Ester 4:8 - Alkitab Duri

⁸ Napangbengan tooi Mordekhai lako Hatah to sura' dipalembah jio mai sura'na raja, to mangka dipasun jio kota Susan, dinii nnuki' parentana raja kumua, la dipatei to to-Yahudi. Nasuai to Hatah mbenni Ester joo sura' napemanassai tooi to issinna. Napeta'da tooi namangngolo Ester lako raja dennaa upa' namamase raja lako bangsa Yahudi.

Ester 4:8 ပူးပေါင်းရင်းမြစ်များ

Ester 2:20

Te'da unapa napaui Ester kumua to-Yahudii, nasaba' tangnaeloranni Mordekhai. Tattaqi mangpesa'ding Ester lako Mordekhai, susi tonna biccu' unapa.

Ester 4:9

Anna male Hatah lako Ester napauanni to pepasanna Mordekhai.

Ester 8:6

Tangkusara ngkitai to bangsaku' sola rapungku' disessa na dipatei.”

Kada Bulawan 21:1

Puang Allataala nnatoro'i to nanii lolong wai salu, susi toomi Ia nnatoro' penawanna raja.

Jamanna Rasulu' 12:20

Gaja nakagallii Raja Herodes joo to-Tirus na to-Sidon. Iamo joo namesa' kada ratu mpessikitaii. Nasedei jolo' to kapala salassa' raja disanga Blastus la mpangkadanni, namane' male sikita raja. Meta'dai la sipemeloan, sanga ia joo todokkona pole jiora mai tondokkona Raja Herodes nanii nnala kande.

1 Timotius 6:13

La nakita Puang Allataala, to mpatuo sakka' saianna, na Puang Isa Almaseh to mangka mpangben kasa'bian tongan lako Gubernur Pontius Pilatus, kumeta'da tongan lako iko, ammuturu' meloi sininna to kupauanko, mupugauk ngasanni ratu lako karatuan-Na pole' Puangta' Puang Isa Almaseh.

1 Timotius 6:17

La mupangngingaran to tosugih lan tee lino, danggi' namabangka', danggi' napattuan kalena lako kasugiranna to la cappu', apa la mangpattuan lakori Puang Allataala to la mbenki' sininna taparalluinna antapakei masannang.