Ester 9:2 - Alkitab Duri

² Sirempunni to to-Yahudi jio simesa'-mesa' kota lan sininna propinsi, na mesa' penawa narari ngasanni to togaja' akkattana. Sininna bangsa la umbo-umbo nanii menjaji malaja' lako to-Yahudi, aranni moi mesa' tau te'da nabarani nnewai.

Ester 9:2 ပူးပေါင်းရင်းမြစ်များ

Ester 8:11

Ia to diuki' lan joo sura' kumua, naeloran raja to to-Yahudi jio simesa'-mesa' kota namangmesa mpangngewai kalena. Ia ke den ewana jio mai bangsa sola propinsi la umbo-umbo nanii rrarii, wa'dingngi mangngewa, nabunoi sininna to torrarii moi bainena na anakkana. Wa'ding namusai to ewana narampai to ewananna.

Ester 8:17

Moi jio simesa'-mesa' kota sola propinsi la umbo-umbo dinii mbacai joo sura' parentana raja, mario masannang to to-Yahudi namangmaroah-roah. Na buda tau jio mai bangsa laen to menjajimo to-Yahudi nturu'i to agamana sola ada'na, nasaba' malaja'i lako joo to-Yahudi.

Yosua 11:20

Napupembattukki PUANG Allataala penawanna to ewana to-Israel nasirari to-Israel, dikua na dipatei ngasan, te'da lalo dikamasei, napura lanynya', susi to Napangparentan PUANG Allataala lako Nabi Musa.

Yosua 2:9

Namangkada Rahab nakua, “Kuissen kumua Nabenmo kamu' PUANG Allataala tee kampongki'. Na sininna tau llan tee kampong malaja' ngasan lako kamu' to-Israel.