Ester 4:16 - Alkitab Duri

¹⁶ “Pasirempunni to sininna to-Yahudi inde' kota Susan anna passambajanganna'. Napuasa, tallung allo tallung bongi. Moi aku' sola to ana'dara mparakaina' la puasa too. Mangkai joo too la mangngolomo' lako raja, moi nate'da nasituru' atoran karajaan. Ia ke nang la kupumatei, ake'mo kumate!”

Ester 4:16 ပူးပေါင်းရင်းမြစ်များ

Ester 4:15

Nakiringmi Ester tee kareba lako Mordekhai, nakua,

Ester 4:17

Malemi Mordekhai, napugauk ngasanni to napasan Datu Ester.

Ester 4:3

Susi too lan sininna propinsi, sikumillakan to to-Yahudi tonna dipangpeissenanmo joo parentana raja. Ia to tau puasai nambating, na buda tau mpake kaen karung namamma' jao au.

Ester 5:1

Ia tonna allo mangpentallunnamo puasanna Ester mpakemi pakean baine raja, namale lako rante lan istana, nake'deh jio salean ba'ba kasitammuanna taunna raja. Cumadokkoi raja jao cadokkoan mala'bihna tingngo lako situju Ester.

Ester 9:31

Dipattantui na ia to to-Yahudi sola bati'na la mpakala'bihhi joo allo Purim ke nadete' omi wattunna ke taun oi. Mangka napamanassa to-Yahudi ba'tu pira-pira allo mattantu to nanii puasa sola mbating mpengngingaranni tonna masussa. Na ia tee wattu la mangpamula sininna to-Yahudi mpakala'bih tooi to allo Purim. Susimi joo to mangka napangparentan Mordekhai to-Yahudi sola Datu Ester.

Daniel 2:18

Nasuai Daniel to soba'na namassambajang lako Allataala jao suruga, dennaa upa' Namamase lako sola ngasanni, Napakitanni joo tindo te'dapa nadiissen, dikua na danggi' nadipatei, moi to tomacca laen jio tana Babel.

Matius 12:40

Susi Nabi Yunus torro lan ba'tang bale tallung allo tallung bongi, susi toomi la jaji lako tee Aku', Anak Mentolino, la torrona' lan lamunan tallung allo tallung bongi.

Lukas 9:24

Nasaba' ia to tonturu' bang pakkaeloran penawanna, te'da nalannampa' katuoan melo te'da cappa'na. Apa ia to tonturu' tarruhna' moi la dibuno, iamo la nnampa' katuoan melo te'da cappa'na.

Yahya 19:22

Apa mebalii Gubernur Pilatus nakua, “Ia to mangka kuuki', te'damo nawa'ding disullei.”

Jamanna Rasulu' 10:7

Ia tonna polemo joo malaeka', natambaimi Kornelius to dua kaunanna sola mesa' surudadu pangjoa'na to mangngagama Yahudimo.

Jamanna Rasulu' 20:24

Apa moi nasusi joo, te'da kucirinnai penawangku', podo wa'dingna' mpatarruhhi to jaman nasuanna' Puang Isa la llundukkii samateku' mpangpeissenanni to Kareba Kasalamatan kumua nakamaseiki' Puang Allataala.

Jamanna Rasulu' 21:13

Apa nakua mpebalii, “Oo, danggi'mo dikka' mikillakkina', nasaba' samasse-massena penawangku'. Sitonganna macanning sininna bulu-bulungku', tangngia la dipumpung manda jio, apa dibuno toona', nasaba' Puang Isa.”

Jamanna Rasulu' 27:33

Ia tonna la mariwangmo, nasuami Paulus to tau kumande sola ngasan nakuanni, “Ee, todipusile'to! Sangpulo a'pa'mo kamu' bonginna sola ngasan tangmangngapa tangkumande.

Jamanna Rasulu' 9:9

Tallung allo masainna tangpakita, tangkumande tangngapa.

Roma 16:4

Ci'di'mora namate sola dua mpessangkaina'. Te'da na aku' manda to mangkurru sumanga' lako kalena sola dua, apa sininna too jamaa bangsa tangngia to-Yahudi inde'.

Filipi 2:30

nasaba' garapai mate tonna mpangjaman Almaseh, iamo to mpugaukki to apa la mitulunganna', na te'damo nacirinnai sunga'na.

Yosua 24:15

Ia ke cia' kamu' massompa lako PUANG Allataala, pattantu memanmi too indara to la misompa. Lakoraka dewata to nasompa tojolota' jio Mesopotamia tonna anu', ba'tu iaraka to dewata nasompa to-Amori to tanii torro kampongna too? Apa ia to aku' sola sininna tau llan bolaku', la massompa lakokan kami' PUANG Allataala.”