Ester 9:3 - Alkitab Duri

³ Sibalikanna sininna to tomajao pangka'na lan propinsi, susinna gubernur, bupati sola to kapala laen ntulung to-Yahudi, nasaba' malaja'i lako Mordekhai.

Ester 9:3 ပူးပေါင်းရင်းမြစ်များ

Ester 3:12

Na ia tonna tanggala' sangpulo tallu bulan mesa', natambai Haman to juru pangnguki'na raja. Nasuai Haman to tau nnuki' sura' susi to napangparentan, na ia joo sura' dipalembah tama sininna basa na diuki' pole' o tama sininna pangnguki' to dipake lan sininna karajaan. Ia joo sura' diuki' mpusanga sanganna Raja Ahasweros, nadica' mpake cincinna raja, nata'pa male to todisua mbawai lako sininna tomajao pangka'na, lako gubernur, sola lako tontoe ada' lan sininna propinsi. Ia to dipau lan joo sura' iamo to parenta kumua, ianna tanggala' sangpulo tallu bulan Adar, sininna to-Yahudi la tomatua, la tomalolle', la baine, la pea, nang la dicappu'i dipatei, na ia to ewananna la dirampa.

Ester 8:17

Moi jio simesa'-mesa' kota sola propinsi la umbo-umbo dinii mbacai joo sura' parentana raja, mario masannang to to-Yahudi namangmaroah-roah. Na buda tau jio mai bangsa laen to menjajimo to-Yahudi nturu'i to agamana sola ada'na, nasaba' malaja'i lako joo to-Yahudi.

Ester 8:5

“Ie', ia ke tapuelohhi sola tapakamoja'na' la mpasunki' sura' parenta la nta'dei joo sura'na Haman anakkana Hamedata bati'na Agag, to mpangparentanni nadimusai ngasan to to-Yahudi inde' karajaan.

Ester 8:9

Ia bang unamo joo allo, tonna tanggala' duangpulo tallu bulan tallu ba'tu bulan Siwan, natambai Mordekhai to juru pangnguki'na raja napangparentanni lako, naukisanni sura' to sininna gubernur sola kapala kaparentan sola ia ngasan to tomapangka' lan saratuh duangpulo pitu propinsi mangpamula jio mai tana India ratu lako tana Etiopia. Ia joo sura' diuki' mpake basa sola pangnguki' simesa'-mesa' propinsi. Nakiringan too to-Yahudi joo sura' mpake basa sola pangnguki' to-Yahudi.

Daniel 3:2

Natambai ngasanmi Raja Nebukadnezar to sininna wakkele'na, gubernur, bupati, menteri, tonnissenni doi', tomangra'tah kara-kara, tonnissenni atoran na ia ngasan to kapala lan kampong, anna ratu lako jio pangmaroasan kadipake'deranna joo patung bulawan.