Ester 8:8 - Alkitab Duri

⁸ Uki' pole' kamu' sura' mpusanga sangangku' mpaui to misanga napumelo to-Yahudi, mimane' nca'i ca' karajaan. Ia to sura' mangka diuki' nadica' mpusanga sangangku', te'damo nawa'ding dita'dei.”

Ester 8:8 ပူးပေါင်းရင်းမြစ်များ

Ester 1:19

Iamo joo, ia ke wa'dingngi, meta'dakan antaala kara'tasan, to kumua te'damo nawa'ding mangngolo Datu Wasti lako Kita'. Ia joo kara'tasan, nang la dipupenjajimi atoran jio Persia sola Media, nate'damo nawa'ding la dita'dei. Na mangkai joo, pileimi to baine laen la menjaji baine-Ta' to la'bih melo ia na Datu Wasti.

Ester 3:12

Na ia tonna tanggala' sangpulo tallu bulan mesa', natambai Haman to juru pangnguki'na raja. Nasuai Haman to tau nnuki' sura' susi to napangparentan, na ia joo sura' dipalembah tama sininna basa na diuki' pole' o tama sininna pangnguki' to dipake lan sininna karajaan. Ia joo sura' diuki' mpusanga sanganna Raja Ahasweros, nadica' mpake cincinna raja, nata'pa male to todisua mbawai lako sininna tomajao pangka'na, lako gubernur, sola lako tontoe ada' lan sininna propinsi. Ia to dipau lan joo sura' iamo to parenta kumua, ianna tanggala' sangpulo tallu bulan Adar, sininna to-Yahudi la tomatua, la tomalolle', la baine, la pea, nang la dicappu'i dipatei, na ia to ewananna la dirampa.

Ester 8:10

Ia joo sura' diuki' mpusanga sanganna Raja Ahasweros, na dica' mpake ca' karajaan. Sitarruhna, nasuai Mordekhai to todisua male mbawai joo sura' mangka dipalembah lako sininna propinsi lan karajaan, ssakei nyarangna raja to kaminang matika' kinjara'.

Ester 8:5

“Ie', ia ke tapuelohhi sola tapakamoja'na' la mpasunki' sura' parenta la nta'dei joo sura'na Haman anakkana Hamedata bati'na Agag, to mpangparentanni nadimusai ngasan to to-Yahudi inde' karajaan.

Daniel 6:8

Kami' to tomangjamata', la ponggawa, wakkele' raja, gubernur, iarika tomangpakainga'ta', mesa' kadamokan kikua kenna tapasun sura' parenta to la naturu' ngasan tau. La tapangparentan kumua moi mesa' tau te'da nawa'ding lan tallung pulo allona massambajang lako dewata ba'tu lako tau saliwanna lako manda kita' puang, na ia to tau te'da namangpesa'ding la dica'bean tama lo'ko' singa.

2 Timotius 2:19

Apa ia to pangngajaran tongan jio mai Puang Allataala susi pondasi mawatang to te'da nalatiroge. Den diuki' jio ntuu joo pondasi nakua, “Naissen Puang to taun-Na” sola “Te'damo nawa'ding mpugauk kagajatan to tomangngaku kumua, ‘Taunnana' Puang Allataala.’ ”