Ibrani 1:14 - Alkitab Duri

¹⁴ Ia to malaeka' mpangjaman Puang Allataala to nasua ntulungngi to tolantarima kasalamatan.

Ibrani 1:14 ပူးပေါင်းရင်းမြစ်များ

Daniel 3:28

Mangkadami raja nakua “Mala'bih Allataala to nasompa Sadrakh, Mesakh na Abednego, to mangka ssua malaeka'-Na lla'paranni to tallu kaunan-Na to ngkatappa'i, to te'da naturu'i to parentaku', na la'bih nakabudai ke matei, na ia ke ssompai apa laen saliwanna Allataala to nasompa.

Daniel 6:22

Mebalii Daniel lako raja nakua, “Ie' puang, dennaa upa' tamalambeh sunga' tarruh-tarruh te'da cappa'na.

Daniel 7:10

Mellala'i to api jio mai olo-Na Puang, na massa'bu-sa'bu tomparakai-I, na mangjuta-juta to tau ke'deh jio olo-Na. Cumadokkomi to tomangra'tah kara-kara, nadibukka' to sura'.

Matius 1:20

Apa ia tonna mangpikkiri' susi joo, mamma'mi namangtindo. Nakitai lan tindona to malaeka'-Na Puang Allataala mpangkadaii nakua, “Ee, Yusuf, bati'na Raja Daud, danggi' mubata sibali to Maryam, nasaba' ia to kakeba'tanganna jajii sanga kuasan-Na Roh Allataala.

Matius 13:41

Aku' Anak Mentolino la ssua malaeka'-Ku' mpilei lan mai tangnga-tangngana umma'-Na Puang Allataala sininna to tompalao sala padanna rupa tau na tomanggauk gaja'.

Matius 18:10

Mpatarruhpa kadan-Na Puang Isa nakua, “Ingaranni! Danggi' na den tee pea biccu' mikita majiong. Nasaba' la miissen kumua, den malaeka'na jio olo-Na Puang Allataala jao suruga nnampaii. [

Matius 2:13

Mangkai joo too, nakitami Yusuf to malaeka'-Na Puang Allataala lan tindona ngkuanni kumua, “Mi'cokko, palaianni tuu pea sola indona lako tana Mesir, nasaba' naangahhi Raja Herodes la nabuno! Torroko jio, na kupauanpoko, mumane' pole jio mai!”

Matius 24:31

Dipannonii to tarompe' gaja tonggo, angkumane' ssuai to malaeka'-Ku', rrempun ngasanni to taung-Ku' jio mai sulapa'na lino.”

Matius 25:34

Mangkai joo too kukuamo lako to jio sa'de kanan-Ku' kumua, ‘Malemo kamu' mai sininna to tonabarakka'i Ambe'-Ku' Puang Allataala. Mentamamo kamu' kaparentan-Ku' to nang dipasadiamo sipamulanna lino.

Matius 4:11

Malaimi to Ballisi', nasaba' ditalomi, anna ratu to malaeka'-Na Puang Allataala mbenni to naparalluin-Na Puang Isa.

Markus 10:17

Ia tonna patarruhmo kalingkan-Na Puang Isa, den mesa' tau ratu kinjara' mpendete'i, anna mengguntu' jio olo-Na, namekutana nakua, “Oo Guru, tomelo penawan-Ta'. Pauanna' apara to sipato' la kupugauk, angkuampa'i to katuoan melo te'da cappa'na?”

Lukas 1:19

Mebalimi joo malaeka' nakua, “Aku'mo tee Jibrail, pesuro matappa'-Na Puang Allataala, disua mpauanko tee kareba kamarioan.

Lukas 1:23

Ia tonna puramo to wattu mangjama lan Bola Puang Allataala, polemi Zakharia lako bolana.

Lukas 16:22

Matemi joo tokaasi-asi nabawai malaeka' lako ngenan mala'bih jio sa'dena Nabi Ibrahim. Mate todami joo tosugih nadilamun.

Lukas 2:13

Ta'pa buda omi malaeka' laen mellao jao mai suruga ssolanni, nampakala'bih Puang Allataala nakua,

Lukas 2:9

Ta'pa denmi malaeka'-Na Puang Allataala mpapajan kalena, naarrangngi arrang kamala'biran pole jio mai Puang Allataala nnarrangngi tuu lako tomangrewa, na liwa' simalajatan.

Jamanna Rasulu' 11:22

Ia tonna sa'dingmi jamaa jio kota Yerusalem kumua buda tau matappa', nasuami to Barnabas male lako kota Antiokhia.

Jamanna Rasulu' 12:23

Ta'pa natampeleng bang unami malaeka'-Na Puang, sanga te'da nakasiri'i to Puang Allataala. Nasikandeii kalindoro, arannai mate.

