Ester 7:10 - Alkitab Duri

¹⁰ Susimi joo Haman ditoke' jao ariri tokesan to napasadia la nanii ntoke' Mordekhai. Mangkamira joo, namane' ra'da birihna raja.

Ester 7:10 ပူးပေါင်းရင်းမြစ်များ

Ester 2:1

Ba'tu pirang-pirang taun mangkanna joo, moi nate'damo namagalli raja, tatta' unapa napikkiri' to apa napugauk Datu Wasti lako kalena.

Ester 5:14

Ia tonna sa'dingngi bainena Haman sola to soba'na, mangkada nakua, “Massuako nadipaden to ariri tokesan duangpulo dua metere' tandena. Na masawanna makale' meta'dako lako raja, naditoke' Mordekhai jao ntuu joo ariri tokesan. Ia ke susimi joo masannangmi penawammu male lako joo kasidurukan.” Nasitujui Haman, nata'pa massua ngkabua' ariri tokesan.

Ester 7:7

Gaja birihhi raja, nata'pa messun male lako rante istana. Naissen Haman kumua nnalami kara'tasan raja la ssessai, iamo joo namari'pih bang lan istana sola Datu Ester la meta'da tulungngi nadipasalama'.

Ester 7:8

Ka'tu rannumi Haman, napembambangan kalena lako cadokkoanna Datu Ester la meta'da dampang, apa sirumpai joo wattu, pole todami raja jio mai rante istana. Ia tonna kitai to Haman susi joo, manggarra'i nakua, “Barani unapoko manggauk sala lako baineku' ntee jio oloku' lan istanaku'?” Mangkanna mangkada raja susi joo, ta'pa ratumi to todisua mbukku' ulunna Haman.

Ester 8:7

Mangkadai Raja Ahasweros lako Datu Ester sola Mordekhai nakua, “Na mangkamo kutoke' to Haman nasaba' madoangngi la mmusai to-Yahudi, na ia to ewananna mangkamo kupangbengan lako Ester.

Ester 9:14

Mangkai joo too napangparentanni raja nadipugauk to peta'danna Datu Ester, dipasun to sura' parenta lako kota Susan, na ditoke' to sangpulo batang rabukkuna anakkana Haman.

Ester 9:25

Apa mangngoloi Ester lako raja napangparentanni raja nadiuki' to sura' anna te'da najaji to akkatta gaja'na Haman lako to-Yahudi, kannora ia na polei aranni ditoke' jao ariri tokesan sola anakkana.

Kada Bulawan 11:27

Inda-inda to mpangngattai mangpanggaukan melo, la nakabudai tau, apa ia to tomparri-parri bang mangpanggaukan gaja', la naratui kamaparrisan.

Kada Bulawan 11:8

Ia to tomakassing dipasalama' jio mai kamasussan, nasullei togaja'.

Kada Bulawan 26:27

Inda-inda ngkalian garuang tau, kannora ia polloh do'. Inda-inda to la mpalolinni batu tau, kannora ia nalolinni.

Daniel 6:24

Gaja liwa' mario raja, napangparentanni nadipasun to Daniel lan mai lo'ko' singa. Ia tonna dipasunmo te'da lalo ia kojong jio kalena, sanga kamatapparanna lako Allataala to nasompa.

Daniel 6:25

Napangparentanni raja nadijokko to tau mangka mpangpeasan Daniel, moi anakkana sola bainena nadica'bean ngasan tama lo'ko' singa. Te'dapa narapa' do' litak lan lo'ko' singa to tau, natoangmi singa, napasigaropoanni to bukunna.