Ester 4:11 - Alkitab Duri

¹¹ “Masussana' la mangngolo, sanga den atoran kumua ia to simesa'-mesa' tau, la muane la baine ke te'dai natambaii raja mangngolo lan rante istana, namale bang, nang la dipatei ia. Iamo joo atoran lan istana naissen ngasan tau mangpamula jio mai tomangpakainga'na raja, iarika tau biasa lan propinsi. Mesa'ra lalan dinii la'pah jio mai joo atoran, iamo ke mpupangjillokki tekken bulawanna raja lako joo tau mangngolo. Apa denmo sangbulan tee, te'da natambaina' raja.”

Ester 4:11 ပူးပေါင်းရင်းမြစ်များ

Ester 1:19

Iamo joo, ia ke wa'dingngi, meta'dakan antaala kara'tasan, to kumua te'damo nawa'ding mangngolo Datu Wasti lako Kita'. Ia joo kara'tasan, nang la dipupenjajimi atoran jio Persia sola Media, nate'damo nawa'ding la dita'dei. Na mangkai joo, pileimi to baine laen la menjaji baine-Ta' to la'bih melo ia na Datu Wasti.

Ester 2:14

Na ia ke bongimi disolanni tama ngenanna raja lan istana, namasawanna disolan omi lako ngenan laen, naurusu'i Saagas to dipattantumo nnurusu' baine buninna raja. Ia joo baine buninna raja, te'damo na la mangngolo pole' lako raja, saliwanna ke nakadoangngi unapi raja, natambai pole'pi napaui to sanganna.

Ester 4:10

Apa nasua pole'i Ester to Hatah pole lako Mordekhai napasanni susi tee:

Ester 4:12

Naparatumi Hatah lako Mordekhai joo pepasanna Ester.

Ester 6:4

Na mekutana omi raja nakua, “Indara joo tau jio rante istana?” Sirumpai mentama rante istana Haman la meta'da lako raja na ditoke' Mordekhai jao ariri tokesan to mangka nagaraga.

Ester 8:4

Napupangjillokki raja to tekken bulawanna lako Ester, anna ke'deh Ester mangngolo nakua,

Daniel 2:9

la disessa ngasan kamu' sangrupa pangsessa ke te'dai miissenni mpauanna' joo tindo. Mesa' kada kamu' nnuraga tarruhna' sola mpaningoanna', parannu kamu' kumua la kusullei to kara'tasanku'. Pauanmo' mai joo tindoku', kuissenni kumua macca una kamu' mbattuanannii.”

1 Petrus 3:7

Ee, kamu' to muane kebainemo! Susi todami, la sikalino kamu' balimmi. La mitulungngi, sanga miissen kumua ia to kamawatanganna te'da napada kamawatanganna muane. La mitaratte'i, sanga miissen kumua pada la ntarima kamu' barakka' to naben kamu' Puang Allataala, iamo to katuoan melo te'da cappa'na. La mipugauk susi tee, na te'da apa hhalangngii to passambajangmi lako Puang Allataala.