Ibrani 10:11 - Alkitab Duri

¹¹ Allo-allo tuli ke'dehhi to imang to-Yahudi njama jamanna, na sangrupara to karoba tuli napassompan. Apa ia tuu lako karoba te'da lalo nakullei ndampangan tolino.

Ibrani 10:11 ပူးပေါင်းရင်းမြစ်များ

Daniel 11:31

La nasuai to surudadunna la ncarepai Bola Puang Allataala ba'tu bentengna la nta'dei to pangkaroba to dipugauk keallo-keallo napake'dehhi to apa mecarepan to disanga “Kagajatan to mesolangan”.

Daniel 12:11

Mangpamula tonna dita'dei to pangkaroba to dipugauk keallo-keallo nadipake'deh to apa liwa' mecarepan to disanga “Kagajatan to mesolangan” lan Bola Puang Allataala, la den 1290 allona.

Daniel 8:11

Naewai to tongkapalai surudadu jao suruga, nata'tanni to tau mangkaroba keallo-keallo lako joo tongkapalai surudadu jao suruga. Nacarepai tooi to Bola Puang Allataala.

Daniel 9:21

Ia tongkumassambajang unapa, ngkita omo' malaeka' Jibrail to mangka kukita ba'tu piran lan pengkitangku', mentia' mangnguju lako aku'. Ia joo wattu mangkaroba soloh allomi to tau.

Daniel 9:27

Ia joo raja nggaraga basse mabanda' lako tau buda pitung taun masainna. Ia tonna mattangnganmo joo wattu tangnaeloranni to karoba sola passompan dipugauk. Na den to liwa' mecarepan to disanga ‘Kagajatan to mesolangan’ la dipatama Bola Puang Allataala, na la lan tarruh, angge lako wattu to Napattantu Puang Allataala nanii lanynya'ii joo raja.”

Ibrani 10:1

Ia joo atoran agama to-Yahudi bajo-bajona bangra joo kasalamatan la ratu, jaji tangngiapa to sitonganna. Te'da nakullei joo atoran mpupenjaji meloi to tompassompan karoba lako Puang Allataala, moi narundun taun tuli ndadu'i massompa susi joo.

Ibrani 10:4

sanga te'da nakullei to rara sapin balian ba'tu rara beke bulolo' ndampanganni.

Ibrani 5:1

Sininna Imang Lompo dipilei jio mai tau biasa, nadiangka' la mpangjaman Puang Allataala wwakkele'ii tuu lako tau. Iamo jamanna to mpangngolo passompan sola karoba lako Puang Allataala dikua nadidampangan to tau.

Ibrani 7:27

Te'da nasusi to Imang Lompo laen, to allo-allo mangkaroba jolo' meta'da nadidampangan, namane' mpangkaroban tobuda. Na ia to Puang Isa pissenri mangkaroba lako Puang Allataala, iamo to mpangkaroban batang kale-Na.

Ibrani 8:2

Njamai jaman Imang Lompo lan bola-Na Puang jao suruga. Ia joo bola iamo Tenda Tongan, to napake'deh Puang, tangngia panggaraga tolino.

Ibrani 8:4

Ia kenna la inde' unapa lino, te'da lalo nalanjama jaman imang, sanga denmo imang mpassompan karoba situru' atoranna Nabi Musa.