Jamanna Rasulu' 12:7

Tangdikalannai naden malaeka'-Na Puang ke'deh jio sikandoppi' Petrus na den to arrang mangngarrang lan joo pangtarungkuan. Natundanni to Petrus, naroge-rogei to ajena nakuanni, “Ee! Mi'cokko madoi'!” Ta'pa tibuka bang unami to rante lan mai limanna.

Jamanna Rasulu' 13:2

Ia tonna massambajang na puasa too, nakuanni Roh Allataala, “Pileii to Barnabas sola Saulus, anna jamai to jaman mangka kupattantuanni.”

Jamanna Rasulu' 16:26

Tangdikalannai anna nino tonggo, na moi to pondasi pangtarungkuan tiroge too. Ta'pa titimbak ngasan to ba'ba na tibuka ngasan too to pepumpungna to toditarungku.

Jamanna Rasulu' 27:23

Nasaba' ia to Puang Allataala kusompa kupupuang too, ssua malaeka'-Na pubongi' ratu jio sa'deku',

Jamanna Rasulu' 5:19

Apa ia tonna bonginna, den malaeka'-Na Puang ntimbakanni joo ba'ba pangtarungkuan, napasunni to rasulu'. Nakua joo malaeka' ngkuanni,

Roma 11:14

masere ati to bangsaku' to-Yahudi, anna katampakanna nnampa' kasalamatan jio mai Puang Allataala.

Roma 13:6

Ia toomo joo mimamajah sima, sanga ia to tomangparenta la nnurusu'i jamanna mpangjaman Puang Allataala.

Roma 15:16

Napupenjajimo' kaunan-Na Puang Isa Almaseh to disua male lako bangsa tangngia to-Yahudi. Na menjajimo' susi imang to mpangpeissenan Kareba Kasalamatan jio mai Puang Allataala. Dennaa upa' na Roh Allataala mpupenjajii to bangsa tangngia to-Yahudi susi karoba to napumasannang penawan-Na Puang Allataala.

Roma 15:27

Canning atinna sola ngasan ssituru'ii mpugaukki joo. Sipato'nami la ntulung tokaasi-asi jio kota Yerusalem, nasaba' ia to bangsa tangngia to-Yahudi ntarimamo barakka'na to-Yahudi. Iamo joo nasipato' ntulung to-Yahudi mpake barakka' ewanan.

Roma 8:17

Ia ke anak Allataalamiki', wa'dingmiki' la ntarima barakka'-Na Puang Allataala sola Almaseh. Na ia ke mperasaiki' parri' tee too susi Almaseh tonna tee, la dipakala'bih todaki' sola Almaseh.

1 Korintus 1:21

Sanga moi samatumbanna macca to tolino, te'da nakullei nnissen Puang Allataala mpake kamacanna. Apa macca to Puang Allataala. Iamo joo naeloranni dipangpeissenan to Kareba Kasalamatan, to nasanga tolino curita tangtongan, anna pasalama'i to tongkatappa'ii.

2 Korintus 9:12

Nasaba' ia tee panggaukan melo mipugauk, te'da nalangganna'i mandari to kakuranganna umma'-Na Puang Allataala jio tana Yudea, apa la napusaba' too nabuda tau mangkurru sumanga' lako Puang Allataala.

Galatia 3:29

Na ia ke taun-Namo kamu' Almaseh, bati'na toomo kamu' Nabi Ibrahim to la ntarimai to barakka' mangka nabasseanni Puang Allataala.

Galatia 3:7

Iamo joo la miissen kumua, sininna to matappa' lako Puang Allataala direken bati'na Nabi Ibrahim.

Galatia 3:9

Jaji, ia to tomatappa' dibarakka'i susi Nabi Ibrahim dibarakka'i, nasaba' kamatapparanna.

Efesus 3:6

Na ia joo akkatta-Na kumua ia to bangsa tangngia to-Yahudi la ntarima toda barakka'-Na Puang Allataala sola to-Yahudi, na la menjaji susi mesa' kale sola to-Yahudi, anna wa'ding toda la ntarimai to apa nabasse Puang Allataala lako to-Yahudi. Ia tee jaji, nasaba' kamatapparanna bangsa tangngia to-Yahudi lako Puang Isa Almaseh tonna sa'dingmo Kareba Kasalamatan.

Filipi 2:17

Ia tee aku' mangkana' mpaissenni kamu' to Kareba Kasalamatan ammimemmatappa'. Na moi nadipato'do to raraku', nabutung dipatibolloh susi karoba lako Puang Allataala nasaba' ia to mangka kupugauk lako kalemi, la masannangna' antamasannang sola.

