Ibrani 10:1 - Alkitab Duri

¹ Ia joo atoran agama to-Yahudi bajo-bajona bangra joo kasalamatan la ratu, jaji tangngiapa to sitonganna. Te'da nakullei joo atoran mpupenjaji meloi to tompassompan karoba lako Puang Allataala, moi narundun taun tuli ndadu'i massompa susi joo.

Ibrani 10:1 ပူးပေါင်းရင်းမြစ်များ

Roma 8:3

Ia to atoran agama te'da nakullei lla'paranki' jio mai kuasa dosa, nasaba' tangtakulle nturu' atoran agama. Apa ia to tangnakulle atoran agama mpugaukki, mangkami napugauk Puang Allataala. Nasuai to Anak mentolino. Na ia to batang kale-Na susi bang batang kale tolino biasa. Na ia tee Anak matei dikua anna ia to dosana tolino dipabalahhi lakoi batang kale-Na Anak.

Kolose 2:17

Ia joo atoran susiri bajo-bajo to diben la mpamanassai to kameloan la ratu, na Almasehmo to buttinna!

Ibrani 10:22

Iamo joo la matappa' tonganki' na la lantuk tongan penawanta' mangngolo lako Puang Allataala, nasaba' mangkamiki' dipaccingngi mpake wai malinnong anna la'pahmiki' jio mai kasalanta'.

Ibrani 7:11

Ia tonna benni Puang Allataala to atoran agama lako to-Yahudi, naangka' tooi to bati'na Lewi menjaji imang nnajahhi tau nturu'i joo atoran. Jaji, den kasiumputanna imang na atoran agama to-Yahudi. Apa te'da nakullei to imang bati'na Lewi mpupenjaji tomelo tau. Iamo joo parallu den imang laen susi imang Melkisedek to te'da napole jio mai bati'na Lewi susi imang Harun.

Ibrani 8:5

Ia to jaman najama tuu lako imang, sitonganna pangpasusianra ba'tu bajo-bajonara to apa denmo jao suruga. Susi toomi ia to tenda passompan napake'deh Nabi Musa tonna anu', bajo-bajonara to Tenda Tongan. Iamo joo nakuanni Puang Allataala to Musa, “Ingaranni! Padami to la mugaraga, la mupasusi ngasanni to apa mangka dipakitanko jao buntu.”

Ibrani 9:11

Menjajimi Imang Lompo to Almaseh nabenki' kameloan susi to taperasaimo. Mentamami Tenda-Na Puang Allataala jao suruga. Mala'bih na te'da caccana joo Tenda-Na Puang Allataala, sanga tangngia panggaraga tolino, battuananna te'da napole jio mai tee lino.

Ibrani 9:23

Ia to tenda passompan panggaraga tolino, bajo-bajona bangra joo Tenda-Na Puang Allataala jao suruga. Na ia ke ia joo tenda passompan jio lino dipemaceroi mpake karoba susi joo, la'bih pole' opa ia to Tenda-Na Puang Allataala parallu dipemaceroi mpake karoba la'bih melo.

Ibrani 9:25

Ia to Imang Lompona to-Yahudi taun-taun mentama Ngenan Kaminang Macero la mpassompan rara to tangngia rara kalena. Apa ia to Almaseh pissenri mentama la mpassompan kalena.