Ester 8:1 - Alkitab Duri

¹ Allo ia bang unapa joo napangbenganni raja lako Datu Ester to sininna ewananna Haman, ewa la'da'na to-Yahudi. Napaui Ester lako raja kumua anakkurenai Mordekhai. Mangpamula joo wattu, dieloran to Mordekhai mangngolo lako raja, moi nate'da naditambai jolo.

Ester 8:1 ပူးပေါင်းရင်းမြစ်များ

Ester 1:14

Ia to tomangpakainga'na tuli natambai, iamo to: Karsena, Setar, Admata, Tarsis, Meres, Marsena na Memukan. Puanggawa ngasan jio Persia sola Media joo tau pitu, to kaminang majao pangka'na lan karajaan.

Ester 2:15

Nadete'mi wattunna Ester la mangngolo lako raja. Ester anakkana Abihail ambe'urena Mordekhai. Naala anakkiq Mordekhai to Ester, najampangngi susi anak jajianna. Masannang ngasanni to tau ngkita Ester. Ia tonna malemo mangngolo lako raja ia mandara napake to napangpatujuanni Hagai, kapala istana baine.

Ester 2:7

Den sampunna Mordekhai, mesa' ana'dara gaja lolo na melo pangkaleanna, disanga Ester, nadisanga too Hadasa lan basa Ibrani. Matemo to tomatuanna, naala anakkiq Mordekhai, najampangngi susi anak jajianna.

Ester 7:6

Mebalii Ester nakua, “Haman tomasa'ga' iamo nnewakan na la sessakan!” Liwa'i laja' Haman ngkitai raja sola datu.

Ester 8:7

Mangkadai Raja Ahasweros lako Datu Ester sola Mordekhai nakua, “Na mangkamo kutoke' to Haman nasaba' madoangngi la mmusai to-Yahudi, na ia to ewananna mangkamo kupangbengan lako Ester.

Kada Bulawan 13:22

Ia to tomelo penawanna mben manah bati'na, apa ia to tomadosa, undinna la naputawa tomakassing to kasugiranna.

Kada Bulawan 28:8

Ia to tompusugih assele' bunga doi'na na mesaro la'da', tongkamaseira tokaasi-asi la mputawai to kasugiranna.

Lukas 12:20

Apa nakua Puang Allataala mangkada lako joo tosugih, ‘Ee, tobango'! Ia bang unamo tee bongi naladika'tu to sunga'mu. Na indamora la mpuapai to ewanan murempun?’