Ibrani 11:1 - Alkitab Duri

¹ Ia to tau matappa' lako Puang Allataala, naissen tongan kumua la naben Puang Allataala to apa narannuan. Moi te'dapa nakitai matanna, nakanassai kumua la jajii.

Ibrani 11:1 ပူးပေါင်းရင်းမြစ်များ

Jamanna Rasulu' 20:21

Tuli kupangngingaran la lako to-Yahudi na lako bangsa laen anna mengkatoba' jio mai dosana, na mpangben kalena lako Puang Allataala, na matappa' lako Puangta' Puang Isa.

1 Korintus 13:13

Jaji, den tallung rupa to la tapugauk tee too, iamo to matappa'ki', mangrannuanki', antapakamoja' padanta' rupa tau. Na ia to kaminang parallu jio mai joo tallu, iamo to mangpakamoja'.

2 Korintus 11:17

Ia tee apa kupau, te'da kumangkada situru' pakkaeloran-Na Puang, apa susira' tobango' mpuji kaleku'.

2 Korintus 4:18

Te'da na ia kipikkiri' to apa nakita mata to cingga'tu'ra, apa iara to tangnakita mata to te'da cappa'na.

2 Korintus 5:17

Ia to memmesa' penawamo sola Almaseh, menjaji tau barumo. Lanynya'mi to masainna, anna menjaji baru ngasanmo.

2 Korintus 5:7

Nasaba' ia ke tuo unapiki' lan tee lino, kamatapparanra lako Puang Isa mpatujuki', tangngia apa nakita mata.

2 Korintus 9:4

Danggi' na ia ke malena' mati', naden to-Makedonia mpeundiina', na ia ke te'dapi misadia, liwa' kupusiri', nasaba' mangkamo' mpauanni kumua gaja kikatappa'i kamu'. Na moi kamu' la mipusiri' too!

Galatia 5:6

Ia ke sirapumiki' Puang Isa Almaseh, te'damo silaenanna todisunna' ba'tu totangdisunna'. Apa ia to parallu, iara to kamatapparan lako Puang Isa Almaseh, to napamanassa kasipakamojatanta' padanta' rupa tau.

Titus 1:1

Ee, Titus to kupuanak! Aku', Paulus, mesa'na' taun-Na Puang Allataala na rasulu'-Na Puang Isa Almaseh ngkiringanko tee sura'. Dipileina' angkuajahhi to tonapilei Puang Allataala, namatappa' tongan. Dipilei toona' mpatuju ngasanni, anna issenni to pangngajaran tongan, natuo situru' pakkaeloran-Na Puang,

Ibrani 10:22

Iamo joo la matappa' tonganki' na la lantuk tongan penawanta' mangngolo lako Puang Allataala, nasaba' mangkamiki' dipaccingngi mpake wai malinnong anna la'pahmiki' jio mai kasalanta'.

Ibrani 10:39

Ia tee kita' tangngiamiki' to tolamembalik pole' antamasolang, sibalikanna tomatappa'miki' lako Puang Allataala antadipasalama'.

Ibrani 11:13

Matappa' ngasan tuu lako tau ratu lako matena. Ia tonna tuo unapa, te'dapa naampa'i to apa nabasseanni Puang Allataala, apa masannangngi sanga butung nakitami to apa dibasseanni. Namangngaku kumua toratu bangri ba'tu toleppang bangri lan tee lino.

Ibrani 11:27

Nasalaii Nabi Musa to tana Mesir tangmalaja' nakabirih Raja Mesir, sanga matappa'i. Sabbara'i maparri', sanga susi to nakitamo to Puang Allataala to tangkakitanan.

Ibrani 11:7

Napugaukki Nabi Nuh to apa nasuanni Puang Allataala, sanga matappa'i. Napauanni Puang Allataala apa to la jaji to te'dapa nakitai. Mengkaturu'i Nabi Nuh lako Puang Allataala anna kabua' mesa' kappala' dikua napasalama'i sintong repokkona. Susimi joo tonna disessamo to tolino, apa ia to Nabi Nuh napupenjaji tomelo Puang Allataala, sanga matappa'i.

Ibrani 2:3

Apa pole'pi kita', ia ke te'da taingaran meloi joo Kareba Kasalamatan, tantu te'da talala'pah jio mai pangsessa. Sanga la'bih melo joo Kareba Kasalamatan na ia joo atoran naparatu malaeka' tonna anu'. Puang Isa Ia to bungah mpangpeissenanni, na mangkamiki' napauan tuu lako tobungah ssa'dingngi, antaissenni kumua tongan.

Ibrani 3:14

Sanga kita' ngasanmo nnampa' barakka' jio mai Almaseh, ke matappa' tarruhki' susi tontamane' matappa' ratu lako ssalainta' lino.

Ibrani 3:6

Apa Anak to Almaseh to dipabarakkanni jaman ntulung sininna taun-Na Puang Allataala. Na kita'mo tee to taun-Na, ke da'tanki' matappa' sola da'tanki' mangrannuan lako manda Puang Isa.

Ibrani 6:12

Cia'kan ke memmakuttu kamu'. Apa madoangkan kumua miala palelean matai to tomatappa' lako Puang Allataala, anna sabbara' ntajanni sanaampa'na to apa nabasseanni Puang Allataala.

2 Petrus 1:1

Ee, tomala'bihku' sola ngasan! Pada matappa'miki' lako Puangta' Puang Isa Almaseh, nasaba' kamarurusan-Na. Iamo Puang Allataala, Tomangpasalama'ta'. Aku' Simon Petrus, taun-Na ba'tu rasulu'-Na, ngkiringan kamu' tee sura'.