Ester 1:3 - Alkitab Duri

³ Ia tonna tallungtaunmo mangparenta, Raja Ahasweros mpadenmi pangmaroasan la'da' lako sininna pangjamana sola tomajao pangka'na. Ratumi to pangbarani jio mai Persia na Media jio pangmaroasan, susi too to gubernur sola tomajao pangka'na lan propinsi.

Ester 1:3 ပူးပေါင်းရင်းမြစ်များ

Ester 1:14

Ia to tomangpakainga'na tuli natambai, iamo to: Karsena, Setar, Admata, Tarsis, Meres, Marsena na Memukan. Puanggawa ngasan jio Persia sola Media joo tau pitu, to kaminang majao pangka'na lan karajaan.

Ester 1:4

Annan bulanna nanii raja mpangpekitanni to kasugiranna istana sola kamala'biranna karajaanna.

Ester 2:18

Mangkai joo too mpadenmi pangmaroasan la'da' raja, tanda kanaanggasanna to Ester, natambai ngasanni to pangjamana sola tomajao pangka'na. Napangpeissenan tooi raja, na te'da nadisima to tau lan sininna propinsi joo wattu, nantawa-tawa paraseng situru' to nakaelohhi raja.

Ester 3:7

Ia tonna sangpulo duamo taunna Raja Ahasweros mangparenta, tonna bulan mesa', iamo to bulan Nisan, massuami Haman mangloterei jio olona (lan basa Persia mangloterei susi joo disanga purim), la nanii nnissenni to allo sola bulan melo la mpugaukki joo akkatta gaja'na. Anna pattantui to tanggala' sangpulo tallu bulan sangpulo dua1, iamo to bulan Adar.

Daniel 5:1

Mpadenni pangmaroasan la'da' Raja Belsyazar natambai to tomajao pangka'na lan kaparentanna, sangsa'bu tau budanna, namangiso'-iso' anggoro' sola.

Daniel 5:28

Ditawa-tawa battuananna, ‘Ia to karajaanta' ditawa-tawa nadiben to-Media sola to-Persia.’ ”

Daniel 6:1

Ia tonna mangkamo dipatei Raja Belsyazar, mangpamulami mangparenta Darius to-Media. Annanmi pulona dua taunna umuru'na joo wattu.

Daniel 8:20

Ia joo mesa' bembala' muane mukita den tandukkuna dua, iamo to karajaan Media sola Persia.

Markus 6:21

Ia tonna mpengngingaranni allo kajajianna Raja Herodes, ia toomo wattu melo lako Herodias nanii la mangpabalahhi. Ia joo Raja Herodes mparenta tana Galilea. Jaji ia joo allo dipaden to pangmaroasan, napangpetamban ngasanni tuu lako to tontoe kuasa, pangbarani, na sininna tomapangka' lan kaparentanna.