Ibrani 11:10 - Alkitab Duri

¹⁰ Natorro Nabi Ibrahim jio susi toratu lan tenda, sanga ntajanni anna torro lan kota tangmasolang to mangka napake'deh Puang Allataala situru' akkatta-Na.

Ibrani 11:10 ပူးပေါင်းရင်းမြစ်များ

Yahya 14:2

Buda ngenan dinii mari'pih lan bola-Na Ambe'-Ku'. La malena' lako mpasadian kamu' ngenan. Na te'da kulamangkada susi joo lako kamu', ke te'dai natongan.

2 Korintus 5:1

Nasaba' taissen kumua ia ke diro'pokanmi to bola ba'tu burukmi to batang kale to tanii mari'pih lan tee lino, la napasadianki' Puang Allataala jao suruga mesa' bola ba'tu batang kale baru te'da cappa'na, to tangngia panggaraga tolino.

Filipi 3:20

Apa ia tee kita', jao suruga to tondok kajajianta', na jao toomo mai la tanii ntajan Puang Isa Almaseh, Tomangpasalama'.

Ibrani 11:16

Apa ngkamali'ri mesa' tondok to la'bih melo, iamo joo tondok jao suruga. Na te'da namasiri' Puang Allataala ke nasangai Puangna, sanga denmo mesa' kota mangka napasadianni.

Ibrani 12:22

Ee, tomala'bihku', te'da miratu lako buntu susi joo. Sibalikanna ratumo kamu' lako Buntu Sion na kota-Na Puang Allataala to tuo, iamo to kota Yerusalem jao suruga to nanii massa'bu-sa'bu malaeka'-Na.

Ibrani 12:28

Iamo joo la mangkurru sumanga'ki' lako Puang Allataala, sanga tatarimamo jio mai kale-Na to mesa' kaparentan tangtiroge. Takalaja' takasiri'i antamassompa lako Puang Allataala situru' pakkaeloran-Na,

Ibrani 13:14

Sanga te'da kampong la tanii mari'pih lan tee lino, apa ntajanriki' kampong to la tanii mari'pih keanu'.

Ibrani 3:4

Simesa'-mesa' bola nang den pandena, apa ia to Puang Allataala mpandei sininna apa.

Pengkitanna Yahya 21:2

Kukitami to kota-Na Puang Allataala, iamo Yerusalem baru, mellao jao mai suruga, to nanii Puang Allataala. Ia joo kota mangkamo dipapakei susi tobotting baine sadia la ntammui tobotting muane.