Daniel 9:26 - Alkitab Duri

²⁶ Ia tonna cappa'namo joo wattu la dipateii joo mesa' tau mangka Napilei Puang Allataala mangparenta, moi na te'da lalo salana. Ratumi mesa' raja to gaja lapuh sola surudadunna la ssolangan kota Yerusalem sola Bola Puang Allataala, apa la matei nasaba' wai saba', na ratu lako ke la kama'mi lino la den kasirarian sola kaancurusan susi to mangka Napattantu Puang Allataala.

Daniel 9:26 ပူးပေါင်းရင်းမြစ်များ

Daniel 11:10

Ia to anakkana muane raja karajaan jajanna liu la mpasadia buda surudadu la male rrarii to karajaan lo'na liu. Sala mesa'na joo anakkana ssolan surudadu susi wai saba' budanna. Ia tee mangpenduanna male rrarii natamai to bentengna ewana.

Daniel 11:17

Namane' mpasadia sininna surudadunna la rrarii to karajaan lo'na liu, dikua anna kuasai ngasanni. Namane' mpaden kasibassean, napasibali anakkana baine sola rajana karajaan lo'na liu, apa ia joo akkattana te'da najaji.

Daniel 11:22

Sininna to surudadu ratu nnewai, moi to raja mangka nasibassean la nalanynyasan ngasan.

Daniel 11:36

Napugauk bang raja karajaan jajanna liu to apa nakadoangngi. Namenjaji matampo, nnangga' kalena la'bih mala'bih na ia to sininna dewata. La'bih-la'bih liwa' ncapa' Allataala to makuasa. La jaji ngasan susi to nakadoangngi arannai naperasai to kamabirisan-Na Puang Allataala. Nasaba' ia to mangka Napattantu Puang Allataala nang la jaji.

Daniel 9:27

Ia joo raja nggaraga basse mabanda' lako tau buda pitung taun masainna. Ia tonna mattangnganmo joo wattu tangnaeloranni to karoba sola passompan dipugauk. Na den to liwa' mecarepan to disanga ‘Kagajatan to mesolangan’ la dipatama Bola Puang Allataala, na la lan tarruh, angge lako wattu to Napattantu Puang Allataala nanii lanynya'ii joo raja.”

Amos 8:8

Te'daraka na la mputirogei lino joo panggaukan gaja'na to-Israel, namemmasussa to tau? Te'daraka nalasusi Sa'dan Nil to den wattunna naendek na den wattunna namere?”

Amos 9:5

Tiroge to lino, na masussa ngasan to tau, nasaba' Natemme'i PUANG Allataala to makuasa. Ia to sininna padang tiroge, susi Sa'dan Nil to den wattunna naendek na den wattunna namere.

Matius 22:2

“Ianna mangparentamo Puang Allataala susi Raja, dipasangrapang raja la mpabotting anakkana muane.

Matius 22:7

Ia tonna sa'dingmi joo raja, gaja gallimi. Nasuami to surudadunna male mbunoi to tombuno kaunanna, nasumpun tooi to kotana.

Matius 23:38

Iamo joo la makarorrong to bolami, nasaba' te'damo nasolan kamu' Puang Allataala.

Matius 24:2

Nakuamo Puang Isa, “Mikita ngasanmoraka kabua'na joo bola? La mikatappa'i kumua den wattunna keanu', na sininna tee mikita la diro'pokan ngasan na moi mesa' batu te'damo nnii ngenanna!”

Markus 13:2

Mebalimi Puang Isa nakua, “Mukita ngasanmoraka kabua'na tee bola tonggo? Den wattunna keanu', na sininna tee mukita la diro'pokan ngasan na moi mesa' batu te'damo nnii ngenanna.”

Markus 13:7

Ia ke ssa'ding kamu' oni kasirarian sola kareba kasirarian, danggi' mimalaja'. Nasaba' nang la jaji ngasanni joo, apa te'dapa nawattunna Kiama' lino.

Markus 9:12

Mebalimi Puang Isa nakua, “Tongan, la ratui la mpasadia ngasanni. Apa sitonganna kukuan kamu': ratumi ia to Nabi Elia, apa nasakka' gaukki bangngi tau susi to diuki' jolomo lan Sura' Allataala. Apa matumbai tee Aku', Anak Mentolino? Ciapari nadiuki' lan Sura' Allataala kumua ia to Anak Mentolino la gaja parri' na nacapa'-capa' tau?”

Lukas 21:24

Denni to la dipa'dangngi, den tooi to la dijokko nadipali' lako mangrupa-rupa tondok. Na ia to bangsa tangngia to-Yahudi la ssolang-solangngi joo kota Yerusalem angge wattu to napattantu Puang.”

Lukas 21:6

“Den wattunna dau, na sininna tee mikita la diro'pokan ngasan na moi mesa' batu te'damo nnii ngenanna!”

Lukas 24:26

Tanglamperasairaka kamaparrisan jolo' to Raja Mangpasalama', namane' ntarima kamala'biran-Na?”

Lukas 24:46

Nakuanni kumua, “Den diuki' lan Sura' Allataala kumua ia to Raja Mangpasalama' la maparri', na la tuo pole' jio mai kamatean, ke allo mangpentallun.

Yahya 14:30

Te'damo nabuda bang la kupauan kamu', nasaba' wattunnami la ratu to Ballisi', to ngkuasai tee lino. Apa te'da nakuasaina'.

2 Korintus 5:21

Puang Allataala mpabalahhi Almaseh moi na te'da namadosa. Ia ssulleki', nasaba' dosata', anna pupenjaji tomeloki' nasaba' memmesa' penawaki' sola Almaseh.

Galatia 3:13

Mangkamiki' nala'bak Almaseh jio mai tampak ropu to napaden atoran agama lako kita', nasaba' te'da takullei nturu'i. Iari ssulleki' nakanna tampak ropu, susi to diuki' lan Sura' Allataala kumua, “Tampak ropu to sininna tau to mate dipampang jao kaju.”

1 Petrus 2:21

Napileimo kamu' Puang Allataala mpugaukki susi joo. Moi Almaseh mperasai pa'dik ssulle kamu', anna menjaji palelean mata lako kamu' ammituru'i.

1 Petrus 2:24

Almasehra Ia mperasai kamaparrisan jao kaju sitamben nasaba' dosata', antala'pah jio mai kuasa dosa, antaturu' too pakkaeloran-Na Puang Allataala. Napamalagahki' nasaba' kamaparrisan-Na Almaseh jao kaju sitamben.

1 Petrus 3:18

Nasaba' pissenra mate to Almaseh la ndampangan tolino. Ia to Almaseh, to te'da namadosa, namate ssulle tomadosa, dikua misikalino pole' Puang Allataala. Batang kale-Na nabuno tau, apa napatuo pole'i Roh Allataala.