Ester 4:1 - Alkitab Duri

¹ Ia tonna sa'dingmi Mordekhai sininna to apa mangka jaji, nca'ceanni pakeanna nasulleii pakean karung, tandana kumua gaja sussai penawanna. Mpessamboranni au de' ulunna nalumingka lan kota, napeandongngii kumillak saba' gaja pa'dik penawanna.

Ester 4:1 ပူးပေါင်းရင်းမြစ်များ

Ester 4:2

Kendenni jio olona babangan istana, nasaba' te'da nadieloran to tau mpake pakean karung mentama.

Ester 4:3

Susi too lan sininna propinsi, sikumillakan to to-Yahudi tonna dipangpeissenanmo joo parentana raja. Ia to tau puasai nambating, na buda tau mpake kaen karung namamma' jao au.

Daniel 9:3

Iamo joo kumentingngara massambajang meta'da lako Puang Allataala, kupuasa too sola mpake kaen karung, kucumadokko jao au, nasaba' kamasseanna penawangku'.

Matius 11:21

Nakua Puang Isa, “Macilaka kamu' to-Khorazim sola to-Betsaida! Buda tanda mejangngaran to mangka kupugauk jio kotami, apa te'dapa mimengkatoba'. Ia kenna la dipugauk joo tanda mejangngaran jio kota Tirus sola kota Sidon, masaimo mengkatoba' tuu lako tau jio, moi na bangsa tangngia to-Yahudi. La mangpakean kamasussan, napessamboran too au de' ulunna, sanga mpenassannii dosana.

Jamanna Rasulu' 14:14

Nca'ce-ca'cei pakeanna Barnabas sola Paulus tonna issenni to apa la napugauk tobuda, nakinjara' tama tangnga-tangngana nakuanni,

Yosua 7:6

Naca'ceanmi Yosua sola tomatua-tua to-Israel to baju lando napake, nasuju' do' litak jio olo Patti Basse-Na PUANG Allataala, ratu lako karuen. Napade'ii au to ulunna, tandana kumua massei namasussa penawanna.

Pengkitanna Yahya 11:3

Ia joo wattu la ssuana' dua sa'bing-Ku' to mangpakean kamasussan mpangpeissenan pepasan-Ku' sangsa'bu dua ratuh annan pulona allona ba'tu patang pulo dua bulanna.”