Ibrani 1:6 - Alkitab Duri

⁶ Apa ia tonna suai Puang Allataala to Anak tungga'-Na mentolino, mangkadai nakua, “Sininna malaeka'-Ku' la ssompai joo Anak-Ku'.”

Ibrani 1:6 ပူးပေါင်းရင်းမြစ်များ

Matius 24:14

Na ia to Kareba Kasalamatan kumua la ratumi Puang Allataala mangparenta susi Raja la dipangpeissenan lan lili'na lino, dikua nasa'dingngi sininna bangsa. Ianna mangka joo, mane'ri Kiama' lino.”

Yahya 1:14

Ia joo Kada mentolinomi namari'pihmi lan tangnga-tangngata'. Takitamo to kamala'biran-Na, to natarima jio mai Ambe' sanga Ia Anak tungga'-Na. Iamo joo Anak mpamanassa tonganni to Puang Allataala sola pangpakamoja'-Na.

Yahya 1:18

Moi mesa' tau te'dapa ngkita Puang Allataala, saliwanna ia to Anak tungga'-Na, Ia bang una Puang Allataala, to torro sola. Iamo mpamanassai lako kita' to Ambe'.

Yahya 3:16

Liwa' napakamoja' Puang Allataala to tolino. Iamo joo nasuai to Anak tungga'-Na mpangben sunga'-Na naputuoi tolino. Na ia to tomatappa' lako, te'da nalamasolang, apa la nnampa' katuoan melo te'da cappa'na.

Roma 8:29

Na ia to tonaissenmo, pura napattantumo la menjaji sangrupa Puang Isa Almaseh, Anak Allataala, dikua na Almaseh menjaji pamungah jio mai sininna sile'to tomatappa'.

Kolose 1:15

Tangdikita to Puang Allataala. Apa ia to Almaseh mpamanassai lako kita' sipa'-Na sola kuasan-Na. Iamo Anak Pamungah, na te'da njaonannii to sininna apa mangka napaden Puang Allataala.

Kolose 1:18

Almaseh toomo kapalana sininna tomatappa' to dipasangrapang batang kale-Na. Iamo Anak Tungga' to bungah dipatuo pole' jio mai kamatean, dikua namenjaji kaminang matande jio mai to apa den.

Ibrani 1:5

Moi mesa' malaeka' te'da naden nakuan Puang Allataala, “Ikomo anak-Ku'. Mammula tee too Aku'mo ambe'mu.” Te'da too naden nakuanni to malaeka' kumua, “La napuambe'na', na ia la kupuanak.”

Ibrani 10:5

Iamo joo ia tonna mentolinomo Almaseh, nakua mangkada lako Puang Allataala, “Te'da mukadoangngi karoba sola passompan, apa mangkamo' mupadenan batang kale.

1 Petrus 3:22

Na endekmi de' suruga, nacumadokko jio sa'de kanan-Na Puang Allataala namangparenta sola, mparenta sininna malaeka', sininna tomakuasa na tomangparenta to wa'ding ngkuasai tolino.

1 Yahya 4:9

Napamanassa Puang Allataala kumua napakamoja'ki' tonna suai to Anak Tungga'-Na mentama lino, antaampa' katuoan melo te'da cappa'na pole jio mai joo Anak Tungga'.

Pengkitanna Yahya 1:5

Ia to Puang Isa sa'bi maruruh. Iamo bungah dipatuo jio mai kamatean. Ia toomo ngkuasai sininna raja lan lino. Napakamoja'ki' namate anna la'paranmiki' jio mai dosata'.