Ibrani 10:20 - Alkitab Duri

²⁰ Susimi joo carana Puang Isa ntimbakanki' lalan baru, iamo to lalan mangnguju lako katuoan melo te'da cappa'na. Ia joo lalan nnola kaen pesapa', iamo to batang kale-Na Puang Isa.

Ibrani 10:20 ပူးပေါင်းရင်းမြစ်များ

Matius 27:51

Ia joo wattu, ia to kaen pesapa' lan Bola Puang Allataala ca'cei tipangdua jao mai ratu do', nino to padang, natipiak to buntu batu,

Markus 15:38

Ia joo wattu ia to kaen pesapa' lan Bola Puang Allataala, ca'cei tipangdua jao mai ratu do'.

Lukas 23:45

Ca'ce tipangduami to kaen pesapa' lan Bola Puang Allataala.

Yahya 10:7

Iamo joo nakua pole' Puang Isa, “La miingaran tee kadang-Ku' kumua, Aku'mo to susi babangan to naola bembala' mentama balana.

Yahya 10:9

Aku'mo to susi babangan. Ia to tomentama bala na Aku' naola, la salama'i. Ia joo tau la susi to bembala' mentama messun balana nnampa' kande.

Yahya 14:6

Mebalimi Puang Isa nakua, “Aku'mo minii nnissen Puang Allataala sola nnampa' katuoan. Moi mesa' tau te'da nakullei ratu lako Ambe', ke te'dai kupuissenni.

Efesus 2:15

Nata'dei to atoran agama to-Yahudi sola parentana, dikua anna mpupenjaji mesa'ki' bangsa baru to memmesa' sola Ia. Susimi joo carana mpasikalinoi to to-Yahudi na bangsa tangngia to-Yahudi.

1 Timotius 3:16

Te'da mesa' tau tanglantongananni kumua liwa' ia mala'bihna to pangngajaran kasaranian, to tangkaissenanpa tonna anu', apa ia tee too napangpeissenanmo Puang Allataala. Susi tee joo pangngajaran kasaranian, “Mentolinomo Puang Isa Almaseh. Napabuttii Roh Allataala kumua Iamo napusannang Puang Allataala. Nakita sininna malaeka', napangpeissenanni tau lako sininna bangsa. Nakatappa'i tolino, naangka'i Puang Allataala tama suruga.”

Ibrani 6:19

Ia joo rannunta' susi jangkar titanan mandalan antasamatappa'-tappa'na. Ia joo rannunta' ntarruh kaen pesapa' Ngenan Kaminang Macero jio Bola Puang Allataala jao suruga antamangngolo lako Puang Allataala.

Ibrani 9:3

Ia to lanna liu, to napasisarak kaen pesapa', disanga Ngenan Kaminang Macero.

Ibrani 9:8

Susimi joo napamanassai Roh Allataala kumua ianna den unapa joo Ngenan Macero, te'dapa nawa'ding to tolino mentama Ngenan Kaminang Macero.

1 Petrus 3:18

Nasaba' pissenra mate to Almaseh la ndampangan tolino. Ia to Almaseh, to te'da namadosa, namate ssulle tomadosa, dikua misikalino pole' Puang Allataala. Batang kale-Na nabuno tau, apa napatuo pole'i Roh Allataala.

1 Yahya 4:2

Susi tee carami la nnissenni kumua Roh Allataala tonganraka ba'tu tangngiaraka. Ia to tonnakui kumua mentolinomo to Puang Isa Almaseh, iamo to nnampui Roh Allataala.

2 Yahya 1:7

Buda tompalao sala tau male bang llelei tondok. Ia tuu lako tau te'da naakuii kumua mentolinomo to Puang Isa. Ia to mangkada susi joo, tompalao sala tau na tonnewa Almaseh.