Ester 8:9 - Alkitab Duri

⁹ Ia bang unamo joo allo, tonna tanggala' duangpulo tallu bulan tallu ba'tu bulan Siwan, natambai Mordekhai to juru pangnguki'na raja napangparentanni lako, naukisanni sura' to sininna gubernur sola kapala kaparentan sola ia ngasan to tomapangka' lan saratuh duangpulo pitu propinsi mangpamula jio mai tana India ratu lako tana Etiopia. Ia joo sura' diuki' mpake basa sola pangnguki' simesa'-mesa' propinsi. Nakiringan too to-Yahudi joo sura' mpake basa sola pangnguki' to-Yahudi.

Ester 8:9 ပူးပေါင်းရင်းမြစ်များ

Ester 1:1

Jio Persia tonna anu' den raja disanga Ahasweros to torro jio benteng Susan, iamo kota lompo Persia. Ia joo Raja Ahasweros mparenta saratuh duangpulo pitu propinsi, mangpamula jio mai tana India ratu lako tana Etiopia.

Ester 1:22

Ngkiringngi sura' parenta raja lako sininna propinsi karajaan, mpake basa sola pangnguki' simesa'-mesa' propinsi. Ia joo pepasan dipangpeissenan lan simesa'-mesa' basa kumua, “Nang la ambe' ia to menjaji kapala lan bola na basana too to dipake.”

Ester 10:1

Te'da na lako manda tobuda to torro jio randan tasik, nanii Raja Ahasweros mparuku tau mangjama, apa moi lako tau jio sininna kampong.

Daniel 4:1

Iamo tee sura'na Raja Nebukadnezar to dikiring lako sininna bangsa, rapu tau na basa lan lino. Nauki' raja susi tee, “Salama' lako kamu', dennaa upa' miampa' buda barakka'.

Daniel 6:1

Ia tonna mangkamo dipatei Raja Belsyazar, mangpamulami mangparenta Darius to-Media. Annanmi pulona dua taunna umuru'na joo wattu.

Daniel 6:25

Napangparentanni raja nadijokko to tau mangka mpangpeasan Daniel, moi anakkana sola bainena nadica'bean ngasan tama lo'ko' singa. Te'dapa narapa' do' litak lan lo'ko' singa to tau, natoangmi singa, napasigaropoanni to bukunna.