuan lalan, dikua nakitai tau. La miingaran tee kadang-Ku' kumua, mangkami ia natarima to pahalana!

Markus 16:17

Ia to tau matappa' la ntarima kuasang-Ku' la mpugauk tanda mejangngaran, nnula'i setang, na mangkada mpake basa to te'da naissenni.

Lukas 12:31

La mipengkulle-kullei mpugaukki to pakkaeloran-Na Puang Allataala, na ia to laenna miparallui la naben too kamu'.”

Lukas 6:35

Te'da nalasusi joo! Sibalikanna, pakamoja'i to ewalimmi, na la manggauk melo kamu' lako kalena. La mangpaindan kamu', na danggi'mo mitajanni to polena. Ia ke susii joo, la buda to pahalami, na la menjaji kamu' anak Puang Allataala Jao Majaona. Nasaba' melo to penawan-Na Puang Allataala lako totangnnissen mangkurru sumanga' na tomanggauk gaja'.

Yahya 14:6

Mebalimi Puang Isa nakua, “Aku'mo minii nnissen Puang Allataala sola nnampa' katuoan. Moi mesa' tau te'da nakullei ratu lako Ambe', ke te'dai kupuissenni.

Yahya 8:24

Iamo joo kukuan kamu' kumua, la mate tangdidampangan kamu'. Na la mate tangdidampangan kamu', nasaba' te'da mikatappa'i to kadang-Ku' mpamanassai kumua, ‘Aku'mo to disanga DENNA'.’ ”

Roma 10:14

Na umbo la nakua meta'da tulung lako Puang ke te'dapi namatappa'? Na umbo la nakua matappa' lako Puang ke te'dapi naissenni inda to la nakatappa'i? Na umbo la nakua to tau nnissenni to Puang, ke te'dapi tau mpangpeissenanni?

Galatia 5:6

Ia ke sirapumiki' Puang Isa Almaseh, te'damo silaenanna todisunna' ba'tu totangdisunna'. Apa ia to parallu, iara to kamatapparan lako Puang Isa Almaseh, to napamanassa kasipakamojatanta' padanta' rupa tau.

Ibrani 11:26

Nasangai Nabi Musa kumua la'bih keangga' ke dikita majiongngi sanga matappa'i lako Raja Mangpasalama' to nabasse Puang Allataala la ratu na ia ke namesaii to sininna ewanan jio tana Mesir, sanga rrannuanni pahalana jio ahera'.

Ibrani 3:12

Ee, tomala'bihku'! Ingaran meloi, danggi' naden to mangpenawa gaja' susi joo, ammicia' matappa' lako Puang Allataala to tuo.

Ibrani 4:2

Mangkamo dipangpeissenan joo Kareba Kasalamatan lako kita' susi bang una lako to-Yahudi tonna anu'. Apa te'da bua'na lako kalena, sanga te'da namatappa' tonna sa'dingngi.

Ibrani 4:6

Jaji, ia to bungah ssa'dingngi joo Kareba Kasalamatan te'dai mentama ntuu joo tondok kakendenan sanga cia'i matappa'. Ia ke susii joo, manassamo kumua den tolaen wa'ding mentama.

Ibrani 7:19

sanga ia to atoranna Nabi Musa te'da nakullei mpupenjaji melo tau, moi mesa'. Na ia to tarannuan tee too la'bih melo na ia to dirannuan jolona, antabarani mangngolo lako Puang Allataala.

Ibrani 7:25

Iamo joo na te'da lalo natorroii mpasalama' tau to mangngolo lako Puang Allataala mpau sangan-Na, sanga tuo tarruhhi la mpangkadananni lako Puang Allataala.

2 Petrus 1:10

Ee, tomala'bihku' sola ngasan! Napileimo kamu' Puang Allataala menjaji umma'-Na anna tambai kamu' nturu'i. Iamo joo la mipengkulle-kullei nturu' pakkaeloran-Na, anna manassa lako kalemi sola tolaen kumua tongannamo kamu' napilei Puang Allataala. Na ia ke mipugaukki susi joo, te'damo milampugauk pole'i to sipa' jolomi.

2 Petrus 1:5

Nabenmo kamu' Puang Allataala joo barakka'. Iamo joo la mipengkulle-kullei na ia to kamatapparanmi la mipapajan lan sipa' melomi. Na te'da na ia manda to kumua la messipa' melo kamu', apa la miissen tongan too to Puang Allataala.

2 Petrus 3:14

Ee, tomala'bihku' to kupakamoja'! Da'tan una kamu' ntajanni joo wattu, la mipengkulle-kullei sikalino padammi rupa tau anna te'da caccami ba'tu kakuranganmi ke mangngolomo kamu' lako Puang Allataala.

Pengkitanna Yahya 21:8

Apa ia to tolanjangan, tomboko'i Puang Isa, totangmessipa', topabuno, tomanggauk sala, tomangpatama-tama, tossompa dewata, na sininna tomangnguraga la dipenca'beanni tama api colo' manglanya-lanya. Iamo kamatean mangpenduan.”

Rut 2:12

Dennaa upa' Nabalahhi PUANG Allataala to kameloanmu, Nabarakka'iko to sipato' mutarima jio mai PUANG Allataala to kisompa kami' to-Israel, na Ia toomo munii mentilendung.”