Ester 3:7 - Alkitab Duri

⁷ Ia tonna sangpulo duamo taunna Raja Ahasweros mangparenta, tonna bulan mesa', iamo to bulan Nisan, massuami Haman mangloterei jio olona (lan basa Persia mangloterei susi joo disanga purim), la nanii nnissenni to allo sola bulan melo la mpugaukki joo akkatta gaja'na. Anna pattantui to tanggala' sangpulo tallu bulan sangpulo dua1, iamo to bulan Adar.

Ester 3:7 ပူးပေါင်းရင်းမြစ်များ

Ester 1:3

Ia tonna tallungtaunmo mangparenta, Raja Ahasweros mpadenmi pangmaroasan la'da' lako sininna pangjamana sola tomajao pangka'na. Ratumi to pangbarani jio mai Persia na Media jio pangmaroasan, susi too to gubernur sola tomajao pangka'na lan propinsi.

Ester 2:16

Susimi joo Ester disolan male mangngolo lako Raja Ahasweros lan istana raja, tonna bulan mangpessangpulo, iamo to bulan Tebet, tonna pitung taunmo raja mangparenta.

Ester 9:1

Katampakanna, nadete'mi to tanggala' sangpulo tallu bulan sangpulo dua disanga bulan Adar, iamo to allo dipattantu la dinii mpugaukki to parentana raja lako bangsa Yahudi. Iamo joo allo natajanmo ewana bangsa Yahudi, la nanii ngkuasaii joo bangsa. Apa sibalikanna to-Yahudira ntaloii to ewana.

Ester 9:21

Ia to diuki' lan joo sura', iamo to mpakala'bihhi to allo tanggala' sangpulo a'pa' sola tanggala' sangpulo lima bulan Adar ke taun oi.

Ester 9:5

Susimi joo to to-Yahudi ntaloi ewana, nararii samosona napatei mpake pa'dang.

Kada Bulawan 16:33

Ia to madoang nnissen assele'na nalotereii, apa Puang Allataala mandara to mpattantui assele'na.

Matius 27:35

Napampangmi to Puang Isa, namane' lloterei to pakean-Na la nanii nnissenni kumua umbonnara to la naputawa.