Filemon 1:7 - Alkitab Duri

⁷ Ee, sile'toku'! Ia tongkusa'dingngi kumua mupakamoja'i to sininna umma'-Na Puang Allataala, masannangna' na masumanga' toona', nasaba' mupaendek sumanga'na umma'-Na Puang Allataala.

Filemon 1:7 ပူးပေါင်းရင်းမြစ်များ

1 Korintus 16:18

Mangkamo' napamario, susi too kamu' mangka napamasannang. Iamo joo sipato' dikasiri' to tosusi joo.

2 Korintus 7:13

Iamo joo kimatana. Te'da kimatana manda, apa mario tookan, nasaba' ngkitakan kamarioanna Titus, to mipemasannangngimo sola ngasan.

2 Korintus 7:4

Liwa'na' ngkatappa'i kamu', mipamariona'. Moi kipembuda mperasai kamasussan, liwa'na' matana nasaba' kamu', na mario tonganna'.

1 Tesalonika 1:3

Mangkurru sumanga'kan sanga kiingaran tarruhhi jio olo-Na Ambe'ta' Puang Allataala to panggaukan melo mipugauk nasaba' kamatapparanmi. Kiingaran too to pangtulungmi lako padammi rupa tau nasaba' pangpakamoja'mi. Kiingaran kumua da'tan kamu' mawatang nnoloi mangrupa-rupa pecoba nasaba' mangrannuan kamu' lako Puangta' Puang Isa Almaseh.

1 Tesalonika 2:13

Denpa mesa' napusaba', angkituli mangkurru sumanga' lako Puang Allataala. Iamo to kumua, ia tongkipangpeissenanni lako kamu' to kareba jio mai Puang Allataala, mipesa'dingngii mitarimai joo kareba, tangngia kumua pole jio mai tolino, apa mikatappa'i kumua pole jio mai Puang Allataala. Tongan kumua kadan-Na Puang Allataala joo kareba, to da'tan mangjama lan penawammi to tomatappa' lako Puang Isa.

1 Tesalonika 2:19

Madoangkan ssikitan kamu' nasaba' sitonganna kamu'ra kipuparannu sola kipumario. Ia ke ratumi Puangta' Puang Isa keanu' antamangngolo, masannangkan ngkita assele' jamanki'.

1 Tesalonika 3:9

Mangkurru sumanga' tongankan lako Puangta' Puang Allataala, nasaba' kamarioan to kiperasai jio olo-Na, sanga kamu'.

2 Timotius 1:16

Dennaa upa' napakitanni Puang kameloan penawan-Na to repokkona Onesiforus, nasaba' ia to Onesiforus tatta'i mpamariona' na te'da nakasirisanna' moi kuditarungku.

Filemon 1:20

Ee, sile'toku'! Kupeta'dai dennaa upa' naden bua'na pole jio mai iko, situru' pakkaeloran-Na Puang Allataala. Pamasannangna', nasaba' pada matappa'ki' lako Almaseh.

2 Yahya 1:4

Ee, indo'! Gaja riona' tongkusa'dingngi kumua den anakkana indo' da'tan nturu' pangngajaran-Na Puang Allataala, susi to mangkamo naparentanki' Puang.