Ester 8:10 - Alkitab Duri

¹⁰ Ia joo sura' diuki' mpusanga sanganna Raja Ahasweros, na dica' mpake ca' karajaan. Sitarruhna, nasuai Mordekhai to todisua male mbawai joo sura' mangka dipalembah lako sininna propinsi lan karajaan, ssakei nyarangna raja to kaminang matika' kinjara'.

Ester 8:10 ပူးပေါင်းရင်းမြစ်များ

Ester 8:8

Uki' pole' kamu' sura' mpusanga sangangku' mpaui to misanga napumelo to-Yahudi, mimane' nca'i ca' karajaan. Ia to sura' mangka diuki' nadica' mpusanga sangangku', te'damo nawa'ding dita'dei.”

Daniel 4:1

Iamo tee sura'na Raja Nebukadnezar to dikiring lako sininna bangsa, rapu tau na basa lan lino. Nauki' raja susi tee, “Salama' lako kamu', dennaa upa' miampa' buda barakka'.

Daniel 6:8

Kami' to tomangjamata', la ponggawa, wakkele' raja, gubernur, iarika tomangpakainga'ta', mesa' kadamokan kikua kenna tapasun sura' parenta to la naturu' ngasan tau. La tapangparentan kumua moi mesa' tau te'da nawa'ding lan tallung pulo allona massambajang lako dewata ba'tu lako tau saliwanna lako manda kita' puang, na ia to tau te'da namangpesa'ding la dica'bean tama lo'ko' singa.