Ester 1:4 - Alkitab Duri

⁴ Annan bulanna nanii raja mpangpekitanni to kasugiranna istana sola kamala'biranna karajaanna.

Ester 1:4 ပူးပေါင်းရင်းမြစ်များ

Ester 1:3

Ia tonna tallungtaunmo mangparenta, Raja Ahasweros mpadenmi pangmaroasan la'da' lako sininna pangjamana sola tomajao pangka'na. Ratumi to pangbarani jio mai Persia na Media jio pangmaroasan, susi too to gubernur sola tomajao pangka'na lan propinsi.

Ester 1:5

Mangkai joo too, mpaden pole' omi pangmaroasan raja lako sininna tau jio benteng Susan, la lako tosugih la lako tokaasi-asi. Ia joo pangmaroasan, dipaden sangminggu masainna lan rante istana raja.

Daniel 4:30

mangkadana' kukua, ‘Liwa' matonggo tee Babel to mangkamo kupupenjaji kota nanii torro raja, mpangpekitan kamawatangan, kamakuasan, kadianggasan sola kamala'biranku'.’

Daniel 4:36

Ia tonna pole pole'mo pangngingaranku', diben pole'mo' kamala'biran sola kamakuasanku' to la napumala'bih karajaanku'. Natammui pole'mo' to tomangpakainga'ku' sola tomapangka' na kudipapole lako kamangparentanku', na ia joo kamangparentanku' la'bih makuasa na ia to ba'tu piran.

Daniel 5:18

Nakua toopa Daniel, “Ie', ia to Nebukadnezar ambe'ta', Allataala Tomala'bih mpupenjajii raja lompo Nabenni kakuasan, kamawatangan sola kamala'biran.

Matius 4:8

Nasolan pole' omi Ballisi' to Puang Isa de' buntu gaja jao, napakitanni to sininna kaparentan lan lino sola kamala'biranna.

Matius 6:13

Danggi' taelorankan ta'de kamatapparanki' ke disedekan mpugauk dosa, apa la'parankan jio mai kuasanna Ballisi'. [Nasaba' Rajaki', makuasaki' na mala'bihki' te'da cappa'na. Amin.]

Roma 9:23

dikua anna mpangpepajanan kamala'biran-Na to napatuju lako kita' tonakamasei. Na mangkamiki' napasadia la ntarimai joo kamala'biran.

Efesus 1:18

Kupassambajangan too kamu', napapahangngi kamu' Puang Allataala, ammiwa'ding nnissenni to apa mirannuan jio mai Puang Allataala to mangka mpilei kamu' menjaji umma'-Na. Ammiissenni kumua liwa' melo to apa nabasse Puang Allataala lako umma'-Na.

Kolose 1:27

Madoangngi Puang Allataala mpangpekitanni lako sininna umma'-Na to melona sola mala'bihna joo akkatta-Na lako kamu' bangsa tangngia to-Yahudi kumua, natorro too Almaseh lan kalemi, na iamo buttinna kumua la turu' toda kamu' mperasai kamala'biran-Na Puang Allataala jao suruga.

Pengkitanna Yahya 4:11

“Oo, Puangki' Puang Allataala to kisompa! Kita' manda to sipato' ntarima passompa, kamala'biran na kuasa. Nasaba' Kita'mo mpaden ngasanni to sininna apa, na den ngasanmo, natuo, nasaba' pakkaeloran-Ta'.”