Filipi 2:25

Ia to sangpangjamanku' padanta' tomatappa' Epafroditus, to mangka misua ratu inde' ntulungna', kusanga parallu too kusua pole mati',

2 Tesalonika 1:7

Na lako kamu' tomapa'dik susi toomi kami', la naben Puang Allataala kamasannangan ke ratu pole'i to Puang Isa mellao jao mai suruga mpangpekitan kalena sola buda malaeka'-Na to napakuasa,

Titus 3:7

dikua antaampa' katuoan melo te'da cappa'na, susi to pangrannuanta', sanga mangkamiki' dipupenjaji tomelo nasaba' kameloan penawan-Na.

Ibrani 10:11

Allo-allo tuli ke'dehhi to imang to-Yahudi njama jamanna, na sangrupara to karoba tuli napassompan. Apa ia tuu lako karoba te'da lalo nakullei ndampangan tolino.

Ibrani 2:3

Apa pole'pi kita', ia ke te'da taingaran meloi joo Kareba Kasalamatan, tantu te'da talala'pah jio mai pangsessa. Sanga la'bih melo joo Kareba Kasalamatan na ia joo atoran naparatu malaeka' tonna anu'. Puang Isa Ia to bungah mpangpeissenanni, na mangkamiki' napauan tuu lako tobungah ssa'dingngi, antaissenni kumua tongan.

Ibrani 5:9

Susimi joo nadipupenjaji Tomangpasalama' te'da caccana ba'tu kakuranganna to mben katuoan melo te'da cappa'na lako tomengkaturu' lako Ia.

Ibrani 6:12

Cia'kan ke memmakuttu kamu'. Apa madoangkan kumua miala palelean matai to tomatappa' lako Puang Allataala, anna sabbara' ntajanni sanaampa'na to apa nabasseanni Puang Allataala.

Ibrani 6:17

Madoangngi Puang Allataala mpamanassai lako to ntarimai to apa nabasseanni kumua te'da natanglampatarruhhi to akkatta-Na. Iamo joo namassapah tonna pau basse-Na.

Ibrani 8:6

Apa la'bih melo to jaman dipabarakkananni Puang Isa na ia to jamanna imang bati'na Lewi. Puang Isamo mpasijajianni to basse-Na Puang Allataala sola tolino. Na ia joo basse la'bih melo na ia to basse napasijajian Nabi Musa. La'bih melo joo basse baru, sanga la'bih melo to apa dipau lan.

Ibrani 9:28

Susi toomi Almaseh pissenri mpassompan kalena la ndampangan buda tau. Na ia ke ratu pole'mi, te'damo naratu la mpangben sunga'-Na nasaba' dosana tau, apa la mbenmira kasalamatan lako tontajan karatuan-Na pole'.

Yakub 2:5

Ee, tomala'bihku' to kupakamoja'! Ingaranni tee, ia to tokaasi-asi lan tee lino, napilei Puang Allataala la menjaji tosugih lan kamatapparan. Napilei too la menjaji umma'-Na lan kaparentan-Na. Susimi joo mangka nabasse lako ia to tompakamoja'i.

1 Petrus 1:12

Napauanni Puang Allataala tuu lako nabi, kumua ia joo apa napau jolo te'da nadipatuju lako kalena apa lakora kamu'. Na ia joo apa napau jolo tonna anu' mangka misa'ding tee too, sanga den tau mpangpeissenanni lako kamu' mpake kuasan-Na Roh Allataala to pole jao mai suruga. Na moi malaeka' madoang too mpelalanni joo apa dipau jolo.

1 Petrus 1:4

Parannuki' la ntarima barakka' tangmasolang, te'da naburuk, na tangmaluse, to napasadianmiki' Puang Allataala jao suruga.

1 Petrus 3:7

Ee, kamu' to muane kebainemo! Susi todami, la sikalino kamu' balimmi. La mitulungngi, sanga miissen kumua ia to kamawatanganna te'da napada kamawatanganna muane. La mitaratte'i, sanga miissen kumua pada la ntarima kamu' barakka' to naben kamu' Puang Allataala, iamo to katuoan melo te'da cappa'na. La mipugauk susi tee, na te'da apa hhalangngii to passambajangmi lako Puang Allataala.

Yudas 1:14

Den kadanna Nabi Henokh tonna anu' mpau joloi tee mai guru tangtongan. Ia joo Nabi Henokh to mangpempitu jio mai Nabi Adam. Nakua kumua, “Kitai! La ratui Puang sola massa'bu-sa'bu malaeka'-Na.

Pengkitanna Yahya 5:6

Ngkita pole' omo' cadokkoan mala'bih naguririkki a'pa' olok-olok. Ia joo duang pulo a'pa' tomatua-tua ngguririkkii joo cadokkoan sola a'pa' olok-olok. Na ia to Anak Bembala' ke'deh jio olona joo cadokkoan. Ia joo Anak Bembala' susi to mangka digere'. Den pitu tandukkuna na pitu matanna, iamo joo to pitu roh-Na Puang Allataala, to mangka disua male llingkai lino.