Ester 3:12 - Alkitab Duri

^12-13 Na ia tonna tanggala' sangpulo tallu bulan mesa', natambai Haman to juru pangnguki'na raja. Nasuai Haman to tau nnuki' sura' susi to napangparentan, na ia joo sura' dipalembah tama sininna basa na diuki' pole' o tama sininna pangnguki' to dipake lan sininna karajaan. Ia joo sura' diuki' mpusanga sanganna Raja Ahasweros, nadica' mpake cincinna raja, nata'pa male to todisua mbawai lako sininna tomajao pangka'na, lako gubernur, sola lako tontoe ada' lan sininna propinsi. Ia to dipau lan joo sura' iamo to parenta kumua, ianna tanggala' sangpulo tallu bulan Adar, sininna to-Yahudi la tomatua, la tomalolle', la baine, la pea, nang la dicappu'i dipatei, na ia to ewananna la dirampa.

Ester 3:12 ပူးပေါင်းရင်းမြစ်များ

Ester 1:22

Ngkiringngi sura' parenta raja lako sininna propinsi karajaan, mpake basa sola pangnguki' simesa'-mesa' propinsi. Ia joo pepasan dipangpeissenan lan simesa'-mesa' basa kumua, “Nang la ambe' ia to menjaji kapala lan bola na basana too to dipake.”

Ester 3:11

Nakua toopa raja lako Haman, “Elohmu ikona, la muapari to tau sola doi'na.”

Ester 8:2

Napasunni raja to cincinna to mangka naala pole' jio mai Haman, napangbenganni lako Mordekhai. Naangka'i Ester to Mordekhai menjaji to ngkuasai ewananna Haman.

Ester 9:27

napusaba'i nampadenan mesa' atoran kalena sola bati'na na sininna to tomadoang menjaji to-Yahudi. Situru' joo atoran ia ke taun oi, nang la napakala'bih joo duang allo to mangkamo napattantu Mordekhai.

Daniel 3:10

Mangkamiki' mpasun parenta kumua, ‘Ia ke nnonimi to parewa mossi', nang la ssuju' to sininna tau ssompai joo patung bulawan.

Daniel 6:12

Ta'pa male ngasanni to tongkaba'ci Daniel namentama, nakitai to Daniel massambajang meta'da tulung lako Allataala to nasompa.

Daniel 6:15

Ia tonna sa'dingngi raja joo, gaja liwa'i masse penawanna, naangah akkalan umbo nakua mpasalama'i to Daniel, na napikkiri' tarruh ratu lako karuen.

Daniel 6:25

Napangparentanni raja nadijokko to tau mangka mpangpeasan Daniel, moi anakkana sola bainena nadica'bean ngasan tama lo'ko' singa. Te'dapa narapa' do' litak lan lo'ko' singa to tau, natoangmi singa, napasigaropoanni to bukunna.

Daniel 6:8

Kami' to tomangjamata', la ponggawa, wakkele' raja, gubernur, iarika tomangpakainga'ta', mesa' kadamokan kikua kenna tapasun sura' parenta to la naturu' ngasan tau. La tapangparentan kumua moi mesa' tau te'da nawa'ding lan tallung pulo allona massambajang lako dewata ba'tu lako tau saliwanna lako manda kita' puang, na ia to tau te'da namangpesa'ding la dica'bean tama lo'ko' singa.