Filemon 1:1 - Alkitab Duri

^1-2 Ee, sangpangjamanki' Filemon, tokipakamoja' sola jamaa to sirempun iti' bolamu na padanta' tomatappa' Apfia na sangpangjamanta' Arkhipus! Aku' Paulus, to ditarungku, nasaba' nturu'na' Puang Isa Almaseh, ngkiringan kamu' tee sura' sola padanta' tomatappa' Timotius.

Filemon 1:1 ပူးပေါင်းရင်းမြစ်များ

Jamanna Rasulu' 16:1

Mpatarruhmi kalingkanna Paulus lako kota Derbe na lako kota Listra. Den tomatappa' lako Puang Isa jio disanga Timotius. Ia to indona to-Yahudi na tomatappa'mo lako Puang Isa, na ia to ambe'na to-Yunani.

1 Korintus 3:9

Ia tee kami', tompangjaman Puang Allataala. Na ia to kamu' butung kamu' bara'bah-Na iarika bola-Na Puang Allataala.

2 Korintus 1:1

Ee, tomala'bihku' sola ngasan, tomatappa' lako Puang Allataala jio kota Korintus sola sininna to tomatappa' lan lili'na propinsi Akhaya! Aku' Paulus sola padanta' tomatappa' Timotius ngkiringan kamu' tee sura'. Napileina' Puang Allataala situru' pakkaeloran-Na menjaji rasulu'-Na Puang Isa Almaseh. Dennaa upa' nabarakka'i kamu' Ambe'ta' Puang Allataala sola Puang Isa Almaseh naben kamu' kamasannangan.

Galatia 3:26

Napuanak ngasanmo kamu' Puang Allataala, sanga matappa'mo kamu' lako Puang Isa Almaseh.

Efesus 3:1

Ia tee aku' Paulus ditarungkuna', nasaba' mpangpeissenanna' Puang Isa Almaseh lako kamu' bangsa tangngia to-Yahudi.

Efesus 4:1

Ia tee aku', to ditarungku nasaba' mpangjamanna' Puang, meta'dana' lako kamu' kumua ia to sipa'mi la sipato' susi sipa'na umma'-Na Puang Allataala, nasaba' mangkamo kamu' dipilei menjaji umma'-Na.

Efesus 6:20

Naangka'na' Puang Allataala menjaji pesuan-Na. Na ditarungkumo' tee too, nasaba' kupangpeissenanni to Kareba Kasalamatan. Passambajanganna' angkubarani mpangpeissenanni, susi to sipato'na la kupau.

Filipi 1:1

Ee, tomala'bihku' tonnatoro' jamaa sola tontulung jamaa na sininna umma'-Na Puang Isa Almaseh jio kota Filipi! Aku' Paulus na Timotius taun-Nakan Puang Isa Almaseh ngkiringan kamu' tee sura'.

Filipi 2:25

Ia to sangpangjamanku' padanta' tomatappa' Epafroditus, to mangka misua ratu inde' ntulungna', kusanga parallu too kusua pole mati',

Filipi 4:3

Ee, sangpangjamanku' sola ngasan! Kupeta'dapa lako kalemi, tulungngi tuu baine sola dua, to mangkamo kusibawan mpengkulle-kullei mpangpeissenan Kareba Kasalamatan sola Klemens, na budapa solaku' laenna, to diuki' sanganna lan Sura' Katuoan.

Kolose 1:1

Ee, tomala'bihku' sola ngasan, tomatappa' na tonturu' Almaseh jio kota Kolose! Aku' Paulus sola padanta' tomatappa' Timotius ngkiringan kamu' tee sura'. Napileina' Puang Allataala situru' pakkaeloran-Na menjaji rasulu'-Na Puang Isa Almaseh. Dennaa upa' nabarakka'i kamu' Ambe'ta' Puang Allataala, naben kamu' kamasannangan

Kolose 4:11

Sallangna mati' Yesua, to disanga toda Yustus. Ia mandara tee tau sola tallu jio mai to-Yahudi, to matappa'mo lako Puang, kusolan mpangjaman Puang Allataala. Na iamora mpamasumanga'na'.

1 Tesalonika 3:2

angkisuai to padanta' tomatappa' Timotius male mati'. Ia to Timotius sangpangjamanki' nasua Puang Allataala mpangpeissenan karebanna Almaseh. Kisuai male mati' la mpamasumanga' kamu' ammisamatappa'-tappa'na.

2 Tesalonika 1:1

Ee, tomala'bihku', tomatappa' lako Ambe'ta' Puang Allataala sola Puang Isa Almaseh! Aku' Paulus nnuki'i tee sura' sola Silas na Timotius lako kamu' jamaa jio kota Tesalonika.

2 Timotius 1:8

Iamo joo la baranimoko mpangpeissenanni to Puangta' Puang Isa lako tau laen, na danggi' too mukasirisanna', to ditarungku nasaba' nturu'na' Puang Isa. Apa sibalikanna, la maparri'ko susi aku', nasaba' mpangpeissenanko Kareba Kasalamatan, situru' kapakullean to nabenko Puang Allataala.

Filemon 1:23

Sallangna Epafras, to kusolan inde' pangtarungkuan, nasaba' nturu' todai Puang Isa Almaseh.

Filemon 1:24

Sallangna toda sangpangjamanku' Markus, Aristarkhus, Demas sola Lukas.

Filemon 1:9

Apa kupeta'da bangri lako iko, nasaba' ia to pangpakamoja'mu lako umma'-Na Puang Allataala. Ia tee aku' mesa'na' tomatua, na ia tee too ditarungkuna', sanga rasulu'-Nana' Puang Isa Almaseh.