Filipi 1:6 - Alkitab Duri

⁶ Kukatappa'i kumua, ia to pangjaman melo to napamula Puang Allataala ssullei sipa'mi, la napemangkaii sanggenna ratu pole' Puang Isa Almaseh.

Filipi 1:6 ပူးပေါင်းရင်းမြစ်များ

Yahya 6:29

Mebalii Puang Isa nakua, “Iamo tee to nakadoangngi Puang Allataala jio mai kalemi: la matappa' kamu' lako kale-Ku' kumua Aku'mo to nasua Puang Allataala.”

Jamanna Rasulu' 11:18

Mangkanna nasa'ding joo, napahangmi. Mpakala'bihmira Puang Allataala nakua, “Ianna susi joo, moi pale' bangsa tangngia to-Yahudi natarima toomi Puang Allataala, ke mengkatoba'i jio mai dosana, anna benni katuoan melo te'da cappa'na.”

Jamanna Rasulu' 16:14

Den mesa' pangdangkang kaen ungu jio, disanga Lidia to-Tiatira, to ssompamo Puang Allataala. Ia tonna sa'dingngi to pangngajahna Paulus, napakedoi Puang to penawanna natarimai,

1 Korintus 1:8

Puangta' Puang Isa Almaseh Ia la mpamawatang kamu' mida'tan matappa' ratu lako cappa'na anna moi ci'di' te'da kasalanmi, ke ratu pole'mi.

2 Korintus 1:15

Na iamo joo rannungki', naden kuakkattaii la ssitammuan kamu' jolo' amminnampa' barakka' manglokkon penduan.

2 Korintus 2:3

Iamo patunna to sura' mangka kuukiran kamu'. Te'da kulassitammuan kamu' ammilasussaira'. Nasibalikanna kamu'ra to la mpamariona', sanga kuissen kumua ia ke mariona', la mario ngasan toda kamu'.

2 Korintus 7:16

Gaja sannangna', nasaba' wa'ding kamu' dikatappa'i tongan.

2 Korintus 9:4

Danggi' na ia ke malena' mati', naden to-Makedonia mpeundiina', na ia ke te'dapi misadia, liwa' kupusiri', nasaba' mangkamo' mpauanni kumua gaja kikatappa'i kamu'. Na moi kamu' la mipusiri' too!

Galatia 5:10

Moi nasusi joo, kukatappa'i kumua te'dara milatipepa' lako joo pangngajaran tangtongan, nasaba' memmesa' penawamo kamu' Puang Isa. Na ia to tompalao sala kamu' la nacallai Puang Allataala, moi na tomatumba.

Efesus 4:12

Nabenni joo barakka' anna kullei umma'-Na mpangjamanni na pamawatang tooi kamatapparanna to umma'-Na to dipasangrapang batang kale-Na Almaseh.

Filipi 1:10

Ia ke susimi joo, miissenmi mpilei apa to melona, na te'da caccami ke ratu pole'mi Almaseh,

Filipi 1:29

Ia to barakka' mangka diben kamu', tangngia manda to matappa' lako Almaseh, apa ia toomo to dikua la maparri' kamu' sanga Almaseh.

Filipi 2:12

Ee, tomala'bihku' sola ngasan to kupakamoja'! Susi tongkutorropa lan tangnga-tangngami, la'bih-la'bih tee too moi mambelana' jio mai kalemi, la tatta' kamu' nturu'i to pangngajahku'. Mangkamo kamu' napasalama' Puang Allataala. Jaji, la mipengkulle-kullei tuo susi sipato'na umma'-Na Puang Allataala, iamo to ssompa Puang mimalaja' mpugauk kasalan.

Filipi 2:13

Puang Allataala mpupembalik penawammi ammimadoang, mikulle tooi mpugaukki to pakkaeloran-Na.

Filipi 2:16

ke mipangpeissenanni to Kareba Kasalamatan. Na ia ke susii joo, wa'dingna' mpumasannangngi ke ratu pole'mi Almaseh, sanga te'da nalao sala to jamanku'.

Kolose 2:12

Nasaba' ia tommidijio', susi kamu' tomate, midilamun sola Almaseh ammidipatuo pole' too sola Almaseh, nasaba' matappa' kamu' lako kuasan-Na Puang Allataala to mangka mpatuo pole' Almaseh jio mai kamatean.

1 Tesalonika 1:3

Mangkurru sumanga'kan sanga kiingaran tarruhhi jio olo-Na Ambe'ta' Puang Allataala to panggaukan melo mipugauk nasaba' kamatapparanmi. Kiingaran too to pangtulungmi lako padammi rupa tau nasaba' pangpakamoja'mi. Kiingaran kumua da'tan kamu' mawatang nnoloi mangrupa-rupa pecoba nasaba' mangrannuan kamu' lako Puangta' Puang Isa Almaseh.

2 Tesalonika 1:11

Napileimo kamu' Puangta' Puang Allataala menjaji umma'-Na. Iamo joo kituli mpassambajangan kamu' dennaa upa' napupenjaji kamu' tosipato' disanga umma'-Na. Kipeta'da too kumua na kuasan-Na ammisamadoang-doangna mpugauk sininna panggaukan melo ammikullei mmangkaii sininna jamanmi to mijama nasaba' kamatapparanmi.

2 Tesalonika 3:4

Napamanassanmokan Puang kumua sininna pangngajah to mangka kipauan kamu' mipugauk tonganmo, na la mipugauk tarruh bang.

Filemon 1:21

Kukanassai kumua la mupesa'dingngi unana', na kuissen too kumua la'bih melo to mupugaukkuna na ia to kupeta'danna. Iamo joo kuuki'i tee sura' lako iko.

Ibrani 10:35

Danggi' mika'tu rannu, sanga ia ammitatta' matappa', la buda to poleanna.

Ibrani 12:2

La tapugaukmi tapatuju lakoi Puang Isa to penawanta', to mpadenni to kamatapparanta', napupenjajiki' masaranian. Gaja mesirisan joo kamatean jao kaju sitamben. Apa moi nasusi joo te'da nasipattekanni, sanga ia manda naingaran to kamasannangan la naperasai undinna. Na ia tee too cumadokkomi jio kananna cadokkoan mala'bih-Na Puang Allataala namangparenta sola.

1 Petrus 5:10

Ia tommimangkamo maparri' cingga'tu', la naben kamu' Puang Allataala to sininna apa miparallui, la napamawatang too kamu', ammisamatappa'-tappa'na, sanga liwa' pangpakamoja'-Na Puang Allataala, to mangkamo mpilei kamu' la mperasai to kamala'biran-Na to te'da cappa'na. Susimi joo sanga da'tan kamu' memmesa' penawa sola Almaseh.

2 Petrus 3:10

Apa manassamo kumua la ratu pole'i to Puang Isa. Na ia to karatuan-Na te'da nadikalannai susi karatuanna taboko. Ia joo wattu ia to langi' lanynya'i na nnumbuk, na ia to sininna apa jao langi' la cappu' disumpun. Na ia to lino na sininna apa lan la lanynya' ngasanni.