Ester 10:3 - Alkitab Duri

³ Ia joo Mordekhai to-Yahudi, tatta'i mpupangka' pangka' majao, iamo wakkele'na Raja Ahasweros. Nataratte' na nakabudai padanna to-Yahudi. Napajolo tongan to kasalamaran sola kamasannanganna bangsana, ratu lako bati'na.

Ester 10:3 ပူးပေါင်းရင်းမြစ်များ

Ester 2:5

Jio benteng Susan den mesa' to-Yahudi jio mai pangrapuanna Benyamin disanga Mordekhai anakkana Yair na bati'na Simei sola Kis.

Ester 3:2

Napangparentanni raja lako sininna pangjamana anna ditaratte' Haman, na mengguntu' ssuju'i. Naturu' ngasan tau joo parenta, saliwanna Mordekhai.

Daniel 5:16

Mane' kuissenna kumua maccako mbattuanannii sola mapahangko ke denni passalan, iamo joo na ia ke maccako mbacai joo pangnguki' jio rinding sola mpauanna' battuananna, la dipapakeiko pakean karajaan jio mai kaen makudara' sola rara' bulawan, na la kuben tooko kakuasan mangpentallun jio mai kakuasanku' lan tee kaparentanku'.”

Daniel 5:29

Nata'pa mpangparentanni Raja Belsyazar lako pangjamana anna dipapakei baju lando makudara' to Daniel sola rara' bulawan. Naangka' tooi to Daniel menjaji tomakuasa mangpentallun jio mai raja lan kaparentanna.

Daniel 6:3

Nnangka' tooi tau tallu menjaji ponggawana to gubernur, na Daniel sala mesa'na. Ia joo tallu ponggawa la mpuissen jamanna gubernur danggi' narugi joo raja.

Roma 10:1

Ee, todipusile'to! Gaja doangna' kumua nadipasalama' to bangsaku'. Iamo joo kupassambajangan bangngi.

Roma 14:18

Ia to tonturu' Almaseh susi joo, napusannang Puang Allataala, nakasiri' tooi tau laen.